بسم الله الرحمن الرحيم
إخواتى العروسات الجميلات يومكم سعيد وحياتكم كلها يا رب
أنا كنت فكرت أننا هنا نعمل ركن لكل البنات المقبلات على الجواز نتكلم فيه عن إيه كل الجوانب النفسية اللى ممكن تأثر علينا إيه أفكارنا عن الحياة المقبلة إيه مخاوفنا أنا شايفة أن الاهتمام بالناحية النفسية لا يقل فى أهميته عن التجهيزات والعناية بالجسم والبشرة بل ده أهم لأن الوجة مثلاً مراة لحالة الجسم النفسية والعينين أحلى كريم تحطيه ليها هو راحة البال والسعادة النفسية
أنا نيتى أننا نجمع فى موضعنا ده كل الحاجات اللى بنفكر فيها سلبية أو إيجابية كل حاجة ويا ريت المدامات اللى اتجوزوا ميحرموناش من خبرتهم ولما يكون قدامنا مشكلة ندور فى لانت ونقرا عشان نفهم إزاى نحلها أتمنى أن الموضوع يكون بالشكل المطلوب ويعد مرجع نفسى لكل عروسة وبكدة كل بنت هتتجوز تلاقى مرجع للتجهيزات ومرجع جمالى وكمان مرجع نفسى
وأهلاً بكل عرايس لمنتدى من كل حتة :salam:
