اجعلي ايامك مع زوجك حلوة

السلام عليكم

شخباركم انا عضوة جديدة في المنتدى

لكن ان شاء الله بتشوفوني وايد
حبيت اشارك في موضوع المتزوجات محتاجات له كثير
انا مالجة وقاعدة احضر حق الزواج

عندي افكار للمتزوجات وايد بس في اشياء يديدة

اول شي :
ريلج يروح الدوام ويرجع هلكان وتعبان (طبع قبل لا يرجع ) عندج تقريبا وقت وايد
شو تسوين فيه اول شي فكري شو يحب اي الالوان روحي نظفي الغرفة ويمكن تغيرين الفرش وتغيرين اماكن الاثاث اللي تقدرين عليها .. بعدين دخني الغرفة والملابس اللي بتلبسينها وعطريها وبعدين روحي نظفي الحمام ( عزكم الله ) وعطريه بعطور الحمام واترسي البانيو بالماي الدافئ وحطي ورد اذا موجود في البانيو واذا مافي حطي رغوة بريحة حلوة ووزعي شموع في كل الحمام ولا تنسين المناشف ..
بعد ما تخلصين من الغرفة والحمام روحي المطبخ وطبخيله الاكله اللي يحبه وسوي عصير كوكتيل او اي عصير فرش وزيني الكوبات اذا كان عندك في الغرفة طاولة وكراسي حطي شمعه في النص
ووزعي عليها الصون والكوبات المزينه
بعد من تخلصين من المطبخ يا دورج انتي..

روحي وتحممي بالماي الدافي وخلطي جسمج بالخلطات اللي البنات حطوها في المنتدى وما قصرن

بعد ما تخلصين عدلي شعرج وحطي الميك اب الخفيف وتعطري وحطي دهن عود ..

عاد الحين ريلج بيوصل روحي اتصلي عليه قوليلة وينك اول ما يوصل روحي ركيض عند الباب
واحضنيه (( هو بيستغرب اشفيها هايمو عوايدها )) هههههه ..
بيشك الريال هههه المهم عطيه قبل على خده واذا حامل شي وياه احمليه عنه
قوليله حمدالله على السلامة اشتقتلك والله يعطيك العافية ...وروحي خليه ياخذ دوووش على السريع لين تجهزين الاكل وعاد هو بيي يقولج شو هالحمام كشخة شو عندج
قوليلة كل شي عشانك حبيبي يهون .. عاد هولين يطلع من الحمام .. انتي مجهزة الاكل
يطلع ويتغدا وطبعا يمدحج .... وبعد الاكل قدمي العصير الفرش .......

يمكن تسوين هالاشياء يوميا بس مع التغيير عشان الريال ما يحب الشي نفسه يجيب الملل.. في كل شي الملابس ..الغرفة .. الاكل .. حاولي تغيرين كل ما قدرتي..

وطبعا الريال يستغرب ما
علي اذا انتي عودتي ريلج على الحركات كل يوم صدقيني راح يحبج اكثر بيحس انه انتي مهتمه فيه

وطبعا لا ننسى تتصلين عليه وهو في الدوام تطمنين عليه او تطرشيله مسج احبك وهالكلمات الدلع

واهم شي لاتكثرين طلباتج وايد
حاولي تطلبين اللي تقدرين عليه ... ومن غير مناسبة حاولي تيبيله هدية ساعه او عطر او..... اي شي يستانس تراه ... لو هو ما يابلج لا تزعلين يمكن هو ما يعرف في هالاشياء ..


واخيرا خواتي ادري طولت عليكن بس انا مهتمة انه كل وحدة تكون سعيدة ويازوجها
والله يوفقكن جميعا ..