طلق ما بعد الولاده

السلام عليكم

اخواتى الغاليات اشكركن على ردكم الشافى ودعائكن لى بالسلامه

التى اتمناها لكن جميعا

اما بالنسبه للاخت " الدمشقيه " انها حست بالام لما انجبت البنت بس الولد لا

فهاد يمكن لانه الولد البكر لك لانه انا لما انجبت المره الاولى لم اشعر باي اللام تذكر

ولكن عندما انجبت الولد التانى كانت االاام فظيعه جدا وانا هلاء خايفه

من حملى التالت وتتكرر العمليه0

خيتى " جروح الغربه " لا تخافى كتير لانه الامر طبيعى متل ما انتى شايفه وكل الاخوات مجربين

بس حبيت اطمنك انه ما تصيب الى يكون اول حملها وولادتها .. يعنى هالشى اذا بدو

يصير بصير بالحمل التانى وسمعت بعض الاخوات بقولوا انه فى ناس هالشى

ما بجيبهم لا بالاول ولا بالتانى وان شاء الله تكونوا متلهم.

وهلاء حابه اعطيكم عالمعلومه وان شاء الله تمشى الحال مع الى تجيها هالحاله

اليوم الصبح كنت بمراجعه للدكتور وفتحنا سيره رياح العقبان على قوله اختنا " راضية بقدرها "

الا وحده قالتلى نصيحه ومجربتها هى وقريبتها وانها كتير مساعدتها على هالحاله

وهى على سرير الولاده يعنى من اول ما البيى ينزل تكون مجهزه كاسه <<رب>> بضم الراء

او ازا ما بتعرفوه بهاد الاسم الى هو مربى الخروب ما بعرف ازا موجود بالخليج او لا

لانه بفلسطين متوفر بكثره واغلب البيوت بيستعملوه للحلويات.

وان شاء الله انا قررت اجربه هالمره وان شاء الله استفيد منه وابشركم

تحيتى للغاليات ويسلموووو على ردودكم المريحه بالنسبه لي0