قصتي انا وخلفان ... - منتديات عروس

ا

ام خلفان

عروس نشيطة

10-07-2006 | 10:14 PM

السلام عليكم ... صار لي زماااااااااااااااااان ما شاركت في المنتدى ... والله وحشتوني

بتسألوني مين خلفان ... :) هذا الاسم لزق فيه من تزوجت ..وصرت ام خلفان وهذا نسبتا الى جد زوجي ...انا ابدا ما كنت حابة اسم خلفان .. وحاولت كم مرة اغير الاسم .. بس ما كان زوجي يرضى .. فرضيت بالامر الواقع .. بس بعد ما كنت متقبلتنة..

المهم ..

كان حملي والحمدلله خفيف.. ما كان فيه سكر ولا ضغط دم ولا كلسترول .. وكل شي كان تمام التمام.. .بس صرت سمرى شوي وفي الشهر السادس صار شوي توريم في جسمي بس كان طبيعي .حتى شكلي ما كان يبين اني حامل..بس انا ما كنت راضية عن نفسي ليش انا مافيه كرشة مثل الحوامل؟؟؟ قمت اسأل كل حد ويقولي لا اتخافين في الاشهر الاخيرة بتصيرين كرة مدورة والبيبي راح ينمو بسسسسرعة .. الحمد لله البيبي كان نموه طبيعي لحد نهاية الشهر السابع...رحت عند طبيبتي قاست لي البيبي قالت انه طبيعي وخذي موعد سكان .. رحت خذت بس عطوني بعد4 اسابيع..ومر شهر 8 على خير بس الشي إلي كان غير طبيعي وكنت شاكة في الموضوع .. ان كرشتي ما كبرت ابدا .. . رحت اسأل امي واختي وكل حد اشوفة .. كانوا يقولون ان يمكن عشان انا عريض شوي فما يبين فيه .. المهم .. رحت الموعد..وقاست لي الدكتورة البيبي .. اكتشفت ان وزنة وايد قليل .. كان تقريبا كيلو و700 وكمية الماي قليلة على البيبي..

يتبع...

ا

ام خلفان

عروس نشيطة

10-07-2006 | 11:04 PM

قالوا لي .. لازم اضل في المستشفى علشان يراقبون قلب البيبي ويقيسون التقلصات..
طلعت من عند الدكتورة .. وانا مب مصدقة الكلام.. قلت خلني اروح عند الشهيرة الدكتورة زينب ..قالت لي نفس الكلام وانه هالشي ضار للبيبي .. واكيد راح يطلعون البيبي بالقيصرية .. بس اذا كانت فيه تقلصات بيسون لي طلق صناعي.. طلعت من عندها وانا مصدومة.. قلت خلني اتوكل على الله واروح الطوارء مالت المستشفى .. عشان يتابعون حالت البيبي .. ساعة وبرجع البيت.. هههههههههه من دخلت قالوا لي ما اطلع.. ..قلت تمام.. ورحت غرفة عادية .. حطوا الجهاز على بطني .. وشافوا ان كل شي تمام حالتة مستقرة .. وما عندي تقلصات.. ورجعت الدكتورة وقالت لي لازم انراقب حالت البيبي طووووووووووول الليل وراح انوديك غرفة الولادة علشان اضل مراقبة طول الليل .. انا خفت.. قلت اكيد راح يولدوني غصب.. اول شي رفضت اروح.. بس الدكتورة اصرت اني اورح ..رحت .. ويا خرابي على هذيك الليلة.. ما اعرف كيف عدت.. دخلوني قسم ما قبل الولادة في غرفة فيها 3 حريم .. ينتظرون يزيد الطلق عندهم عشان يولدون ..وتخيلوا الاصوات ..والونات والصيحات.. وانا الوحيدة من بينهم إلي مافيها شي.. ولا عمرها جربت الولادة.. قمت ادعي واصلي ان الله يسهل عليهم.. ومرت الليلة . .. وما ادري كيف مرت... واخيرا طلعت من هذي الغرفة لان كان كل شي عندي طبيعي .. ورجعت غرفة عادية.. وضليت في المسشفى اسبوع كامل يراقبون البيبي وينتضرون اني ادخل التاسع ..

دخلت التاسع .. وما كان عندي اي تقلصات.. وكنت رافضه اني اسوي طلق صناعي .. فقررت علي دكتورتي عملية قيصرية .. لان البيبي وايد صغير ما يقدر يدفع بجسمة لبرع وانا ما عندي اي تقلصات ..وقرروا العملية يوم الاثنين 10/ابريل .. يصادف المولد النبوي ..

وجاني الفرج .. جاني زوجي ليلة العملية .. وقالي شو رايك انغير اسم البيبي من خلفان الى محمد على رسول الله.. انا على طوووووووووول وافقت وفرحت ..

اليوم الثاني رحت غرفت العمليات ... والحلو في الموضوع اني عمل بنج نصفي(ابرة الظهر) عشان اسم صوت البيبي يوم يطلع .. :) ..بس مسكين كان وزنة كيلو و600 .. كان وايد صغير .. بس الحمد لله الحمدلله.. كبر وزنة صار تقريبا 5 كيلوا ألحين ...

وطلع محمد الغالي .. خلفان سابقا :) نور عليه حياتي .. الله يخليه يا رب ..

وهذي قصتي .. شو رايكم.. فيها

و

ورد الخريف

عروس ماسية

10-07-2006 | 11:11 PM

الله يخلي لج حمود ويتربى بعزج

صج عشتي تجربة حلوة ومرة ..

والحمد لله على سلامتج

ب

بحرينه

مشرفة سابقة

10-07-2006 | 11:28 PM

الله يخلي لج حمود ويتربى بعزج

الحمد الله انج بخير والطفل بخير .. ان شاء الله اتشوفينه معرس

والحمد لله على سلامتج

ل

لب لفواد

عروس ماسية

11-07-2006 | 12:01 AM

الله يخليلج أياه أنشاء الله ...............
والحمد الله على السلامة...............

ف

فوانيس

مشرفة سابقة

11-07-2006 | 01:30 AM

ماشاء الله على احلى اسم:shy:
و الحمدلله على سلامتج و سلامة محمديا ام محمد
يتربى بعزكم يا رب:clap:

س

سِم و عسَل

عروس مبدعة

11-07-2006 | 02:08 AM

الحمدلله على سلامتج وسلامة البيبي حمودي

وخير الاسماء ما حمد وعبد

:)

ل

ليتك معي

مشرفة سابقة

11-07-2006 | 02:21 AM

حمدلله على السلامه....

وان شاء الله تشوفينه معرس....

ا

الشريفة هيا

عروس مشرقة

11-07-2006 | 02:31 AM

.
محمد أحلى اسم

الله يخليه لك ويحفظه

.

ك

كريستالة قطر

عروس فضية

11-07-2006 | 02:32 AM

يالله ياربي تبلغ أم خلفان بعرس حمودي إن شاء الله ..

والحمد لله تغير الاسم .. ههههههههه ..

يعني بناديج أم محمد ألحين ..

الله يوفقج دنيا وآخره ..

وألف الحمد لله على سلامتج ..

و

وشحال قلبي

عروس جديدة

11-07-2006 | 03:18 AM

اولا حمدلله على ســلامتج يالغاليه،،،والله يطرح فيه الخير ولبركه
ثانيا انا خفت يوم قريت موضوعج لأني انا في اواخر الشهر السابع ومب مبين عليه اني حامل
الا اذا تفيزرت على جدام وكل اللي يشوفني مايصدق اني حامل
مع اني اخر مرة رايحه للدكتورة وسوت صورة للبيبي قالت قياساته اوكيه
وبديت اوسوس واخاف
قولي لي شو الحـــل
:(

م

مسلمه..وافتخر

عروس مشرقة

11-07-2006 | 03:45 AM

الف مبروووووووووك يا ام محمد

ما راح نقول لك ام خلفان
عشان ما تنشب فيك
يكفي انها انكفت
غصب راح تنشبينها
هههههههه

الحمد الله على السلامه يا ام محمد

وسلمي على حمودي

ا

اغتراب

عروس ذهبية

11-07-2006 | 07:03 AM

الحمدلله على سلامتكم والله يخلييييييييييييييييييييه لك

i

iranian girl

عروس مشاركة

11-07-2006 | 08:02 AM

(f) (f) مبروك و الحمدالله علي السلامة..(f) (f) ..

r

rose_rose7788

عروس ماسية

11-07-2006 | 08:12 AM

مبروووووووووووووووووووووووك الغالية ... ويتربى بعزكم انشاء الله

وحمد لله ع سلامتج وسلامه بو جاسم ^___^

رووووووز

(

( أمة الله )

عروس نشيطة

11-07-2006 | 08:16 AM

ام خلفان ... غيري اسمك اجل لام محمد
انا وزوجي مختلفين على الاسم هو يبيه على اسم ابوه وانا ابغاه على اسم الرسول صلى الله عليه وسلم ....
مع ان زوجي هو الي اقترح علي الاسم( محمد) ايام الملكة ورجع غير رأيه بعد الزواج وانا مصره على محمد ... حتى اني اشتهرت بهذا الاسم ...( ام محمد ) <<< خليه يجي اول ههههههه
مبرووووووك حبيبتي والله يقر اعينك به ويكون ولد صاااااالح يارب
والحمدلله على السلامة ... يا ام حمودي حاليا وام خلفان سابقا ههههه

ا

ام نيلا

مشرفة سابقة

11-07-2006 | 09:08 AM

الحمد لله على سلامتج يا ام محمد ..

وتشوفينة معرس ان شاء الله ؟؟

ز

زوجة راشد

عروس مشرقة

11-07-2006 | 09:41 AM

مبروووك يا ام محمد ..... والحمدالله على سلامتج انتى ومحمد

م

مهــا

عروس مشرقة

11-07-2006 | 09:47 AM

الله يخليه لج ويحفظه لج ان شاء الله من كل مكروه

س

سفيرة فوق العاده

مشرفة سابقة

11-07-2006 | 09:52 AM

يتربى في عزكم حبيبتي والحمدلله على السلامه يا ام محمد