من يعرف عن البواسير ساعدووني ..!!

ماتشوفين شر الغاليه.... مافيها شئ رجعى الدكتوره...

السلام عليكم...!

اختي ما تشوفين شر..:(
بس أنا داخله هالمنتدى بعد لنفس السبب!!!


اختي وش هي الظاهرة اللي صارت معاش؟؟

والله انا مستحية....بس ألزم ماعليّ صحتي..!

انا هالأيام أشوف يطلع مع البراز دم
وما ادري وش هي ذي الحالة؟

ارجوكم افيدونا..جزاكم الله خير؛؛

انااااااا ساامعه اذاكان بدون دم بس كاان شي برز من فتحة الشرج مثل كورة صغيرة ادهنيهااااا بزيت الخروع مرة الصبح ومرة بالليل والله اعلم....

يا جماعة أنا رأي أن موضوع زي ده مش ينفع أبدا نستشير بعض فيه .. أنا مجربة الموضوع وأقصر

الحلول فيه وزيادة الأطمئنان هو الذهاب للطبيبة .. بدل ما الموضوع يزيد ونكون نقدر نعمل شيء

ونلحقه بدل الألم والمخاوف دي كلها .. أختى توكلي على الله وعلى الفور أذهبي للطبيبة .. مع

تمنياتي لكي بكل الخير ,, وطمنينا عليكي

الله يساعدكم ويساعدنا ... بس احسن شئ الطبيب ..

تحياتي ...

المشكله انا استحي اروح حق دكتوره شاقول لها ..؟

وانا عروووووس ابي حل لهالسالفه :(

أختي لا تستحين ولا شي روحي حق الدكتور وسمي بل رحمان وقولي حق دكتور أنا بتزوج بعد فتره ومشكلتي أني يصير لي كذا وكذا ألخ أشرحيله بل زبط حالتج وأعرف يعطون مرهم حق البواسير وأذا الحاله كانت متقدمه لا سمح الله يسون عمليه لكن أعتقد حيعطيج مرهم وأذا عندج أمساك مستمر بيعطيج دوا حبوب ولا تستحي أختي وخصوصا أنج بتتزوجين قريب فكري أنج لازم تكوني بكامل صحتك وعافيتك ولا تهملين نفسج وقولي حق الوالده وهي بتهون عليج موضوع وأكيد بتاخذك حق دكتور متخصص وتمنياتي لج بل شفاء العاجل

عاد هذا الدكتور رجال بس بشوف بكلم امي :( والله يستر

حبيبتي شوفي الرابط
http://go.3roos.com/4NrTglgrGWL

الله يشافيك

و نصيحتي أنك تشربي الماء كثير و يكون أفضل لو تخلطي فيه معلقة عسل على الريق و لا تأكلي العيش الفينو


الله يشافيك يا حبيبتي و لا تنسي الدعاء

يسلموووووووووووو ومشكووووووووورين للكل ويعطيكم الف عافيه

البواسير يا جماعة كما ذكرت بالرابط كتعريف
ومن اسبابها الامساك (صعوبة التبرز) او اكل الاشياء الحريفة مثل الشطة :sad:

اما العلاج فحب حالة البواسير
1 اذا كانت نتيجة الامساك يؤخذ دواء ملين مثل لاكتيلوز شراب او اقراص نصار
ويؤخذ اقراص دافلون مرتين باليوم لتقليل الالتهاب المصاحب للبواسير
ويوخذ مرهم لجنو كايين بعد التبرز لتقليل الالم والحرقان المصاحب للبواسير
واذا كان فى دم يؤخذ اقراص هيموستوب او دايسينون 500
:clap:
2 اذا كانت نتيجة الشطة يحذر تناولها بالاضافة للعلاج السابق مع استبعاد الملين

:clap:
3 اذا اخذتوا العلاج السابق ولم يوجد تحسن لابد من العملية :angry:

واى سؤال انا معكم اوفر عليكم الذهاب للطبيب :clap:

[grade="8B0000 FF0000 FF7F50 4169E1"]يعطيك الف عافيه katy كفيتي ووفيتي
فععلا مافيه شي انا رحت عند الطبيب قبل
زواجي ويا ابوي وشرحت له بصعوبه بس هو فهم
بس قال بسيطه اهم شي ما يجيك امساك وانصحك
عصير البرتقال الطبيعي والخبز الاسمر والله يشفيك
وويوفقك[/grade]

حبيبتي الله يشافيك ويعافيك
من كل مكروه ان شاء الله

:

بالنسبة للبواسير ساليني انا عنها
جد والله تعبت منها فوق ما تصورين
يعني الافظل انك ما تتركين الموضوع
يتفاقم ويكبر اكثر لانه مع الوقت
رح يسبب لاقدر الله صديد في المكان
وممكن يكون له مضاعفات مب زينة
يعني الافظل من الحين تروحين
ع الطبيب وان شاء الله يكون
الي فيك شئ بسيط وما يحتاج الا
مرهم وبتروح بعد كمن يووم وخلاص
بس غالبا في الحالات اللي متقدمة
وزادت حيل تكون عملية
من قبل كانت عمليات جراحية انا
فعلا صارت معي وسويت جراحة
وتعبت حيل اختي الصغيرة من حوالي
سنتين تقريبا وقبل زواجها نفس الشئ
جاها البواسير بس سوتها بالليزر
وربي يا اختي ما تعبت ابد
بس شوية حرقان اول يوم وبعد كذا
كن مافي اي شئ غير الجراحة تماما
الجراحة تعانين مو اقل من شهر
وعلي فكرة
موبس الامساك الي يسبب ويزيد
البواسير حتي الاسهال وانتي بكرامة
يعني هذا كلام الدكتور لي قالي
انتبهي بعد كذا من الاثنين

:

انصحك يالغالية تروحين الطبيب
ولا تلجاين لاي وصفات او اي شئ
ثاني عشان السالفة ما تكبر معك
اتمني لك الصحة والعافية يارب

هلااااااااااا خواتي..................انا مسويه عملية بواسير:sad: والصراحه بغيت اموت تخيلوا توني كنت والده وظهرلي وعقب الولاده بارببع ايام سويتها وجفت الموت خياطه من الصوبين........ظهرلي اول شي شرا اللحم برا من فتحة الشرج ويعورني واااااااااااااايد حتى اني ما اروم ارقد بس ما ينزل دم وعقبها خبرت الوالده وودتني عياده خاصه ويوم جافوني استغربوا قالوا كيف متحمله لازم ا نقصهم ........وهني العله العوده واختكم كلش ما تحب الابر تحت وبنجوني وشالوهم


بس ما ارمت ارقد من الالم ولا ارقدر كرمتوا اروح الحمام كنت انزف وتميت تقريبا اسبوعين اعاني وعقب الحمدلله كل شي زين:(r)

السلام عليكم
البواسير يا اخواتي عبارة عن احتقان في الاوعية الدموية في منظقة الشرج
اسبابها عديدة اهمها الولادة .. الامساك.. التعسر الكثير

هناك عدة درجات من البواسير

اول درجة لما يكون فيه هالاحتقان داخل الفتحة.. ماكو شي لبره.. يبان بالفحص.. يسبب الضيق للمريض

ثاني درجة لما الشخص يحس بشي طالع من فتحة الشرج ( وانتو بكرامة ) فقط اثناء عملية الخروج او التعسر وترجع الى الداخل بروحها

ثالث درجة يطلع لبره مع الخروج وما يرجع لداخل بروحه.. لكن يرجع بالاصبع!لما يدفع الى الداخل يعني


رابع درجة وهو الاخير لما يكون لبره وما يرجع لداخل!!



ما في داعي لاي شخص عنده اي درجة من هالدرجات انه يصبر الى ان يصل الى الدرجة الاخيره لانه فعلا مؤلم وله مضاعفات..


حبيباتي المريض ما له الا ربه يدعيه..ثمالعلاج عسى الله يكتب له الشفا فيه.. شي محرج صح.. روحو لطبيبه بدل طبيب..يعني انتو ولدتو او راح تولدون ان شاء الله!! وكل شي راح يبان!!

والله اثناء الولادة راح (عفوا على الكلام بس خلنا واقعيين!!) تسوون الخروج في وجه الدكتورة!!! في شي اكره من هذا؟؟؟؟؟؟؟؟؟؟؟؟؟؟؟؟؟




روحو يا حبيباتي وتطمنوا على انفسكم وتداركو .. لان العلاج ممكن بالمراهم.. الادوية
في مراحل ممكن بالكي البسيط فقط

وفي المراحل المتاخرة يحتاج الى العمليات الجراحية.. وبصراحة الموضوع مو سهل بالمرة لان المنطقة حساسة جدا!! واذا اهملت راح يكون الموضوع اكثثر ازعاجا


الله يبعد الشر والمرض عن امته
امين يارب

هلا اختي ممكن تشوفين هذا الرابط ..

وبتعرفين ..

شو فيج بالضبط

http://www.3roos.com/forums/showthread.php?t=185117&highlight=%C7%E1%C8%E6%C7%D3%ED%D1

موفقة .. ياقلبي ..