رحلتنا الى جزيرة بيننج

مساكم عسل

هذه هي ثاني الدول التي زرناها و كانت قبل الوصول الى تايلند ولكن زيارتنا لها قصيره جدا لم تزد عن يومين في
كل من جزيرة بيننج والعاصمه كوالالمبور واليوم سوف اتحدث عن جزيرة بيننج رغم اني كتبت عنها عام 2002
بالتفصيل وعن كوالالمبور
وصولنا الى بيينج كان عن طريق عاصمة جزيرة سومطره في اندونيسيا مدينة (ميدان) عند وصولنا لمطار بيننج
(اخترنا فندق جولدن ساند(شنغرلا)




فندق جولدن ساند
فندق فخم وضخم ومزدحم بالسياح من كل انحاء العالم وموقعه من افضل المواقع على هذه الجزيره
متعة جزيرة بيننج على الشاطيء لا انصح بالسكن داخل المدينه لانها تبعد حوالي نصف ساعه عن الشاطيء
ولا يوجد بها ملفت مايستحق الزياره
كان وصولنا بعد الظهر ارتحنا قليلا ثم نزلنا الى الشاطيء الرااائع وكانت هناك العديد من وسائل الترفيه
مثل الدبابات البحريه والدبابات ذات الاربع كفرات والقوارب الشراعيه والطيران بالمظلات وغيرها
اتفقت انا وواحد من الشباب نطلع بالمظلات طبعا كان هو الاول على طول بدون مفاوضه بالسعر طلع ورجع
انا رفضت طبعا بالسعر اللي قالوا لي لانه غالي وشي طبيبعي بيرفعون السعر على السياح
لكن لازم الواحد يستغل فرصه ان مافيه سياح كثير ويفاوض بالسعر شوي
كان يقول لي 50 رينجت وانا اقول اكثر من 35 ما اعطيك ومشيت وتركته وبعدين جلس يتكلم زملاه وناداني وطلعت
قلت له باخذ الكاميرا معي قال مايصير قلت يصير ونص قال ماعمر احد اخذ كاميرته وطار
فيها قلت خلاص انا اصير اول واحد
قال على مسؤليتك قلت ماااااالك شغل بس طلعت والكاميرا معي جلست اصور وكانت لقطات رائعه









الطيران متعه اذا سلمت من الطيحه بالبحر وهذا يصير كثير بسبب تعطل القارب والمشكله اذا
طحت وطاحت عليك المظله







طبعا كنت مستانس واصور وكان من الاشياء اللي يصلحونها انهم ينزلون الواحد على سطح البحر
مجرد ملامست الشخص البحر يرفعونه على طول
بس انا مقهورين مني عشان السعر نزلوني اول مره كانت تمام شفتهم يأشرون لبعض
وكان يقولون نزله مره ثانيه وفعلا نزلني لكن هالمره غير انا وكاميرتي وسط البحر
بس طعم البحر زي اللي عندنا مافيه فرق>>>شرب لين قال بس
انا ماهمني الا الكاميرا بس لحقت عليها وطفيتها وجلست انشفها وانا بالجو
لاتفوتكم الطيحه لاني كنت اصور فيديو وقتها



http://go.3roos.com/h2LItHBSut6
شوفوا وش سوو فيني الله ياخذهم بس لاتدققون عاد
انا قلت ماراح اتركهم نويت ارد لهم هالحركه وقررت انزل على رئيسهم





هذا انا في طريقي للنزول وقاعد ادور الرئيس



هذا انا وخشتي



وهنا كني شفت الرئيس وعلى هالشاطيء النظيف اكيد الخال بينشاف من بعيد



وهنا قاعد يأشر لي كني طايره بتهبط مادرى اني ناويه



شغلت الرادار وثبت على بطنه
شعور حلو لما الناس كلها تطالع فيك وانت تهبط بس بعض المرات ودك انك ماطرت ابد
خصوصا ادا نزلت على خشتك
وخر الجحش عني وجيت على وجهي بالارض



رحنا نتمشى على الشاطيء
شاطيء بيننج اجمل شواطيء ماليزيا والصراحه اللي يجي ماليزيا ولايزور بيننج ماسوى شي



كان كل شي تمام على الشاطيء وفجأه تغير الجو وبدا المطر بغزاره لمدة نصف ساعه
بعدها تفرق السحاب وطلعت الشمس





الصوره هذي كانت بزوم لانها بعيده



مافيه احلا من منظر الغروب
شوفوا اللقطات







ياااااااااسلام على هالصوره







ماطولنا في بيننج اليوم الثاني رجعنا للعاصمه كوالالمبور

وهذي لقطات من كوالالمبور على الطاير طبعا










هذا عرض ازياء في مجمع سونغي وانغ
وكان فيه تلفزيونات كثير مغطيه العرض



انا ماتكلمت عن العاصمه التايلنديه بانكوك لان ماعندي عنها كثير
لا صور ولامعلومات وحبيت ادمجها بالموضوع بالعربي بانكوك لايوجد بها اي شي يستحق
الزياره الا التسوق فقط فهي رخصيه جداااااا
وصلنا بانكوك على متن الخطوط التايلنديه وكانت الرحله من بوكيت الى بانكوك حوالي ساعه
انا مدري هل الطيارات في شرق اسيا رايحه فيها والا الطياريين
لعبنوه من يوم مشينا من بوكيت لين وصلنا وحنا طايرين على جنب الواحد بس متمسك بالدريشه
نزلنا في مطار بانكوك مطار ضخم
اخدنا تكسي يوصلنا للفندق بعد ما مشى شوي قال ادفعوا ضريبة الطريق عطيناه كان المبلغ بسيط
شوي قال تبون الطريق السريع والا العادي قلنا لا السريع قال ادفعوا
دفعنا له كان الفندق اللي اخترناه اطول مبنى في تايلند ناطحة سحاب تتكون من 88 طابق
اسم الفندق سكاي تاور قال راعي التكسي تبون فندق سكاي تاور الجديد والا القديم
قلت له الجديد توقعته بيقول ادفعوا عشان اخمه بالكاميرا على وجهه
احلا مافي الفندق انك ماتضيعه لانه طويل مرررره تصدقون يوم رجعنا وصلنا البحرين وحنا نشوفه
منتم مصدقين صح؟ بكيفكم



فندق بيوك سكاي تاور
الانترنت بالفندق كان سريع جداااااااا يمكن عشان قريبين من القمر الصناعي



بانكوك مدينه مزدحمه مثل اكثر عواصم العالم
بس افضل وسيلة مواصلات اذا كان المكان اللي تبيه قريب هي عربات التوك توك السيارات الصغيره
اذكر ركبت تكسي عشان يوصلني للفندق وكان الفندق يبعد حوالي 2 كم بس تصورا جلست 45 دقيقه
ركبت مع واحد بوذي كل ماوصلنا زاويه وقف وقعد يتعبد ويسوي حركات بيديه ويغمض
انا قلت اكيد خبل هذا سألته وش فيك انت مصخن؟ قال لا انا اتعبد ولازم كل ما امر من عند معبد اصلي
عاد بانكوك معابدهم في كل مكان قلت له ياخي نزلني عند الفندق وروح اعتكف وين طحت بهالمطوع
المشكله انه جثه عليه راس مدري وش لون يركب التكسي





لايوجد اماكن تستحق المشاهده في بانكوك واقرب الاماكن تبعد عن بانكوك حوالي ساعتين
ومنها السوق العائم ولكن التسوق هو افضل شي في بانكوك



مجمع كمبيوتر سنتر يتكون من عدة طوابق مخصصه للكمبيوتر والاجهزه الالكترونيه والبرامج
والالعاب وهو رخيص نوعا ما



هذي التوك توك شفتوها





http://go.3roos.com/LALGKWPSnXf
لقطه من اعلى الفندق




http://go.3roos.com/wLnRBIHRzqK

لاتفوتكم هاللقطه لواحد من الشباب عرف لها وركب دباب ووصل الفندق بدقيقه وانا 45 دقيقه مع البوذي
بالنسبه للتسوق لازم الواحد يفاوض بالاسعار لانهم يرفعون الاسعار
لكن مايمنع انك تمر على المحلات وتشوفها بالنسبه لمعظم الاسواق تغلق الساعه السابعه عدا
بعض المجمعات الكبيره والتي تفتح الى الساعه 10 مساء مثل طوكيو سنتر ومجمع ام بي كي
وهي مجمعين مشبوكه مع بعض
المجمعات فيه مجمع محلاته صغيره بس كثيرررره ورخيص تقريبا اسمه باتونام هذا مقابل
سكاي تاور وفيه اسواق تفتح بالليل مثل باتبونج
حنا عندنا سوق الخميس وفيه سوق الثلاثاء هم عندهم سوق الاحد مايفتح الا يوم الاحد
وعلى فكره الاسواق اللي تفتح يوم واحد بالاسبوع في كل مكان اتذكر في مدينة نيوكسل
الانجليزيه سوق يفتح يوم الاحد بس واذا جيته كنك في حراج بن قاسم بس اللي يبيعون فيه ناس
يفتحون النفس
القريه الصينيه لعنبو هالصينيين في كل دوله لهم سوق ويسمونها القريه الصينيه وهي شارع واحد
وكله بسطات والواحد نفسه شينه ماتكاسره والمشكله تخاف منهم كلهم يلعبون كارتيه


من بريـــــــــــــــــــــــــــــــــــدي


بنت ديره