والله احبه رغم قسوة قلبه

السلام عليكم ورحمة الله وبركاته...
انا يا بنات متزوجة من سنة تقريبا و حامل بالشهر التامن..
ما عندى احد اشكيله غيركم ... حتى اهلى ما بقدر احكيلهم اللى بصير معى... ما بدى مشاكلى تتطلع برة البيت..
انا و زوجى بينا 8 سنين... انا لساتنى بالجامعة وزوجى بيشتغل..وتزوجنا عن حب
بس مهما كان الحب كبير ايم الخطبة و الملكة..صدقونى بيكبر اكتر واكتر بعد الزواج
باختصار انا قلبى معلق بزوجى ..وهو بصراحة بيستاهل لانه رجل بكل معنى الكلمة ومو مقصر معى بشى.. الا من النواحى العاطفية..فهو بخيل جدا...حتى انى اتعودت انى افهم من عيونه و من تعابير وجه لما بدو يحكيلى كلام حلو....من كتر ما بحبه ما بناقشه لانى ما بدى ازعله...انا ما بشوفه باليوم الا 4 ساعات و بعديها بنام...كيف بدى ازعله؟؟
المهم يا بنات زوجى قلبو قاسى كتير..من اول كم شهر صارت بينا مشاكل وكنت ابكى واحبس حالى و اموت من البكا و لا على باله,, بس اخلص بكى اجى جنبه وهو ولا على باله..وينام بعيد عنى...بيقولى الدلع اللى فى بيت اهلك اتركيه....
مرو كم شهر و حملت وخفت المشاكل شوى..بس مبارح كنت استنى فيه عشان نتعشى ...وهو دايما بتاخر بالمكتب و بالشغل (صراحة زوجى حمار شغل) اتاخر ساعتين واتصلت فيه وانا معصبة لانى جوعانة وتعبانة. فصرخت فيه بس من غير قصد..المهم حكالى انو بيشترى موبايل و راح يجى..
و بس اجى
ياويلى شو صار.. كان الشرر بيتطاير من عيونه
وصار يقولى انا بتصرخى فى وجهى؟؟ والله لو فى بطنك مو ولد واحد.. عشر ولاد وعملتى هالحركة مرة تانية ما تضلك فى هالبيت.. ادخلى جوا انا ما قادر اتطلع بوجهك... و خبط بالطاولة
بس سمعت هيك دمعت ونزلو دموعى قدامو...ودخلت بسرعة وهو عم بيصرخ على..وسكرت على حالى وبكيت بكى ما بيعلم فيه الا ربنا...وهو ولا على باله..بعديها بساعة طلعت وبست راسه وفهمته انو لازم يراعينى شوى و انى ما بقدر اصلا ارفع صوتى عليه..بس انا كنت تعبانة وانت ما قلتلى انك راح تتاخر..بعديها ضليت قاعدة جنبه و انا راح اموت من البكى و مخنوقة..وهو عم يتعشى:qaq: بس دخل نام دخلت نمت بحضنه وابكى وابكى...كنت كتير تعبانة وبموجوعة.. وكان طبعا نايم.. والله بيعرف كيف مرت الليلة...وبس صحينا اتزكرت اللى صار بالليل و كيف كسر نفسى و حسيت جد انو ذلنى..وحكيتلو انى بدى اروح عند اهلى (ساكنين فى منطقة بعيدة كتير عنا)
انا ما قادرة اضل بالبيت المهم حكتاى خلى اخوكى يوصلك لانه حضرته راح يكون بالشغل.
فحكيت مع بابا واجا اخدنى وهلا عندهم بالبيت بس ما بيعرفوا شى مفكرين زيارة.. وحضرته م حكا معى و لا ناوى يحكى..
انا يا بنات مجروحة من تصرفه ومن قسوة قلبه , حاسة انو عم يمحى شخصيتى قدامو ,, كيف بيتروكنى ابكى بكى الموت و ما بتهتز عندو شعرة؟؟؟ وين راح حبه الى ؟؟ والله مات عشان يوخدنى,, انا ما بدى ارد على تلفوناته (ازا حكى معى اصلا) و ما بدى اروح بيتى الا لمن يوعدنى يتغير معى... انا تعبت يا بنات... معقول فى رجال بيعاملو نسوانهم هيك؟؟ انا بدي منه يحبنى بجنون ويتغير معى.. وين الرحمة والعدل
معقول انا غلطانة لهدرجة ؟؟ احكولى شو اعمل انا ما عندى حدا يدلنى و يوجهنى..
واسفة ازا طولت عليكم