عمي الله يرحمه

انا حامل وحلمت ان عمي المتوفي ابو ريلي راقد على فراشي ويقولي ابا قطرة ماي وفي الحلم كنت اعرف انه ميت ومن طلع من البيت كان لابس كندوره بيضه ويقول حق ريلي تعال وياي بس هو نفس الي يتغشمر وياي انا قتله لا عمي انا ابيه عندي قال حق ريلي انزين وصلني لين الباب قاله لا عمي (فلانه) بروحها ما اقدر اخليها
عقب مشى عمي بممر طويل ويلس يجمع دفاتره كانت وايد دفاتر من ضمنها دفاتر كتابات امي الله يخليها لي انا خفت انه ياخذها وياه ويستوي فيها شي شليتها عنه شو تفسير الحلم مشكورين وهاي مب اول مره احلم عمي بعد وفاته بيوم او يومين حلمته يناديني ( رشفة ) يعني يغمه ماي باللغه المحليه شو يعني؟؟؟؟؟؟؟؟؟؟ظ