داخلة على الله ثم عليكم.. لا تردوني خايبة. ما بقى عندي وقت طويل ...

السلام عليكم ...

كيفكم خواتي ...


و اللله ان انا مستحية منكم .. اول مشاركة لي طلب .. :shy:


المهم ...


انا يا خواتي يا طويلات العمر .. ان شا الله ..

انا من فترة صرت لما انظف رجلي و يدي بالحلاوة (( السكر )) تطلع لي حبوب (( بشرتي تميل الى انها حساسة شوي ))

و انا ما اصبر عنها و اخليها اقوم اهرش فيها (( ادري ان اللي اسويه غلط بس ما اقدر اتحمل ))

صارت رجولي كلها حفريات و جبال و هضاب و شوارع

و حالتها حالة

ما اشتهي اطلع فيها :sad: :sad:

بالذات رجلي

تشتكي مني حالة مرة بائسة :sad:


جربت اكثر من علاج و ما فاد وياها

رحت الى الطبيب عطاني كريم و ما فاد

جربت دوا سمعت عنه في المنتدى اسمه Dalacin T

صار لي اسبوعين

احسن ان الحبوب و اثارها خفت شوي

بس مو بالشكل المطلوب

و انا محتاجة شي يروحها بشكل اسرع

لان خطوبتي خلاص

تحددت تقريبا

باقي عليها بين الاسبوعين او 3 اسابيع

و ودي تكون بشرتي صافية في حفلة خطوبتي

و ادا ما في ازعاج ابغى علاج يوحد لون البشرة بعد

لان صاير وجهي و رجولي اغمق من صدري بدرجة ملحوظة

<<<<<<ادري اني طولت عليكم ,, و ثقلت عليكم


بس و الله اني متأملة فيكم خير

و اتمنى من كل قلبي انكم تساعدوني


طلبتكم و لا تردوني


الله ينول اللي ترد علي و تفيدني بكل خير

الله يرزقها الزوج الصالح و الذرية الزينة

و لكم مني اعذب و ارق التحايا

اختكم :: عسل و بس :shy: (f)