اخواتنا العاملات المتزوجات يرجى الدخول

انا متزوجة من سنتين وسبعة شهور ... وموظفة .. دوامي طويل يبدأ الساعة 7 الصباح الى 4 العصر هذا غير وقت المشوار من والى البيت
عشان اكون صريحة معاك احس نفسي مقصرة ... بس شنسوي الواحد مافيه حيل يوصل البيت ويرجع يشتغل

بقليل من التعاون ومساعدة امي الله يخليها والشغالة اقدر انظم وقتي واحافظ على بيتي مرتب ونظيف
بس احسها صعبة
لكن حتى لو ما كنت موظفة نفس الشي بكون مشغولة طول الوقت لاني من النوع ا للي اطول في كل شي وعندي هوس في التنظيف لازم كل شي بدقة
يوم الخميس لو اصحى الساعة 7 ما اخلص ترتيب وتننظيف الا العصر !!

يعني ما تفرق

اهم مافي الموضوع تفهم الزوج ومساعدته

ان شاء الله الاخوات مايقصرون ويقولون لك كل وحدة شلون تنظم وقتها
وفيه موضوع قديم سوي بحث وان شاءالله يفيدك

انا دوامي

من 7 إلى2

بس باليل احصل صعوبة لأنه زوجي يحب السهر لأنه يداوم بمكتبة الخاص وقت ما صحى عنده عادي

بس انا اتعب واجد من السهر ولا اقدر ازعلة..

اما سالفة التنظيف والغسال استعين بخدم امي

والطبخ زوجي يحب العشاء من برع

والويك اند اقوم بواجباتي الإجتماعية

وتستمر الحياة

يعني ماكومشكلة بحد ذاتة...
الله يوفقك

السلام عليكم

صراحة الله يعينكم خواتي المتزوجات وتشتغلون وعندكم عيال ومسؤولية


ان دوامي طويل من 8 الى 4 طبعا غي المشوار... واسمي مو متزوجة

بس والله ايام مااشوف اهلي,,,,
لان ارد ارقد ,,, ومرات يوم اصحى اطلع ويا اختي او مع ريعتي ويخلص اليوم ,,

وانا عندي وسواس نظافة ,,,, والله اموت احب كل شي بدقة وبمكان معين,,,
يعني حتى الويك اند ,,, يضيع ,,,
لاني ادوام الخميس نص دوام ,, والجمعة اقوم من الصبح اتم اعدل البيت مااخلص الا على العصر والباقي,,, احب انظف كل شي انا بنفسي,,, واعدله ,,, واتفنن بيه على راحتي,,,,


حركااااااااااات :gum:


المهم الله يعيني بس اتزوج,,, لاني ماابى اترك الشغل...
واكيد المسؤولية بتكبر :qaq:


والله يعينكم ...

سلام :shy:

يا مرحبا والله .....

انا اداوم من الساعه 8 - 5 العصر ... الصرااااااااااااااحة ارف وتعب ... بس هذي هي الدنيا .....

يوم ارد اشوي انظف اشوي اسولف ويا ريلي وفي الويك اند اطبخ ومرات اسير بيت امي ..... ويعني ها امشين عمارنا

بس هذا كله يعتمد على تعاون الزوج معاج ..... وبالتوفيق

رووووووووووز

السلام عليكم
انا بداوم في المكتب من الساعه 8 - 3.5 غير مشوار الطريق بس اخواتي والله تعبانه كثير لأني بروح من شغل المكتب لشغل البيت والاولاد وزوجي الله يحفظهم بس ما بيحل الليل الا وأما مش قادري أوقف على رجلي يعافيكو

السلام عليكم
انا بداوم في المكتب من الساعه 8 - 3.5 غير مشوار الطريق بس اخواتي والله تعبانه كثير لأني بروح من شغل المكتب لشغل البيت والاولاد وزوجي الله يحفظهم بس ما بيحل الليل الا وأما مش قادري أوقف على رجلي يعافيكو

بسم الله الرحمن الرحيم

موضوع أكيد بيفيدك

انا دوامي من 7:30 الين 2

صراحة بينى وبين نفسي احسنى مقصره ... بس والله كل شي يعتمد على تفهم الريال ومساعدته

امور التنظيف اللى اقدر عليه اسويه وكل يومين يبت خدامه اهلي ااتكمل اللى ما قد\رت عليه ...

ريلي يحب العشا الخفيف يعنى المتوافر فالبيت ..... اما الويكند احاول اعوض عليه بالطباخ الراهي :)

ربنا يعين المتزوجات
و يعيني كمان لما اتزوج ان شاء الله
الموضوع عاوز تنظيم وقت + تفاهم الزوج + تربية الاولاد على تحمل المسؤلية في البيت على حسب سنهم + صحة قوية
و ربنا المعين

دوامي من 8 إلى 6:30 مساءً متزوجة من ثلات سنوات لم آستطع الثتوفيق بين العمل وشغل البيت وزوجي غير متعاون البتة النتيجة زواج على حافة الإنهيار :sad: فأنا إنسان له طاقة محدودة أضف أني في غربة لا أهل لي الله المعين:confused:

سلام عليكم

أما انا يا خواتي دوامي من 7 إلى 4 العصر هذا دون المشوار ساعه رايح وساعه راجع وغير هذا اصحى من 5 الصبح عشان أخلص أموري واجهز العيال للمدرسه, وفوق هذا كله ما عندي خدامه يعن ارد من الدوام وآخذ اليهال حرسهم الله و اروح اسوي العشا وبعدها انظف الشقه وأذاكر لليهال وبعدها يجي دور الزوج, بس في آخر الليل أحس بانهيار في جسمي يجيني ألم في سيقاني وما أقدر أنام إلا لما يدلك لي رجليني

ودي أبطل شغل بس الظروف تحكم علي أطلع من فجر الله

وسلامتكم

سوري مكرر

السلام عليكم ورحمه الله وبركاته موضوع شيق وممتاز إنا نطرحه لآنه يخص شر يحه كبيرة من النساء في المجتمع . :clap:
وأنا وحده منهم أداوم من الساعة 8_ 3
وأرجع البيت تعبانه ومنهكه وما فيني حيل بس أحاول العصر بعد ما أرتاح أشوف العيال وأراجع معاهم دروسهم ولو إني معودتهم على الإعتماد على النفس في المذاكره
أما بالنسبه لأعمال البيت الخادمه تقوم بالواجب وأنا في يوم الخميس والجمعه أقوم بالطبخ لان زوجي يصر على إنه يأكل من إيدي
وأنا امنيتي في الحياة أن أكون ربة بيت لآني حاسه أني مقصرةوايد في حق أسرتي ، بس الحياة صارت صعبه والمعيشة نار تحتاج لتعاون الزوجين
وسلامتكم ( الحب الأول):sad:

والله يا حبيباتي انا متزوجه من ثلاث سنين وعندي بنت وحامل
واشتغل من 7 ل 3 وماعندي شغاله يعني ارد البيت بعد الغدا ريلي يرد دوامه مره ثانيه وانا ابتدي اجهز الغدا لثاني يوم بس اطبخ غدا ليومين عشان يوم اطبخ ويوم ارتاح، وطبعا لازم العب مع بنتي وابدلها بامبرز وانظف البيت، المهم احاول اخلص كل شي واخذ شور قبل ريلي ما يرد الساعه 8 في الليل

نقعد شوي نتعشى وبعدين خلاص نووووم

صراحه انا كان الموضوع عادي عندي بس الحين مع الحمل الثاني والوحام وايد هلكانه بس الله يعين خصوصا ان انا اللي مسويه جي، ما ابي شغاله وبنتي الصبح احطها في حضانه.

ادعولي

موضوع حلوووووووووووووو....ويتعب :)
قبل الشغل كنت أدرس..وباقي لي سنتين ع التخرج....طول ها السنتين الغدا من برع، إلا الأيام اللي أخلص فيها كلية أرجع بسرعة وأطبخ،، طبعا إذا سويت غدا ما في عشا..أي شي خفيف ع السريع وينتهي الموضوع..وإذا تغدينا من برع أحاول أسوي شي خفيف ع العشا.. بيتزا، فطاير..الخ، واللي معوض أن ريلي وااايد يحب الحلويات، أدخل المنتدى وأطبق، وهو وايد يستانس..
بس يكون وراي تنظيف وكوي وغسيل غير شغل الكليه...هلااااااك والله، كنت أذبح عمري عشان ما أحسس ريلي بالقصور..
طبعا في رمضان مستحيييييييل من برع، وأتفنن في الطبخ وأخلي يعزم ربعه بعد :)

بعد الكلية حملت الحمد لله وصار عندي ولد، حاليا أشتغل من 7:30 إلى 3:30..يبت شغالة تساعدني..ولأني عودته أني أسوي كل شي بروحي متوهقه :( أول ما أرد تكون طابخة، أسوي السلطة ولااااااازم أنا أجهز الأكل...وأجابل ولدي على طوول وأحاول بعد ما أرجع ما أخليه عند الشغاله أبدا‘ إذا هو نام أنام وياه، وإذا كان شبعان رقاد أجبر نفسي وأتم ألعب وياه،، وطبعا طلبات ريلي بعد،، خصوصا الحلويات :)....
الويك إند الطباخ كله علي طبعا وأحاول دايما أسوي شي جديد...
بصراحة شي متعب واااايد خصوصا لما الوحدة تحاول توفق بين كل شي...بس مثل ما قالوا الأخوات، بالتعاون والتفاهم كل شي يصير......
والله يعييييينا

السلام عليكم
انا اشتغل وادرس ولي طفلين ومتوسط دوامي من 8 الي 2 ولكن تعبانة جدا من البيت والاطفال ولكن الميزة ان ابنائي احطهم عند اهل زوجي لانهم جيراني.
ولكن احس جدا اني مقصرة في بيتي ولكن الحجة الي عندي ان زوجي هو الي يريدني ادرس
ولكن ديمة تمر امامي الاية الكريمة(وأقرن في بيوتكن) صدق الله العظيم لاكن زي ما تقولو الحياة صارت صعبة والعمل ضروري
المهم اروح تعبانة جدابين شغل البيت والطبخ والريال والعيال ........... والله المعين