الزين روح وعفه وطيب سيره..

:shy: بسم الله الرحمن الرحيم :shy:



قصيده كتبها شاعر مادري وشو أسمه يمدح المغربيات أقروا شيقول:

يالي تنشد عن علوم الذي طاف كل البحور وكل دولة وديرة
خذ من علوم اوصافة اوصـــاف جزل سمين يشتعل له سعيرة
الزين عقب المغربيات ينعاف غيد لهنٍ بالزين ذكرٍ وسيرة
فيهن حلاً طاغي ولين بالاعطاف وفيهن حنان يشعل القلب غيرة
حلوات وصف وفاهمات بالاعراف زينات منطق صافيات السريرة
بنات قومٍ طيبهم غصب ينشاف أولاد مغرب في الليال العسيرة
ياللي تنشد عن علومي بالانصاف هرجي يكفي صاملة عن كثيرة
الزين في لميا وتغريد والطاف ماهوب في حصة وكشرة ومنيرة


رد عليه الشاعر المرحوم,,طلال الرشيد,,الله يرحمه ويغمد روحه الجنه :sad: قصيده((وخابالزاف..

يابن الحلالإن طعتني خل الأسراف واترك جمال الغيد لاهل البصيرة
الزين مو بس الملامح والاوصاف الزين روح وعفة وطيب سيرة
مانيب من يهوى سريا وانصاف أنا هواي وبس بنت الجزيرة
بنت الخليج اللي تماري بالأعراف وحنا نماري باسمها كل ديرة
مالي غرام بقول وخا بالزاف إذبحني عند الطرحة المستديرة
أحب قولة يا هلا وعل ما خلاف من بنت ثوبي بنت الأرض النضيرة
اللي تحلاها الظبي حلو الأطراف جمال في عفة ورقة وغيرة
واللي بها سحر مهو سحر عراف يا عل عين ماتراها ضريرة
عطف وحنان وذوق في لين الاعطاف وال كشفت لثامها شفت اميرة
صعبة على اللي بالردى شاف ماعاف وحلوة على اللي سنة الله ضميرة
شمس الى من أشرقت والدجا طاف غابت نجومك غصب لو هي كثيرة
السيف ما يزهى سوى كف سياف والخيل دون حصانها مستخيرة
بس انت دور لك على قدك لحاف وإن طعتني دور بدلنا عشيرة :clap:


أتمنى ينال أعجابكم....


مع كل حبي
*_*عبوشه*_*



:منقول: