اليوم جايبتلكم وصفه من شرق آسيه وتحديدآ تايلند
اتوحد لون الجسم
اتبيض
واتشيل الحبوب وآثارها والكلف
بس (( يبيلها مداومه مثل اي وصفه طبيعيه ثانيه ))
امس صورت روحي وانا اسوي مقادير هل وصفه ومكوناتها .
ماراح اعور راسكم بالهذره ونوصل لصلب الموضوع.
المقادير:
مقدار كوب رز مطحون ( عيش ابيض بالبحريني ونطحنه ) Rice Powder
ملعقتين اكل كبار صندل احمر بودره ( وينباع عند العطاريين او دكاكين الهنود )
ملعقتين اكل كبار كركم الجسم او الاكل ( انا استخدم مال الجسم اللي ينباع عند العطاريين)
تخلطين هل مكونات الثلاثه مع بعض ..
بعدين ضيفي 20 قطره من زيت الياسمين او زيت الورد المركز ( انا آخذ اللي عند البدي شوب )
وضيفي كوب ماي دافي وخلطي المكونات حتى تتجانس
وهاي شكل الخلطه في النهايه
كيفيه استخدام الخلطه
وانتي في الحمام وبعد ما اتبللين جسمج
اخذي الخلطه وحطيها على كااااااامل جسمج من اريولج ( الله ايعزكم ) لي ارقبتج
وقعدي بالخلطه 15 دقيقه او لين ما اتحسين انها جفت
بعدها غسلي جسمج بالماي بس
وحطي على جسمج خلطه الغلسرين السايل والليمون او اي كريم مرطب .
ورقدي واليوم الثاني سبحي عادي واستخدمي اي شاور جل اتحبين .
انشاءالله اتنال على اعجابكم هل وصفه وانا استخدمها صارلي فتره والحمدالله وحدت لون جسمي وصفت اي شوائب فيه .
اختكم
(( روح البحرين ))