أصارخ ابكي في الليل ؟؟؟

والله حبيبتي الله أعلم الاطفال ماتعرفي لهم كيف بس ما اعتقد ان بيسنن الحين بعده شوي ودي المستشفى يكشفون عليه الله لا قال يمكن فيه شي لان ولد اخوي كان يصيح صياح وطلع عنده افتاق بس الله يعافي الجميع واستعيلي اختي على ضناج وخلي شغل البيت عنج الشغل عمره مايخلص والل يكون بعونج وبعون ولدج

الله يكون في عونك اختي وفي عون كل الامهات
اختي حاولي ما تخلينه ما ينام من بعد المغرب
وقللي نومته بالنهار
وبعدين اقري عليه وحصنيه

يمكن الرضعة ما تشبعه
او فيه غازات

يعني لازم تعرفين السبب.........

آآآآآآآآآآآه وديته المستشفى وفيه كان زكام وعطوه مضاد وكل ما اعطيه الدواء يتقيأ ، والله من دون مبالغة ان في الليل اسب روحى واسب ابوهم واسبهم الله يحفظهم اجلس اصرخ عليهم وودى اروح البحر اقط روحى بالبحر والله اختى من التعب كل فينى عوار بطن ان حتى بالزور اجلس ارضع ولدى..........

بس اذا هو تعبان ما يشرب بس يبكى الى ان ينام ولا بالمصاصة بعد يجلس يحرك راسه يمين ويسار ربي يحفظه وكل شوى تطلع المصاصة من فمه تعالى عاد انتى حطى له المصاصة ونفس السالفة حق ثلث ساعة ساعات اجلس اصرخ عليه اقول له انا خدامة ابوك كل ساعة تطلع المصاصة واجى احظها بحلجك وبعدها مسكين من البكاء وتعب البكاء ومسكين عاد الدموع الى وين يتبلل من الدموع وانا ما اعطيه وجه عقب احط له المصاصة يشوف ما في فائدة منى عقبها ينام ويستسلم..:angry: :angry:

حبيبتي
اذا كان هذا اول ولد لج
وفي هالسن
وانتي من الحين تتضايقين منهم وتسبينهم

شو بتسوين بعدين لما بيكبرون وبيعاندون !!!!!!!!!!

اختي تربية اليهال والله مب سهلة
لكن الوحدة لازم تحتسب الاجر فيهم

اقولك شي
بعد اللي شفته من متاعب الحمل والولادة
صرت اقدر امي واحبها واحترمها اكثر واكثر من اول
لاني عرفت شكثر هي تعبت معانا الين ما كبرنا..........


عليك بالصبر والدعاء لهم بالهداية والصلاح

الله يهدينا ويهديكم

حاولي ماترقدينة من بعد المغرب نهائيا.. يمكن ماينام بالليل لان بالنهار نايم كثير
انا ولدي عودته كذا والحين ينام كويس والحمدلله

حبيبتي قلبي معاك ....بس انا متأكدة انه معاه غازات في بطنه الاطفال دايما لين ما يكملون سنة من عمرهم بس تقدرين تتجاوزين هالمرحلة ....لا تعطينه المصاصة لأنها تعوده يسحب هوا وثاني شي تسبب عيوب في اللثة وبروز الاسنان لبرة ...أنا ماعندي الا ولد واحد وعمره الحين سنة وتسع شهور والله ما يعرف حتى شكل المصاصة...(نصيحة عمتي أم زوجي يوفقها ربي )والحمد لله انه ما عمره اذاني لا في بكا ولا في نوم لحد اليوم نومه كان طويل ولما يصحا اغير له وارضعه وانا هادية لان الطفل يحس من حليب أمه ان الام متنرفزة (سبحان الله )فما يرضع بشكل كامل و صحيح ....حاولي تبعدي المصاصة عنه قبل ما يتعلق فيها اكثر ....لأن هي السبب وانا قلت لك تجربتي وانت شدي حيلك في هالموضوع وخذي نصيحتي جد وما بتندمين ولو كان يبكي عشان يبي المصاصة الهيه باي شي ثاني طفلك في هالسن محتاج نبرة صوتك الحنونة وانت تهدئينه وحاولي توفرين له العاب او صور فيها الوان مضيئة تشغله في التفكير والتركيز وتنمي ذكاءه
ولا تحاولي تهزينه لأن تسبب له ارتجاج في المخ خصوصا ان عظام راسه يادوب تكتمل وتصير صلبة عشان تحمي الاعضاء (هالمعلومة قاريتها في منتدى بس ناسية اي منتدى)ضميه لصدرك بمجرد مايحس بتنفسك وضربات قلبك وانت هادية بيهدأ
وبالتوفيق انشاء الله

حبيبتي يمكن يشتكي من الغازات ....

توه صغير على التسنين ..

وبعدين اكبر خطأ انج تخلينه يصيح في سريرة لحد ما يسكت بروحه .. لانه ما بيسكت .. بالعكس بيتعود على الصياح ..

وبعدين الاحسن انج توديه المستشفى سبحان الله يشتكي من شي وانتي مب منتبهه ..

وبعدين يمكن هو متعود يرقد في مكان هادي جدا ..

انا بقلج تجربتي مع حمودي ...

بما ان هو البجر فتجاربي كانت كلها عليه ...

كنت انيمه فالهدوء من اول ما يبته وتعود على الوضع .. تخيلي من كنت اتقلب بالليل ينش ... ويوم صار عمرة 4 شهور قالولي عوديه يرقد فالحشرة .. يعني فالنهار نيمي فالصالهوالتلفزيون شغال .. اول شي كانت صعبه بعدين تعود ...

حبيبتي قبل مايرقد بساعه اعطيه يا ينسون..

يا تسويله التمر مع الماي..

ولا تحاتين بعدها بيرقد ان شاءالله..

الصراحه لين السنه بتتعبين وياهم ه اليهال...

عشان الغازات والدلع..

بس حبيت انوه لشي بعض اليهال تكون عندهم الالم ف الاذن فانتي راقبي الاذن هل يخرج منها شي او اضغطي اشوي عليها فاذا صاح يعني فيها وجع..

والله يحفظ اليهال ان شاءالله..:shy:

أختى نودو،، حرام عليك الي تسوينه بنفسك وبعيالك،، هذي العيال ولازم تتحملينهم، مو تقعدين تصارخين وتسبين فيهم،، كنتي متقطعة على شوفة طفل ثاني حق بنتك والحين يوم وصل تكرهينهم.. استهدي بالله وأقري عليهم المعوذات وقت المغرب وبالليل قبل لا ينامون..

ولدك اكيد يشتكي من الغازات ،، سوي له ينسون كل يوم ،، او الحلوة مثل مانقول،، ترى تريح الطفل،، آنه كنت أعطي ولدي لعمر 6 شهور،، تأكدي مافي شي بأذنه ، أنصحك تروحين عند الدكتورة نادية الشيراوي، تراها شاطرة وراح تفيدك...

لا تخلينه ينام بالنهار، يكون ومه متواصل بالليل وأنت ترتاحين بعد وتنامين معاهم,,, هذي فترة مؤقتة بس يكبر شوي راح يعتدل نومه وتخف صيحاته...

اطفالك مالهم في مشاغل عملك وزوجك،، أعرف انك تتعبين بس هاذي هي الحياة،، بنتك شغليها بأي شي،، تلوين ، العاب يدوية، تلفزيون،، يكون عندك وقت للثاني ووقت للراحة....

المشكلة انا اعرف انه اذونه فيها احتقان لأن يجلس يحك مسكين بإذونه وفي جسمه متروس حساسية اطفال اضع له كريم يجلس يحكحك انزين وديته الدكتور وعطوه مضاد وفيتامين بس ما يحب يشرب يزوع بعد ما اعطيه ، فإيش رايكم احط له بالحليب لأنه مر كثير ، وبالنسبة للنوم ينام على الساعة 8 حق نص ساعة وبعدها يجلس ماشاءالله عليه ما يبي العاب يبي بس باليد وهو من النوع اللي ريوله واياديه يعرقون مثلي انا لين اشيله يدى تكون مبللة عرقانه ويتبلل مسكين وبعد البسه شي خفيف جدا وانومه لأن جسمه يصير فيه ماء او بول او عرق والله ما اعرف شنو يصير فيه اضطر ابدله ، وهو من النوع اللي يرقد على راسه ما يحبنى اخليه على جهة وجهة لهذا راسه صار مسطح الله يحفظه ، لين اخليه على جهه يجلس يصيح ، ويجلس يعظظ بإياديه كثير ......... آه يعنى اذا اعطيه تمر وماء كل ليله اخاف يوسخ بعدها كركم الله واضطر اغسله بعدين ، او اعطيه الحلوة او ملوبا مع بابونج شنو الشي اللي ينومه ........................ لأن ينام شوى وبعدها يجلس لوقت متأخر يبكى ويبكى يريدنى اشيله.........

الله يكون بعونك ان شالله فعلا اختي اعطيه الادوية بالحليب او مع الماء

وحاولي تشربيه يانسون او تعطيه نعنع وكمون حلوة ومفيدةوالدكتور قللي عليها

ودائما بالليل قبل ماينام ادهني جسمه كلهبزيت الزيتون البلدي ودفيه ولا تغطيه اذا بيعرق

والله يكون معك والك الجنة ان شالله بس الصبر الصبر

عادي اختي انا و الله كنت مثلج ....كنت اصير مثل المجنونه بليل...و اذا حسيت عمري بعصب و بصارخ ..كنت اطلع برع الغرفه و اخذ نفس عميق لين اهدى و ارجع للبيبي ...و كنت بعد ايلس ادعي و اذكر الله علشان تهدى نفسي ...و بعد احيانا هذا كله ما ينفع و الغضب يغلب كل شي ...

شوفي يمكن فيه غازات .....


و بعد يمكن من البرد ....الرضع يحبون الحرر ......حاوليه تغطينه عدل علشان يحس بالدفا و يرقد


و الله يعينج اختي و يصبرج

حبيبتي ليش ماتعطين ولدج( ماء الغريب)
معروف ماء الغريب عن الغازات ويساعد على النوم

مرحبا
والله يا اختي انا اعاني من نفس المشكلة بنتي يوم ارضعها تتقيأ و اي شي تعطينها كله اطلعه يعني اترجع الرضعة كاملة ...و كل ما اوديها عند الدكتور يقول فيه غازات ...بس انا تعبانة وايد طول الليل واعية معاها ارضعها اترجع -اهزها اترجع -اقرا عليها اتصيح و ما تسكت و كل يوم نفس القصة و حتى يوم اترجع مثل النافورة والله بس شو انسوي صابرين ... اختي جربي ماء غريب اشوي يساعد و يرقد البيبي ... و عن الغازات في شاي امبرس البابونج و اتحطين معاه دواء اسمه بونيسان ماركة هيمالايا ...

اختي اذا انتي كشفتي على ولدج بكل شي وما طلع عنده شي والحمدالله فاقولج لا تحاتين وايد انا بنتي نفس الشي نومها خفيف جدا لكن شو نسوي احنا امهات بس اهم شي تاكدي بان الولد صاحي والحمدالله

واكيد اكيد هي الغازات خاصة في هالسن معروفة الغازات والمها للاطفال بس لا تعصبين خاصة وانتي ترضعينه حرام والمصاصة على بالج بتريحج لا بالعكس بتتعبج زيادة

مع احترامي للجميع بس ماتتوقعون ان اضافة الدواء للحليب او العصير مو مضمونة ان عملية شرب السائل تتم بشكل كامل ...في رايي ان هذا دواء ولازم نكون حريصين انه يناخذ بشكل دقيق وكامل ...عني انا كان طفلي مايرضى ويرجع كل اللي دخل بطنه ...والحل اللي توصلت له انك تعطينه صورة او لعبة او شي وتكلمينه بصوت في لحن او نبره تشده انه يطالع في عينك وانت تحكين معاه مثلا حاولي تسوين ملامح وجهك كنك تسالينه سؤال في غاية الاهمية بيستغرب ومابينتبه للملعقه تدخل فمه وخلي الدواء على مرحلتين متتاليتين عشان تتفادين انه ينكب ولما يبلعه كملي معاه الحديث وبعدين عطيه في النهاية مويه عشان يخف الطعم وانت متواصلة معاه في الحديث.والحين عموما في قطارات تحفظ لك الكمية مضبوطة بعد ما تصبين الكمية من الدواء في الملعقة اسحبي الكمية بالقطارة وكل ما قدرتي تلهينه حطي مقدار بسيييييييييط جدا من الدواء وانت مواصلة الحديث معاه في مراحل متتالية...ودمتم

حراام علييج اختي .. ليش اتسوون جي فدييييتج

عوورتي قلبي ع اليااهل .. اتمنى يكوون عندي ولد ولا بنت

حرمة اخووووي شرااتج لما اشوووفها جي اصيييح واضم بنتها بقوووة بصدري ليين ما ترقد

هووو شووو >نبة تحرجيين علييية:sad: :sad: :sad:

اختي ندو حاولي تجربين معاه ماي غريب وايد زين بس بعد

اخذي نصيحة الدكتور وانشالله ما عليه شر ياعمري عور قلبي

الله يحفظه لج