لو سمحتوا أهل الخبرة ممكن تساعدوني،،،

هلا حبيبتي

في اشياء اهم من المكياج
اهتمي ببشرتج

يعني لو البشره باهته وتعبانه مابيطلع عليها اي شي حلو

اول شي سوي فيشيال على يد واحده متخصصه، انا اروح باريس جالري ... استعمل لبشرتي منتجات كلينيك واسوي عندهم فيشيال كلينيك

ودايما اهتمي بشرب الكثير من الماء والفواكه.. يعني كلي فواكه قبل الغدا بساعه كل يوم (تفاح، عنب، موز، او اي فواكه تحبينها، وبعد خذي دايما الصبح ماء مذاب فيه ملعقة عسل وبعدين لبن مع كم حبه تمر

واهتمي بالماسكات، وقسم العنايه بالبشره وايد في وصفات ماشالله البنات ماقصروا
واهتمي بعد انج تغسلين ويهج قبل النوم، طبعا غير الوضوء خمس مرات في اليوم

اهتمي بعد بترطيب بشرتج

هذي نصيحتي لج والله يوفقج

هلا عزيزتي..

انصحج بكريمات الترطيب والتغذية من كلينك او كلارينس...

أما بخصوص المكياج فأنصح بماركة ماك ألوانها تعطي اشراق ونضارة للوجه ...
وبعد ماركة مكياجي ونوبا ألوانها فيها حياة ...

هلا عزيزتي..

انصحج بكريمات الترطيب والتغذية من كلينك او كلارينس...

أما بخصوص المكياج فأنصح بماركة ماك ألوانها تعطي اشراق ونضارة للوجه ...
وبعد ماركة مكياجي ونوبا ألوانها فيها حياة ...:shy:

مشكورة الغالية أم شهد على نصايحج المفيدة

وبالنسبة للفيشل عيزت وأنا أدور حد أرتاح للفيشل مالهم .. لكني عيزت وأنا أدور ماشي فايدة
إذا حد يعرف صالون في دبي شاطر في هذي السوالف فيقولي PLZ

وبالنسبة للأكل (مرات أسويها بس.. مو دايما) أبا حد يذكرني أو ييبلي

وبالنسبة للماسكات العرايس ما قصروا والله وخلطاتهم روعة (وأنا من فترة بديت مع خلطات بنت عذاري .. الله يحفظها ويوفقها يا رب.. .. بس المشكلة إني ما أكمل (أمل بسرعة)

أما بالليل أغسل ويهي وأحط كبسولة فيتامين E كل ليلة (حتي بنتي تقولي إنتي شو تسوين كل يوم بالليل.. ليش تحطين هالشي)

هوى الروووح

أشكرج على مرورج الكريم على موضوعي الغالية..

بالنسبة للمرطبات في شي معين عندهم عشان أروح وأطلبه على طول وإلا أقولهم كريم مرطب والسلام...


وأنا كنت أفكر بين ماك ومكياجي فعلاً بس نوبا ما يا على بالي

شكلي باخذ من الاثنين وأفك عمري
بس عزيزتي في شي محدد من عندهم

يعني لو تذكريلي أرقامهم

لأني رحت مرة ماك واحتست عندهم من الزحمة وطلعت من عندهم إيد ورا وإيد جدام ولا عرفة شو آخذ


إسمحيلي اختي إذا كثرت من الأسئلة

هلا حبيتي
خليني انصحج بالمكيب..
دايما اختاري لون اساس مايل للوردي او بودره مايله للوردي عشان اتوردلج ويهج واتخفف من الشحوب البشره وتقدرين تستخدمين بيس قبل المكياج وهذا بعد يعطي نظاره حق البشره
بالإضافه إلى انه يعمل كحمايه للبشره ضد المكياج ويرطب البشره ويساعد على بقاء المكياج لفترة اطول ف هو يعطي نظاره للويه وتقدرين تستخدمين بيس من ماركة ميكب فور ايفر او كريلون انا استخدم كريلون ومنه عدة ألوان البنفسجي هو اللي يعطي نظاره للبشره يغطي الاصفرار والشحوب..

اتمنى اني افدتج ^_^

السلام عليكم روحمة الله وبركاته


حبيبتي غالبا ماتكون البشره تعبانه ومرهقه من تاثير السهر وقله النوم وقله اكل
الخضروات والفواكه والفيتامينات والحليب ومشتاقته 0

فاكثري من الفواكه والخضروات والمااااااااااااااااااااااااااااااااااء اهم شي الماء عزيزتي 0

وعليج بكريمات مغذيه للبشره فيتامينات E مهمه جدا للبشره 0

واذا بشرتج جافه اخذي كريم فيه نسبه كبيره من الترطيب انا بشرتي جافه فاخذيت كريم من فور ايفر روووعه ناسبني جدا 0


لي عوده باذن الله


ادعيلي بتفريج الهممممممممممممممممممممممممممممممممممم

حبيبتي مشكلتك عاديه ولها الف حل بس الحل لازم ينبع من الداخل يعني عليك انك تهتمي في اكلك اكثر وفي بشرتك بعيد عن مستحضرات التجميل لانها مجرد عنصر مساعد لإشراق الوجه مو حل له يعني بتمين تحطين ميك اب دايم من تصحين لحد وقت النوم مستحيل حلو الواحد يقعد ساعات على طبيعته وزي ماقالو الاخوات لازم تسوين فيشل للبشره عشان تتجدد الخلايا ويروح الشحوب اللي فيها وفيها كبسولات بفيتامينات متعدده ممتازه من جي ان سي للبشره والشعر وفيه شي خاص للبشره بس انصحك تاخذيها هي عباره عن حبوب خميره مرررررررررره ممتازه مفعولها بيبين من خلال اسبوعين عليك واتمنى اني اكون افدتك عزيزتي

البنات كفوا وفو

مشكورة أختي مهااااري وما قصرتي والله

إن شاء الله على الويك إند بمر عليهم وباخذه


وألف شكر على الإفادة

عزيزتي الكاسكو


أنا معاج الغالية من ناحية التغذية .. لأن كل إلي يشوفني يتحرى فيني بوصفار

وأنا ما ألومهم ... لأني وبعيد عن السامعين عقيت (أجهضت) ونزفت بشكل فضيع

ومن عقب الإجهاض وأنا حالتي حالة .. بس الواحد شو يقول (الحمدلله الذي لا يحمد على مكروه سواه)

وإذا ما عليج كلافة أختي ممكن تذكريلي أنواع كريمات الترطيب

والكريم إلي خذيتيه من فور إيفر كم رقمه حبيبتي


،،، يالله تفرج هم أختي الكاسكو يا رب ،،،

وعليج بهذا الدعاء أختي .....................

اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي ..

اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال ..

عزيزتي SaNdRa2002


فعلاً التغذية شي مهم بالنسبة إلنا كلنا .. وخصوصاً في حالتي بعد الإجهاض ,,,, وبالنسبة للفيشل مثل ما قلت أختي عيزت وأنا أدور على مكان يسوي فيشل عدل (وإذا حد يعرف مكان في دبي أو الشارقة يسوون فيشل عدل فلا يبخل علي يقولي)

أما عن حبوب الخميرة أختي وين ممكن أحصلها ... وكيف آخذها ....

ومشكورة الغالية ,,,,,,,

nice people



مشكورة على المرور الغالية ... بس نصايحكم ما أستغني عنها ,,,,

السلام عليكم

انا نفس مشكلتش .. وبشرتي دوم باهته حتى يوم احط مكياج..
حاليا قاعده استخدم كريم من نيفيا هو أصلا لاعطاء نضارة وحياه وطاقه للبشرة الباهته وفي نفس الوقت يرطب..جربيه ان شاء الله يفيدش

Nivea Visage Pure Energy

تحياتي......

مشكورة الغالية sadlove

إن شاء الله بشتريه وبجربه

وانتي صارلج كم تستخدمينه ... وهل لاحظتي إن بشرتج اتغيرت من استخدمتيه (يعني من ناحية الشحوب والاصفرار) ؟؟؟؟؟؟

واسمحيلي على كثرة الأسئلة

السلام عليكم

عادي عزيزتي اسألي..
بالنسبة للشحوب فاعتقد بتكون المشكلة من داخل الجسم.. سواء تغذية او فيتامينات والكريمات بتكون حل مؤقت....
انا صارلي شهر استخدمه والحمدلله اعطاني نتيجه طيبة..وريحته حلوة ومنعشه اعتقد انها خوخ او مشمش وممكن تستخدميه كترطيب في النهار او تحت المكياج.. حطيه في الثلاجه لانتعاش اسرع..واذكر عضوة في المنتدى كتبت عنه موضوع..هو متوفر في كارفور او السوبر ماركت..

اي سؤال انا حاضرة
تحياتي........ (f)

انصحج تسوين فحص دم يمكن عندج انيميا من النزف

وبعدين انا راسلت موقع منتجات كلينيك لاني وايد مقتنعه فيها هالماركه
وقلتلهم كل شي عن ويهي ومشاكله وهم نصحوني بمنتجات معينه استعملها ووايد فادتني نصايحهم

جربي هالشي

الغالية sadlove

أنا اليوم رحت العيادة وقالتلي إنهم كانو مسويلي فحص دم شهر ابريل وكانت النتائج OK

مع هذا عطتني مقويات وفيتامينات وعالله

ومشكورة مرة ثانية أختي ..
وبالنسبة للكريم بروح أشتريه وأجربه إن شاء ينفع وياي.. إدعيلي بس

عزيزتي Om_Shahad


مشكورة الغالية على ردج .. وبالنسبة لكلينيك ما عليه كلام

أخت ريلي شافت حالتي مع كريمات الأساس (لأني كل ما أحط شي منهم تشوف بشرتي متقشرة .. خصوصا عند الشفايف واعلى الخشم) ويابتلي كريم الأساس مالهم وأنا جربته مرة وارتحتله وايد .. وإلى الحين أنا أستخدمه ....

وإن شاء الله بروح باجر وبشوف شو عندهم (ادعولي بس إني أحصل إلى أبغيه ويريحني من هذا العذاب إلي أنا فيه)