ساعدوني بلييييز...قلبي معورني على ولدي!!

حبيبتي الغالية .... لاتغصبين ولدج على عمل البرااز في الحمام وهو خائف صبري عليه شوي دام انه يبول عااادي في الحمام راح يعمل خروووج بعد بروحه وفي الحمام بس المسألة يبالها وقت .. واما بخصوص الكرسي لما تجلسينه فيه عطيه لعبة في ايده ,, ولا هات كوب وخليه يلعب بالماااي مثل ما تسوي بنتي ....شوفي شو اللي يحبه ولدج ودخليه له في الحمام هههههه ( راح يتعبونا هالاولاد ) وولدج اليبوسه هيه اللي مخوفتنه ....عطيه عصاير كثير ... عصير الموز وايد زين يلين البطن ... وعصير البرتقال بعد والشوربه ... هاااي السوائل كلها تعمل على تليين البطن وتسهيل خروج البراز ..... وعطيه شوية ينسون ( ملعقة يانسون في كوب ماء مغلي وخليه عشر دقايق يتنقع وبعدين شربيه صباح ومساء نص فنجال ولا فنجال واحد ) ....

المهــــــــــــــــــم :- انج ما تعصبين على ولدج وصبري ولا تتوتري ابنج بعده صغير ,,, وان شاء الله بعد فترة راح يتعود بروووحه ......بس اهم شي لا توترين بابنج علشااان ما يخاااف من الحمام ..

وماليه الا العافية ان شاء الله ويخليه لج ياااارب ..

هلا اخت اريام حبيبيتي فعلا لا تغصبيه يتبرز واتركيه براحته حتى ماتكون عنده مشكلة حراام

ترى كل الاطفال يخافو من التبرز العفو في البداية بس انتي حاولي تقنعيه يتبرز بالحفوضة متل مابدو بس يكون جالس او مئرفص (وضعية الحمام يعني)

وشجعيه وحفزيه وغنيللو وقليلو كلمات تشجعو ومرة على مرة رح يساوي لحاله بالنونو بس اصبري عليه

واعطيه سوائل واختي ترى الموز يعمل امساك انتبهي منه

والله يخليلك ياه ان شالله

حبوبة ... اتركي الولد على راحته ولا اطالعينه اكيد يخاف ولا انه يستحي اشوي من اللي يسويه ..... عوديه اشوي اشوي

مع الايام بيتعود بس لا توقفين اشوفينه ... خليه على راحته

بنت اخوي يا عزيزتي كملت 3 سنوات وهي اسويها في البامبرز

يعني شوي شوي وراح يتعود

مشكورااااااااات فديتكم على الردود.......
أختي *نبع الوله*،، حلوة فكرة اللعبة..انشاالله بحاول أطبقها...وبالنسبة للعصبية والله أبدا ما أعصب عليه بالعكس أبين له أني عادي وأضحك...

أختي الدمشقية، بحاول أقنعه يجلس ويسوسها....

أختي rose_rose7788، يمكن إذا خليته بروحه يرتاح أكثر..بس أنا أحاول أكون عنده عشان أسانده معنويا :)

أختي جمالك، أنا ما عندي مشكلة أنه يسويها في البامبرز،، بصبر عليه لأنه صغير،بس اللي مضايقني معاناته وهو يسويها،، يعور قلبي

أنتظر خبرة باقي الأخوات وتجاربهم

انتبهي أختي لا يكون عنده خدوش في فتحتة الشرج نتيجة قساوة البراز هي الي تتعبة لأن أنا ولدي حصل معاه نفس الشئ ونفس حالت أبنك بالضبط أخذية على الدكتور وخلية يعطيك مرهم من تحت عشان إذا فيه خدوش أتروح.

مشكووورة الغالية أم أنوار على التنبيه وما يشوف شر ولدج.....بس ما تعرفين شو اسم المرهم اللي استخدمتيه له...
وع العموم انشاء الله أوديه خلال ها اليومين لأنه أمس كان بنفس الحالة فديته........
نفسيتي تعبت

والله الغالية أنا ولدي نفس المشكلة

يوم يبغي يبول يقولي ماما بول .. ويركض عالحمام .. بس إنه يسويها في الحمام .. لا مستحيل

وأنا أحاول وياه وهو يصيح .. مرة بالزين ومرة بصريخ

وريلي يقولي خلي الولد على راحته ...أنا المشكلة قلبي يعورني عليه يوم يسويها لأنه فعلاً أحس إنه يتألم إلين ما يخلص .. بس ماشي فايدة


وألحين الغالية أنا مخلتنه على راحته ,,,,

أختي مدام انفينيتي، كم عمره ولدج؟؟؟؟؟

بشكل عام الغالية أبدا لا تصارخين عليه لأنه تلاقينه مسكين بروحه خايف، وإذا صارختي ممكن يخاف أكثر ويكره أنه يسويها.......وما عليه شر انشاء الله

الله يعينج حبيبتي ...

انا وايد خايفه من هالموضوع .. ولدي الحين سنه وشهرين والكل يقولي علميه من الحين ؟..

بس احس ان ما يفهم بعده صغير ... وخاصتا ان بعده ما ينطق الا الكلمات العاديه يعني بابا وماما ودادا وكاكا ...

الغالية bj3a، اللي أعرفه أنه أساسا من الناحية العلمية الياهل ما يقدر يتحكم في عضلات ها المنطقة بالنسبه للبول (الله يعزكم) إلا لما يكمل سنه ونص....أنا بديت أعلم ولدي تقريبا كان عمره سنه و 5 شهور، في البداية ما راح يعرف لكن كنت أنا أتابعه حوالي كل نص ساعة أدخله الحمام عشان يسويا لين الحمد لله ما تعود...
بس بالنسبة للبراز (الله يعزكم)....... معااااااااااانااااااااااااه

وأزيدج من الشعر بيت، ها الأسبوع عنده عيال خالته،،ويلتهي باللعب وياهم وينسى نفسه..ويسويها في عمره،، كل شوي لازم أنا أدخله بروحي لأنه ما يقول..يعني كأني رديت لنقطة الصفر....:( الله يعينا بس

بصرااااااااااااااااااااااحة
أنتوا أمهات أنتوا


أمهات تعرون القلب
يا خواتي لو وحدة منكم اشترت جهاز كان قرأت الكتيب علشان تعرف كيف يشتغل

خافوا الله الوحدة جايبة نونو و تقول جنني
طيب قريتوا كتاب
تعرفتوا على الطفل

الطفل ما يقدر يتحكم في التبرز الا لما يقارب سنة الثلاث سنوات
مو لأنه ما يبغي لا
لأن جهازه العصبي و عقلة يبدأ التحكم في هذا الأمر في هذه المرحلة من العمر
و لما جهازه الهضمي يكمل


و الله اتضايق لما أقرأ موضوع القى الأم فيه تقول ما اعرف ودلي ليش يسوي جيه
أقروا يا ناس يا مكثر المكتبات
و الله بترتحاون نفسيا لأنكم بتعرفون اللي يسونه الحين مرحله عمرية يمر فيها كل طفل
و العلم بيخليكم تصبرون و تحلمون على الأطفال


سامحوني خواتي
بس و الله من حبي لكم أتكلم و حرقة قلبي على اليهال

هلا أختي ومض الحياة،،،
شوي شوي علينا......... :)
بالنسبه لي الحمد لله واايد أقرأ..وأعرف ها المعلومة، الطفل ما يقدر يتحكم في البول إلا بعد السنه ونص،،والبراز بعد ال 3 سنين،،،،بس مو هاي مشكلتي...ولدي يقولي أنه يبي يسويها..بس مشكلته يخاف من الحمام...يعني بروحه فديته يطلب مني أني ألبسه الحفاظ...(مشكلته أنه يخاف) مو أنه ما يقدر يتحكم....
وبعدين الغالية أول طفل لازم الأم تطيح في مشاكل وياه،مهما قرت وثقفت عمرها، كل شي الوحده تتعلمه بالخبره والتجربة.. يقول المثل (إسأل مجرب ولا تسأل طبيب)......
ومشكورة على المشاركة