المشيمه نازله ....

ربنا يعينك


انا كمان حامل في اول السادس

بس انا اسفه مش عارفه افيدك

ان شاء الله يفيدوكي

سلامات عزيزتي

انا اختي نفسك وهي بالشهر الخامس

بس قالوا لها انسدحي ورفعي رجلك فوق

والله كريم

ويتمم عليك يارب

تسلمون بنات روووووعه وبنت مصر

الله يتمم بخيررر

نامي وارفعي رجلك

نفس الكلام اللي الدكتوره قالته حقي اختي

والحمدلله اللحين المشميه ارتفعت

ممكن تفهموني يعني ايه المشيمه نازله

وايه المشكله من نزولها يعني

اصل شكلي بايخ وانا حامل ومش فاهمه

أنا نفس الشي المشيمة نازله عندي
وأنا بنهاية الشهر الثالث
وللأسف صار لي نزيف بس الحمد لله ...

ونصحتني الدكتورة أظل دايما مرتاحه
وما أشيل شي ثقيل ولا أمشي مده طويله.......

ومثل ما قالو البنات أنسدح أرفع رجلي.....

بس الدكتورة قالتلي مش في يوم وليله ترتفع المشيمه ...
يبغالها شهور
ولما يكبر البيبي يرفع المشيمه معاه....

بس عطتني دفوستان أستخدمه ثلاث مرات في اليوم ....

أتمنى أكون أفدتج
ويا رب يحفظلي ويحفظلج جنينج .....

الله يسهل عليكم ويقومكم بالسلامة

ما عندي خبرة بالمشيمة غير اللي قالن البنات

مشكوووووووووووره بناااات على الرد

وياابنت مصر نزول المشيمه بشهور الاولى عاادي زي ماقالت الدكتوره بس خطر اذا كانت ناازله باالاشهر الاخيره لانها يمكن تحدث نزيف الله يكفيناا ويكفيكم شره او ولاده قيصريه

الله يرفعها انشاااءاللله بقدررته



ورحت دكتوره اليوووم قالت ناايمي وحطي تحت رجوولك مخده بس طمنتني على حااله الجنين وقالت خير انشاللله


وسلاااااااااام

الله يعينج حبيبتي ويتمملج على خير

انا كانت المشيمه عندي نازل في حملي الاول بس في الاشهر الاولى والدكتوره نصحتني ما اتحرك وكله ارتاح وعطتني حبوب تثبيت حمل

بس في حالتج (الشهر الخامس) مادري اذا المفروض تاخذين حبوب تثبيت
اسألي الدكتوره عليها وانصحج تريحي نفسح ولا تمشين ولا تشيلين اي شي وانتبهي على عمرج وبعد انصحج توقفون معاشره لفتره لين ما تتحسنين وراجعي دايما عند الدكتوره

الله يساعدج

حبيبتي ان نفس الشيء حالتي من حالتك
انا الحين بنهاية الشهر السابع وبدخل الثامن هذا الاسبوع ان شاء الله والمشيمة عندي لحد الحين نازلة والدكتورة نصحتني اني اتم مرتاحة والافضل اني اخذ اجازة من العمل بس الحمد لله انا قدمت استقالتي من الوظيفة من ثاني شهر من الحمل
ونصحتني اني ما امشي كثير لانه ممكن يعملي نزيف


فانتي ارتاحي بالبيت واذا كنتي مثلا في الصالة تشوفين تلفزيون دائما خليش منسدحة على الكنبة وحطي وسادة متينة تحت رجولك ولا تمشي كثير ابدا

الله يسهل على كل حامل ويتمم علينا بخير

الحل انج تنسدحين وتمين رافعه ريلج نص ساعه كل يوم ولا تجهدين نفسج..

الله يتمملج ع خير..

انا بعد مب قالت لي الدكتوره المشيمه نازله والبيبي ناول تحت وتوني من يومين داخله السادس :(

قالوولي ارفعي ريولج فوق وتمي منسدحه وحد قالي مب زين ترقدين على ظهرج مايوصل الاكسجين للبيبي :(

شوالحل يعني؟

اختي متشوفين شر انشالله انا مثلك بالخامس قالتلي المشيمه نازله
وانشالله ترتفع لما اجي بالسابع والحمدالله ارتفعت لاتخافين اختي بس انتبهي لنفسك

هلا الغاليه ماتشوفين شر ولاتحاتين انا يووم كنت حاامل كاانت المشيمه عندي ناازله لا تشيلين هم انشالله اللي ربي كاتبنه بيستوي..
عليج بوضعيه السجوود انا سويتهاا والحمدلله لمده اسبوعين وارتفعت المشيمه وانشالله ترتفع المشيمه عندج بس ماقلتيلنا اي درجه لانه نزول المشيمه اله درجاات؟
انا كانت درجه مشيمتي يعني مب واايد..
انتي حااولي تسجدين في اليووم 8 مراات لمده دقيقه طبعهاا من غير سجوود الصلاه لاتحسبينه وانشالله خير يالغاليه اهم شي لاتحااتين والله يسهل عليج وعلى كل حاامل انشالله ..

اهم شي حبيبتي ماتمشين ابدا

لان المشي ينزل المشيمه

واذا ضلت نازله يمكن تولدين قيصريه

لانها تكون سابقه للجنين يعني نازله قبله وبكذا الجنين مايقدر يطلع راسه