سؤاااااال عن تقويم الاسنان افيدوني بلييز

وعليكم السلام

مرحبا ام يويو

هلا بيش في عالم المتقومات خخخ

احسن الدكاترة في البحرين لتقويم الاسنان هم عباس الفردان ومنعم حفاظ وشعاع المضحكي

والاسعار عندهم تتراوح بين 1500 الى 1700 دينار

طبعا ما تدفعينهم مرة وحدة .. في البداية تدفعين تقريبا 300 دينار وبعدين يحددون لش كل شهر كم لازم تدفعين تقريبا 100 او 75 لحد ما ينتهي قسطش

التقويم عادي .. اول الايام تكونين مو متعودة عليه وتحسين بشد في اسنانش وما تقدرين تاكلين .. لكن عقب اسبوعين تنسين نهائيا انش مركبة تقويم وتتعودين على شكلش الجديد بالتقويم

وكل شهر تراجعين الدكتور عشان يشدهم اكثر وتحسين بألم بسيط في نفس اليوم ويختفي ثاني يوم

ووقت اللي يركبون التقويم ما يكون فيه الم

وبس :)

مشكورة حبيبتي جزر مبشور كفيتي ووفيتي

يعطيج ربي العافية

بس عندي سؤال صغير والسموحة منج

في وين عيادات عباس الفردان ومنعم حفاظ وشعاع المضحكي؟!

:)

دكتور منعم حفاظ عيادته في الحورة .. صوب مدرسة احمد العمران

عيادة شعاع المضحكي اعتقد انها في مركز الزهراء الطبي >> مو متأكدة شوفي رقمها في الدليل واتصلي

ودكتور عباس الفردان عيادته في النور التخصصي

انا سامعه انه في اشوي الم ... لازم تتحملين اشوي اذا تبين تحطييييييييييييين تقويم ^_^


بالتوفيق

انا عن تجربتي ان التقويم اول الاسابيع الاولى ماتتعودين علية حتي
لما تتكلمين او تضحكين يكون شوي غير وفي الايام الثلاثة الاولى
طبعا ما تقدرين تاكلين كلة سوائل واسياء مهروسة بس بعدين
تنسين انج مركبة تقويم بس كل ماتراجعين الدكتور اذا شدهم
وايد لازم شوي يعور الايام الثلاثة الاولى بس بعدين عادي
ترى الالم على حسبل الاسنان في اسنان تكون وايد
طالعة برا فتحتاج شد وليد..وفي اسنان ماتحتاج
وايد فما يعور وايد..

بس انصح كل بنت انها تعدل اسنانها لو كانو خربانين لانه بعدين يوم تشيلينه
وتكونين معدلة اسنانج تحسين انج محلوة وايد..وحتي في فترة التقويم ترى
يخليج حلوة ...

وانا من الامارات فما اعرف العيادات عندكم في البحرين
وان شاء الله اكون نفعتج بشي

اختج شموه

هلا حبيبتي

تجربتي هنا

http://www.3roos.com/forums/showthread.php?t=173736