.:. سلطة الشاورما بالخطوات المصوره من مطبخي .:.

صباح الخير بنات

وحشتوني فديتكم .. من زمان عن هالركن :sad:

المهم من شوي وانا قاعده اشرب قهوتي و اقلب في الصور اللي بالكمبيوتر ..

لقيت طبخات وايد مصورتها و مخزنتها عندي وما نزلتها في المنتدى..

قلت خلاص كل يوم بنزل شغله :shy:

وحبيت ابدي معاكم اليوم بطريقة سلطة الشاورما ..

بحط المقادير مع الخطوات و الصور مره وحده ،، بتكون اوضح بهالطريقه .. اوكي :clap:

بسم الله نبدي ..

السلطه راح تكون على شكل طبقات .. يعني حطي طبقه فوق طبقه وبدون خلط اوكي :qaq:

نجيب المله او الوعاء اللي بنقدم فيه السلطه ..


كوب ونص بقدونس مفروم ناعم ..


بصل ابيض مقطع لأجنحه نخلطه مع سماق .. ونحطه فوق البقدونس ..


بهالخطوه نكون سالقين نص دجاجه وشايلين الجلد و العظم ومقطعينها قطع صغيره مثل الصوره ..
ننقع الدجاج في : (علبة روب + رشة ملح+رشة فلفل اسود مطحون+ عصير ليمونه) ..
الأفضل في بداية تجهيز الطبق نجهز الدجاج عشان نعطيه مجال يتخمر .. و كثر ما خلينه في الخلطه كان الطعم ألذ ..
ناخذ الدجاج .. و نقليه بشوية زبده مع رشة من البهارات اللي تحبينها ..ولو عندج بهارات الشاورما بتكون احلى لكن لا تكثرين .. نقلب الدجاج قلبتين فقط عشان يتحمر ..
ونحطه فوق الطبقه السابقه


بطاطا مقطعه الى اصابع او شرائح طوليه .. وممكن نستخدم اصابع البطاطا المجمده ..
ونقليها على جنب .. و نحطها فوق طبقة الدجاج ..


في وعاء جانبي نخلط : ( علبة روب + ملعقة مايونيز + ملعقه طحينه اللي نسميها الهرده + فص ثوم مدقوق + رشة ملح + عصرة ليمون )


ونحط الخلطه فوق الطبقه السابقه اللي كانت البطاطا ..


نرش على الوجه شوية سماق
و ناخذ خبزه نقطعها لمربعات .. اما نقليها او نشويها داخل الفرن
ونحطها على الوجه كآخر طبقه ..

السلطه شوي دسمه وتشبع .. ممكن تسوينها على العشا بروحها :qaq:

وبالعافيه على قلوبكم (f)