رحتي العمره،،انزين دخلي وساعديني

انا رايحة عمرة السنة اللي فاتت .. في المدينة سكنت في الهيلتون
قريب مرة من الحرم يادوب كم خطوة بس ما اذكر سعره
يمكن كان 900 الليلة

مكة رحتها عن طريق جدة يعني ما جربت فنادقها واحسن الفنادق في اي مكان بشكل عام هي الفنادق المعروفة مثل الانتركونتننتال والهوليدي ان
والاسعار تتغير من موسم للثاني .. الحين High Season اكيد الاسعار كلها مرتفعة
بس الشقق المفروشة تكون ارخص وفيه عمارات عادية بعد
الفنادق اكيد اريح

اشوف البنات يسكنون في فنادق عادية بس يرتاحون فيها واسعارها مناسبة بس ما ادري على كم ولااعرف اسمائها

ليش ما تشوفون لكم مكتب سفريات يرتب لكم كل شي لان لهم اسعار خاصة واريح لكم تلاقون حجوزات في وقت الزحمة

مشكورة الغالية وما تقصرين والله يوفقج دنيا وآخرة وبدعيلج انشاالله ،، وانا ناويه اسير لواحد من الحملات الموجوده عندنا.

هلا أختي أزهاار

احنا كل ما نروح مكه نسكن في فندق (سوفيتيل مكه) نظيف ومرتب وحلوو .....

وكان فالليله 1000 درهم على الجناح الملكي .. باقي الجناحات مادري على كم .. بس الحين يقولون زاد سعره .. لكن كم بالضبط مادري ..

وفالمدينه كنا نسكن في دار التوحيد بس ماعرف بكم كان لكنه كان نظيف ومرتب


اما باقي المدن سمحيلي ماعرف عنهن شي .. واتمنى خواتج يساعدنج

الصراحه السنه زحممممه ما راح تستانسين


حاولي تأجلينها لين اخر ثمانيه يكون الزحمه خفت شوي


احنا كنا ناوين على هالشهر بس لما راحوا اهلنا ورجعوا وقالوا لنا عن الزحمه اجلناها لين شهر ثمانيه



المدينه انصحج بالهلتون اتوقع ان 700 لليله



وفي مكه الابراج اللي جنب الحرم على طول او اللي جنبه نسيت اسمه


اسعارهم حلووه

في مكة دار التوحيد

وفي المدينة ما اعرف غير الي سكنت فيها وهي مو حلوة سكنا بشقق فندقية شقق طيبة

بس يقولون ان البرج الثاني حق طيبه ارقى واحلى لان الشركة الي تديره غير

في الرياض الفور سيزون والفيصلية وهم اقرب شي للاسواق وفيهم بعد اسواق

والفهد كراون جنب المطار

والانتر كونتانيتل

وابها والله ماعندي فكرة ادخلي على موقع الطيار للسفر والسياحة والا الصرح وراح تلاقين الفنادق والعروض

وحياك الله

مشكورات خواتي ،،، وما تقصرون

مشكورات خواتي ،،، وما تقصرون،، بشوف الفنادق إلي قلتوها لي

اترووووحين وتردين بسلامه انسحج بالفندق الي عدااااااااااااااال الحرم ارخيص نظيف وحلو

وفوق هذا عدال الحرم.

مكه سوفتيل
المدينه الحارثيه

لا تنسينا من الدعاء

انا توني راجعه ماصارلي اسبوعين سكنت بشيراتون مكه وليلته كانت ب 600 ريال سعودي اذا ماكنت غلطانه وروعه وحلو وقريب من الحرم بس من السوق اللي اهوا مركز مكه شوي لازم تمشين بس موبعيد حيل وعلى فكره ترا زحمه وماكو حجوزات بس هذا الموجود لأنه زحمه؟؟



في الميريديان توه فاتحينه ؟؟
سئلي عنه

فديتكم خواتي صدق ما تقصرون وانشاالله بدعيلكم من كل قلبي الله يوفق كل وحده منكم دنيا وآخره،،،،،،،،،،،،،،

انا ناويه اروح ان شالله حق مكه على نص شهر 8 وقالوا انه زحمة ورحنا مكتب علشان نحجز قال مركز مكه استوديو ب 55 دينار كويتي

وقال الحين ادفع علشان احجز لك بس صبرنا شوي على مانتاكد متى تخلص امتحانات اختي ونحجز ان شالله والله كريم
والله يوفقنا وياكم يارب

عندي سؤال

ليش الايرانيين كاثرين هالسنه؟؟
كلمن يسولف فيهم

مشكورة الغالية ، لين انحين حجزنا مع الحمله فندق دار السلام في مكه 3ايام، وايلاف كنده في المدينه 3ايام، ويومين رياض فندق صلاح الدين وابها فندق صفر على ما اتوقع اربع اشخاص طلع ب20 الف درهم ما ادري السعر زين ولا،،،،،،،،،!!!!

غالي!!!
الحملة بتكون غاليية لو بروحكم ادورون احسلكم..

هلا الغاليه.... انا من يومين راده من العمره....:smile:
فنادق مكة: دار التوحيد.
ايلاف كنده.
مكه سوفيتيل.

فنادق المدينة: دار التقوى.
المدينة اوبروي.
فندق القصر الأخضر..

في مكه برايي دار التوحيد انتركنتيننتال هو الافضل من ناحية الموقع والمستوى وقريب من الحرم وقريب من مجمع مكه انا بصراحه مااسكن بغيره لانه قريب من كل شي
اما في المدينة مااعرف بس خالي وزوجته تو راجعين ويمدحون الموفنبيك ويقولون قريب من المسجد
اما ابها فمااعرف الفنادق اللي فيها

اما بخصوص استفسارك اختي فطومه المزيونه

نفس الكلام سمعت من ناس كثير يقولون هاالايام الايرانيين كثير بمكه والسبب ان هذي الفتره عندهم شي اسمه الحج الجعفري الحمد لله اننا مانعرف الا الحج لله فيه شهر الحج الليامرنا في الله

مشكورات خواتي على المساعدة والمعلومات القيمية والله يوفق كل وحده منكم في الدنيا والاخره،،