تجهيزات احلي عرايس مصر (الجزء السادس)

amt_allah:
:sad:انا زعلانه منكم اوي كده محدش يباركلي انا قلتلكم ان فرحي اتحدد يوم 1 شهر تسعه ومشمعتش كلمه مبروك نونا حبيبتي تروحي وترجعي بالسلامه يا قمر حتوحشيني

الف الف مبروك حبيبتى امة الله وربنا يتمم لك على خير :clap: :clap: :clap:

أمة الله ألف ألف ألـــــــــــــــــــــــــــــــــــــــــــــــــــــــــــــــــــف مبرووووووووووووك

أمة الله حبيبتى
ألف ألف ألف ألف مبرووووووك يا قمر هلى تحديد معاد الفرح
ربنا يتمم لك على خير
معلش أنا إتاخرت فى الرد عليكى عشان إمبارح قفلت ونمت ولسة داخلة دلوقتى
إبقى إعزمينى بأة ^_^


ولاء أنا هعمل لستة بالحاجات اللى عندى وهنزلهالك عشان ماتزعليش ياعسل
بس أظن إننى مش هفتكر الأسعار خالص


شهد
بجد إنتى بتعملى طرح للعرايس؟
طب قصدك اللى بتبأى طويلة دى؟ ولا بتاعة المحجبات اللى بتغطى الشعر؟
أصل أنا إن شاء الله هبأى محجبة ونفسى فطرحة حلوة
لو عندك صور حاجة إنتى عاملاها نزليهم

وفى عندك فساتين محجبات ولا كله عادى؟

يابنات فى حد فيكم يعرف أتيليهات بتبيع فساتين محجبات؟ بس تكون محجبات أصلا مش يقفلوها
وطبعا فى إسكندرية مش فى مصر ^_^

ياشهد لو تنزلي معروضاتك يبقي جميل يعني انا محتاجة فستان دخلة وطرحة حجاب لو كده صوري وورينا

بصوا يابنات
انا بشتغل هوايا اولا
ثانيا وللاسف الشديد انى منتبهتش لموضوع التصوير ده غير لما بدءت اكبر الموضوع
والكل طلب الصور وانا بشتغل حاليا بونيه للمحجبات وبعد كده ممكن نشبك فيه الطرحه من اسفل
او من المنتصف حسب الوجه
وعلى فكرة انا ممكن اعلمكم كمان للى عندها استعداد يعنى العمليه مش ماديه نهائيا
اللى عندها استعداد وووقت ممكن نبدء وتعمل طرحتها بنفسها وهتبقى هى الوحيده اللى لابساها
وبعمل الطرح الاسبنش
انا عندى طرح بس طبعا موديلات قديمه شويه لو تحبوا اصورها علشان تشوفوا الشغل مثلا
لان الطرح دى كانت معموله لمحلى وكنت باجر طرح واطقم الماظ وفساتين كمان
وطبعا لما قفلت المحل عندى حاجات واتصرفت فى حاجات
بس عندى معرفه بكل جديد بالسوق
ممكن تقولى لى تخيلك وانا اصممه لانى طبعا معرفش وشك بيضاوى ولا مدور لانها بتفرق جدااا
ولو وشك صغير هتعوزى حاجه تظهرة يعنى الشغل عالى
فهمنى اكيد الفستان اللى عندى بكم طويل بس صدرة مفتوح بس فى واحده عملت حاجه ظريفه جدااا
عجبتنى لبست بدى كارينا فدارى الموضوع

طيب يا شهودة
أنا عندى صورةطرحة عروسة كانت عجبانى موت وهتجنن على واحدة زيها
إتفضلى



وفى دى كمان



تعرفى تعملى زيهم؟
أنا على فكرة وشى نفس حجم وشكل البنت اللى فى الصورة

اوك
ممكن انفذ زيهم باذن الله وكمان احلى
الاولى سهله جدااااااااااا
واللى عليها ده تاج وانا كنت مصممه شكل قريب منه
والتانيه ايضا سهله
سوف اصنع نماذج صغيرة واصورها لكم
وبعد كده نكبرها

بجد والله يا شهد؟
إنتى عسولة أوى يا شهودة ربنا يخليكى لينا
خلاص أنا مستنية الصورة
أنا كدة هبأى أول واحدة تعمل الطرحة قبل الفستان ههههههههه
عشان بجد أنا شايلة هم الطرحة أكتر من الفستان


طب قوليلى يا شهودة لو عملتى لى طرحة هينفع تيجى إسكندرية عشان أشتريها منك هى وكريم الأنوثة؟
وممكن تعمليها كدة فى حدود كام تقريبا؟

بصى ياقمر
انا هاجى باذن الله على الاسبوع القادم
ولما اعمل الطرحه هتبقى هديه منى ليكى
بس بشرط
انك تطلعيها بعد كده لكل من يحتاجها لوجه الله
وان شاء الله هشترى ليكى الكريم ولبوسى كات الطلبات اللى جبيتها
وكفايا جدااا انى سعيده بوجودى معاكم وان فعلا بقى عندى بناااااااااات
كتير اصل كان عندى بنت بربيها بس ربنا يسهل لها اذيت مشاعرى ربنا يسامحها
وبعدها فقدت الاحساس ان ليا بنت وحسيته هنا وانا معاكم ووسطكم
فكركم احساس زى ده تمنه كام!!!!!!!!!!!
ولا كنوز الارض لليفهم
بجد يابنات اللى محتاجانى فى اى شيىء انا تحت امرها
خلتونى اعيط ربنا يسامحكم ويسعدكم يااارب

شهد احلام الحياة كلـــــــــــــــــــــــــــــــــــــــــــــــــــنا معاكي يا جميل

ربنا يكرمك يازينه ويكرم الجميع
يااا احلى هديه من ربنا
ربنا يسعدكم يارب
واهلا بالكويت واهلها انا ليا صديقه
من النت من 3 سنوات وجت مصر وقضينا وقت جميل
وطلعت فعلا نعم الاخت
ربنا يسعد كل بنات الوطن العربى
ربنا يوحد القلوب على حبه يارب

وانا وانا وانا

عايزة اشوف الطرح اللى بتعمليها شهد

والفساتين ربنا يكرمك

وانا وانا وانا :qaq: :shy:

عايزة اشوف الطرح اللى بتعمليها شهد:clap:

والفساتين ربنا يكرمك:shy:

noura23
اسبايكى ...
مرسى جدا على استقبالكم ليا ومرسى على استقبال كل الأعضاء
vetdody ألف مبروك على النجاح
nonaelsh3nona تروحى وترجعلنا بألف سلامة
amt-allah ألف ألف ألف ألف مبروك وربنا يتمملك بخير يا رب
أنا كنت عايزة أسأل يا بنات مفيش حد يعرف كوافيرة قريبة من الجيزة وتكون بتعمل كورسات للاهتمام بالشعر عشان أنا كنت عملة شعرى بيرمننت عند سحر إللى فى المنيل ودلوقتى بطلت لكن شعرى بقى بيهيش على طول ومبقاش حلو خالص فأنا عايزة كوافيرة تكون بتعرف تعالج الشعر، أنا بنصحكم كلكم يا بنات محدش يعمل البيرمننت ده خالص ولا أى فرد لأنه بيبوظ الشعر خالص وبيموته
تحياتى لأحلى بنات مصر :shy:

شهودة يا عسل ميرسى أوى أوى ياقلبى
دى هتبأى أحلى هدية جتلى فى حياتى ^_^
انا بجد مش عارفة أشكرك إزاى
وإنشاء الله أطلعها لكل اللى محتاجينها عشان انا نفسى أشوف كل العرايس محجبات

وبالنسبة لموضوع البنات دة على فكرة بيتهيألى فرق السن مش كبير
انا عندى 24 سنة يعنى ننفع إخوات صح؟ هههههههه
ربنا يكرمك ويوفقك عشان طيبة قلبك


botato
أهلا بيكى يا قمر منورانا
أنا بصراحة معرفش حد فى الجيزة
بس إن شاء الله هتلاقى بنات كتير هنا يساعدوكى ^_^

botato:
noura23
اسبايكى ...
مرسى جدا على استقبالكم ليا ومرسى على استقبال كل الأعضاء
vetdody ألف مبروك على النجاح
nonaelsh3nona تروحى وترجعلنا بألف سلامة
amt-allah ألف ألف ألف ألف مبروك وربنا يتمملك بخير يا رب
أنا كنت عايزة أسأل يا بنات مفيش حد يعرف كوافيرة قريبة من الجيزة وتكون بتعمل كورسات للاهتمام بالشعر عشان أنا كنت عملة شعرى بيرمننت عند سحر إللى فى المنيل ودلوقتى بطلت لكن شعرى بقى بيهيش على طول ومبقاش حلو خالص فأنا عايزة كوافيرة تكون بتعرف تعالج الشعر، أنا بنصحكم كلكم يا بنات محدش يعمل البيرمننت ده خالص ولا أى فرد لأنه بيبوظ الشعر خالص وبيموته
تحياتى لأحلى بنات مصر :shy:

:sad: انتي خوفتيني قوي يا بوتاتو من البرمنانت ده انا كنت عاقدة النية اني اعمل شعري قبل الزواج عند سحر علشان محملش هم الغسيل و الفرد فى المرحلة الاولى اللى بيكتر فيها غسيل الشعر خصوصا ان شعري جاف وبيهيش موووووووووووووووووووووووووت انا مش عارفة اعمل ايه دلوقتى انا كنت حاطة املى كله على الموضوع ده هاعمل ايه :sad: :sad: :sad: :sad:

سلام عليكم ورحمة الله وبركاتة

ازى كل البنات الحلوين
الف مبروك على الجزء السادس وربنا يوفق الجميع ان شاءالله

بالنسبة للبنج يا جماعة فى ناس قالوا انة مكن يكونوا لة اثؤ سلبى على المدى البيعد ياريت حد يسال دكتور متخصص

هااااااااااااااااااااااااااااااااااي ازيكو يا عرايس احلي منتدي عاملين ايه
الف مبروك يا امة الله ومتفرحيش قوى كده دي تدبيسه بكره تفوقي علي الحقيقه المره بس برده الف مبروك وربنا يوفقك ويخيب ظني
ولو سمحت يا شهد اذا مكنش عندك مانع يعني انك تعتبريني اخت صغيره ليكى انا عندى 25 سنه كبيره شويتين مش كده بس بقي امرك لله
والف مبروك علي النجاح يا vetdody
وربنا يرجعك لينا بالف سلامه يا nonaelsh3nona
ولو سمحت يا اجمل عرايس اللي تعرف كوافيره كويسه ف المعادى او حلوان ياااااااااااااااااااااااااااااااااااااااااااااااااااااااااااااااااااااريت تديني عنوانها انا لسه فرحي بدري عليه بس عايزه اعمل شوية حمامات زيت لشعر ووكمان لبشرتي ماسكات

:gum: اهلا بيكي باتيتو وانا في كوافير في فيصل ش العشرين تقاطع الملكة
ممنوع وضع اراقام التليفونات على العام
كانو بيقولو كويس روحي وشوفيه
أما بالنسبة ليكي فين دودي انا عاملة شعري فرد حنه بس دي بتبقي لونها اسود بس ومش بتقدري تعملي صبغة لمده انا عملاها وكويسة وحعملها تاني ان شاء الله اخر الشهر ده وفي اتنين اعرفهم بيعمولوها وممكن يجولك البيت