الجزء التاســـ9ـــع من تجهيزات عرايس قطــ2006ــر

هلا بنونات

انا جديده في المنتدى
وما تصدقون شلون استانست يوم شفت عنوان الموضوع :clap:
تقريبا طرت من مكااااني

ما تدرون وش قد محتاجه لهالموضوع


عرسي انشاء الله بيكون آخر 12ومحتاااااره ادوّر فستان أيجار مااااااااااااااااااااااااااااا ابغي اخيــّــط
ولوازم العرس وتجهيز القاعه والتوزيعات

المشكله اني اخذت المهر وأخذت فلوس تجهيز القاعه معاه
وصج صج صج توهقت
الحين أدور كوشه وتوزيعات وشغل طاولات وهالسوالف

حبيباتي لا تبخلون علي بأي معلومه تعرفونها .......... ادري انكم ما تقصرون
اي ارقام تلفونات او محلات طرشوها لي ع الخاص وان شاء الله كل وحده تطرش لي رقم او معلومه
1- اذا متزوجه ... الله يرزقها بالذريه الصالحه
2-مو متزوجه ... يجيها ذاك المعرس اللي يملي عينها وقلبها


عندي بعض النصايح اللي جربتها وشفت انكم تتكلمون عنها :

منى السودانيه .... ماشاء الله عليها شغلهااااا مرتب بطريقه حلوووووووه وتعاملها ممتاز مع الناس وايد خلوقه
محد سوى شعري غيرها وصار لي خمس سنين وان اتعامل معاها

ريما الحنايه .... ابتعدوا عنها خذنا فيها مقلب في عرس اختي حناها لووووووعه (وع , وع , وع , وع , وع ) لا والمصيبه ما يصبغ

زبيده .... حناها حلو وما عليه كلام والنقشات وايد حلوه لكن المشكله نوع الحناء مدري اذا لاحظتو والا لا انه يتقشر ويخلي اليد خشنه

مرسيدس ... ما جربتها , لكن عمري ما سألت عنها حد إلا وشكر عليها

نصيحه بنات اللي يبغون يبيضون جسمهم في منتديات فيها خلطات روعه ونفس خلطات هذول اللي يجون البيوت ويفركونا
تقدرين تسوين لج خلطات وتفركين نفسج او وحده من خواتج تساعدج... نصيحه حبايبي لا تخلون حد يتكشف عليكم..

لا تنسوني عاد
الله الله فيني


مدار قطر

الحلم الهادئ ...

اللي قصدته بتبييض العياده هو بالليزر ... بس اتوقع ساعتين ياخذ مش ساعة ...

والدكتوره جدا ممتازة وقمة ف التعامل ..

مرحبااااااااااااااااااااااا

خواتي انا مب معرسه (( للاسف)) بس عندي مشروع جامعي وااااااااااااااااااااااااااااااااااااااااااااااااايد مهم عليه 66%

وانا ادور كل المعلومات والصور اللي ممكن احصلها عن كل شي يتعلق بالعرس قديما وحديثا بس اهم شي قديما

عشان جيه اتمنى انكم تساعدوني وماتبخلون علي يابنات بلادي

دوحانيه
مبروك الجلسه الي شكلها خلتج تلقين على قولتهم هههه....تصدقين كلامج عن سميره يخليني افكر اجربها احسها اوكي وانا احب الطبيعي .........


الحلم الهادي

حددتي عرسج ؟؟

مدار قطر


هلا وغلا فيج عروسه جديده معانا وانشالله بنعطيج كل مافي جعبتنا :)

بنات انا عندي فستان كنت مسويته يوم كنت مخطوبه حق خطوبتي وتوه وااصل طبعا مالبسته ولاقسته وبصراحه له ذكرى سيئه وماظن البسه خصوصا انها فيه قصات وحركات واحس ماتلبسه الا عروس في خطوبتها ماعرف شاسوي فيه تهقون ابيعه لاني صج مب لااابسته مع انه راقي من تصميم عبد محفوظ ومفصلته في السعوديه ...

شاسوي فيه طايح في جبدي !!

مدار قطر ..
حياج الله ويانا .. حددي اي معلومة تبينها بالضبط وان شاء الله ما بنقصر معاج :)

بيبي حبيبي
اعتقد لو كلمتي المجلس الاعلى للثقافة والفنون بيساعدونج وايد .. قبل مركز التراث كان ممكن يفيدج في بحثج بس اللحين سكروه .. او تقدرين ترجعين لاعداد مجلة الماثورات الشعبية اخبر كنت القى فيها اشياء وايد

بنت الغالي ..
عرضيه للبيع احسن او اذا ما تبين تبيعينه وديه قطر الخيرية ..

الحلم الهادئ ..
تصدقين توني راجعة من الستي .. بس بعجلة ..دشيت ناين وست وشفته بس ما ركزت .. اليوم العصر باروح الاند وباشوفه عدل ..
اعتقد الرازي يسوي تبيض ساعة وابولو يسوي بعد ..

بنت الغالي ايه انا ابيه اذا تبين تبيعينه بس ممكن تطرشين صورته على الخاص وبكم سعره؟؟

الحلم الهادي محل اللور مجود عند البساطه والاناقه تدلينه؟؟ صوب نعمت اللي يبيع جلابيات بس شغاباته

صج روعه واسعاره مو هينه يعني 300 وطالع حتى بعضهم يوصل 1200

بالنسبه لللاخت اللي تسال عن حمام دهن العود فصالون شارم ورى مفروشات بوكنان على شارع سلوى

انا جربته وما انصحج فيه عادي تسوييلج حمام مغربي وبعدين تجيب شي نفس الطيب اللي نحطه على المشموم

الللي بالخله وتصبه على جسمج بس ماله اي ريحه هي بتقولج ان ريحته بتم بس لاتصدقين والله ماله ريحه

دهن العود يسويه صالون دايموند بس ماجربته

مساء الخير حلوات

تراني متابعتكم على طووول وماعندي شي اضيفه غير شي واحد وهو هل حجزتوا القهوه والشاي للعرس مع الحريم القطريات اللي يدورون بالقهوه والدخون؟؟؟؟؟؟؟


لاني اليوم رايحه مع صديقتي وحجزت وبصراحه عجبني شغلهم ونظاف ومرتبين الحريم اللي عندهم

الحلم الهادىء:
بنات..........وين احصل شغابات كرستال راقية جدا؟؟

رحت نوران ماعجبني ...وغالي على الفاضي...يعني سمت شغاب حليو قال ب 300 !! مع انه تحسون كرستاله اي كلام يعني يبين انه تشيب ومب حلو وايد !؟

اذا تعرفون قولو لي بلييييييييييز :)

عندج فى رويال بلازا الدور الارضى بتلاقيييييييييين شغابات روووعه بس غوالى شوى بس كريستالهم حلووو

qtr221
زين قلتيلي .. انا كنت حاجزة عندهم حمام مغربي اللي ب 300 ريال ..
تقول احسن شي بس اذا جي باسوي حمام مغربي عادي ..
انتي جربتي شغلهم ؟؟ تنصحين فيه بشكل عام ولا لا ؟


بنت الغالي ..
انا جربت دايموند وشمخوا جسمي من قوة فركهم وحمامهم عادي لا خلطات ولا شي عشان جي ما ابي اروح لهم مرة ثانية

احلى ام ..
الصراحة انا اهل ريلي متكفلين بهل الموضوع
بس انا حاجزة في الحنة شاي وقهوة على الطاولات وماجره حريم يضيفون

فيه محل اسمه لندن او سيدة لندن شئ جذيه في الحياة بلازا اكسسواراتهم واااايد حلوه

طلب
عطوني حركات حلوه جديده حق العرس
سواء كانت
توزيعات - اشياء ع الطاوله - حركه جديده


مدار

بنوتات...


اخباركم... ادري صار لي كم من يوم ...صاخه!.. بس اعذروني..<<<< توها مخطوبه!!..مشغوله مع بو الشباب!!..
شوفكم تتكلمون عن الاكسسورات ما اكسسورات...
ما ادري!.. بس انتوا عرايس...احس ان الاكسسوارات هذي حق البنات الصغار!.. ما ادري انا مو من النوع اللي يحب يلبس اكسسوارت ..واذا بتلبسون اخذوا الاكسسوارات الماركات.. مو هاي اللي عند الور..ولا نوران..لانها مع الوقت ترى تروح موضتهم...وبعد مو وايد راقيين...


ففلوسكم حطوها بشي سنع احسن لكم ...

ا

مدار قطر

انا بعد عرسي معاج
ونفسج مابي افصل عبااالة الصراحه :(
واحس وراي وايد اشياء لازم اسويها :(

وبخصوص خلطات الجسم .. انتي جربتي شي بنفسج ولقيتي منه نتيجه؟
اذا في ياليت تعلمينا شنو احسن شي جربتيه :)


الحلم الهادي

انا بعد مانصحج بالتبييض
سوي تنظيف عند سمايل تنظيفهم رووووعه اخوي مسوي عندهم
وسوى تبييض بعد بس الصراحه عادي نتيجته مب فتاكة :)

والشغابات شوفي اللي في الرويال بلازا حلوين بس غاليين شوي
وعندج اللي في الاند وايد حلوين بعد

وفي المول رفيجتي تقول في محل حلو بس ولا مرة رحت له :)

ابي باقه كبييييييره وحلوه يعني باقت ورد بس الحين موضت الورد الصناعي اتعرفون محل ينسق لي باقه راااااااااااااااقيه من قلب كانها ورد طبيعي

شموخ عنادي .. باقول لج و لكل البنات ..

انا ما أنصحكم بتنظيف البشرة الخاص عند سميرة .. لأنه حار على الويه و تقريباً فيه مشقر و فكس و صج تحسينه حااار وايد .. عقب ما خلصت حطيت من كريم الحبوب .. واليوم ما أكذب عليكم اطلعت لي كم حبة في ويهي و هذا و انا ما حفيت ويهي : (
مابي أظلمها و أقول من تنظيفها .. لكن قبل التنظيف بشرتي متحسنة ..

فلا تسوونه لأنه ما يناسب كل البشرات ..

::

روح قطر ..
عاش من شافج .. الله يوفق الجميع .. و عقبالج يارب ..

::

الحلم الهادي ..
هذاني وضحت .. بس الصج نتيجته حلوة تحسين ويهج نظيف لكن هذا اللي صار مع بشرتي ..
و شوفي أميرة مالت الدي جي بعد .. ترى شغلها حلو ..

بخصوص تبييض الأسنان عدنا و زدنا فيه .. اكتفي بالتنظيف بس .. بس أي عيادة مادري ..

أما الشغابات الكريستال .. توني رايحة رويال بلازا .. عند السوري تحت وين كادو احذاه .. عنده تشكيلات حلوة بس بعد غالي .. و عندج اللي في اللاند مارك عنج اللبناني لكن صج صج غاااالي ..

::

brillo
حياج الله .. و إن شاء الله تستفيدين من الكل ..
و هذا من ذوقج و وطيب أصلج .. : )
ثانكس على الكلام الحلو ..

::

ashjaani
سوريل لا تروحين له ..
روحي مودا ليدي .. تفصيلهم حلو و شغله مرتب لكن الكريستالات اممم ما حطيت بالي إذا اوكي شغله و لا لا .. و عندج أنوني بعد ..

::

مدار قطر ..
إن شاء الله البنات ما راح يقصرون وياج ..

::

بنت الغالي ..
جربيها فديتج و دلعي عمرج .. أصلاً انا الق من زمان خخخ
و بخصوص الفستان .. عاد جانج بتبيعينه لا تقولين له ذكرى سيئة محد بياخذه عقب لوول أضحك معاج ترى لا تزعلين مني ..
اعرضيه في ركن التسوق و إن شاء الله بينوخذ و تتهنى فيه اللي بتاخذه .. و إن شاء الله تفصلين اللي أحلى منه و نفرح فيج أنتي و باقي البنات ..

::

أحلى أم ..

الضيافة و الشاي و القهوة و هالحريم .. مخليتهم على اهل ريلي بصراحة .. و ماراح يقصرون إن شاء الله ..

::

الجوري ..
اممم اذكر مرت أخوي كانت مسوية باقات يوم تربي .. و كأنها قالت إنها سوتهم عند الوافي في سوق العلي .. لكن مب متأكدة .. اتصلي و اسأليهم ..

:: :: ::

بخصوص سميرة :
اممم ترى هي تسوي الجلسات و كل هالسوالف في بيتها و بأقل من لما تسويه برى يعني الفرق تقريباً 150 ريال على ما أظن مب متأكدة .. أمس قالت لي .. و مجهزة مكان و بالمواعيد .. و تقول الناس حاجزين حق العيد عندها من الحين ..

::

كح كح كح اليوم حفيت جسمي و سويت فلم مب صاحي خخخ توني أدري إني خوااافة ..

::

هاذي آخر أخباري .. ^_^

شموخ..يختي مدري والله متردده ...ابي ابيض اسناني احس بيكونون احلى وحق الصور احلى خخخ :) بس فيه ناس يشجعوني وناس يقولون لي نفس كلامج ...ويقولون ان اللي بالليزر ماله اضرار ولا يضعف السن ولا شىء

المشكله بعد خطيبي مشتط ويقول لي خل نسوي مع بعض قبل العرس خخخخ فمابي اقوله لا خاصة انه مشتط حده حق هالموضوع ...وربعه مجربين ويشجعونه ماقالوا له مضر ولا سبب لهم مشكله

ايييييييييه حذا محل نعمة اللي يبع جلاليب وهالسوالف عرفته خلاص دليته ...مشكورة..بمر عليه انشاء الله

مدار قطر ...حياج الله...اقري الموضوع عدل والاجزاء السابقة وبتلاقين كل الافكار اللي تكلمنا عنها ...وايد بتستفيدين

بريلو :) فله نكج ....انا اتصلت عيادة الخليج للاسنان وقالت لي اللي هناك انه ياخذ ساعه بس ! وياخذون 1000 بس بالليزر...بس مدري هم اوكيه والا لا عشان جذية اسئل عن حد مضمون

بنت الغالي ...هلا يمه...ايه تقدرين قولين حددنا بنسبة 90 بالمية بس ياختج السكن للحين ماحصلنا مكان...كل مانحط عينا على شىء يا يطلع فيه عيب والا يطلع محجوز ..لحين ندور وانشاء الله نحصل عشان ماناجل الموعد خاصة ان حجزنا القاعه ودفعنا العربون....ادعولي بنات اتوفق ببيت او شقة قريب ((وحده محبطة على الاخر))

اقول ...كم مقاسج؟؟ اذا مثلي ترى باشتريه منج متاكده ان ذوقج حلو ...على الاقل ق الهدية او الصباحيه خخخخ

كلاسيكو :) لا صدقيني شكله مايتفوت انا مدري شهالعبط اللي صادني وشلون ماخذته يوم كنت هناك...وقايله بروح له عشان اخذه احسه وايد عملي للسفر وللدوارة ولملاهي خخخخخخ

قطر221 ...ايه فديتج دليته مشكورة انا ماكنت ادري انه جنب النعمه للجلابيات....الحين عرفت..تسلمين لي

بنت الغالي "مره ثانية" ترى مايمدحون الحمام المغربي مال دايموند كلش

احلى ام ...طرشيلي رقم الحريم مالين القهوة والشاي بليز ابيه اكيد بحتاجه

شووووووووق :) الله يذكرج بالشهادة تدرين..انا مره شفته هالمحل تحت..بس ناسيته وصج كان عنده شغابات كرستال قمة بالروعه وبكل الالوان...بروحله انشاء الله

مس انجر ...حبيبتي شغابات الكرستال موضة الحين والكل طايحين فيها...انا اللي اتكلم عنها شغابات كرستال راقي وكبيرة حق السهرات ..يعني حق الهدية مثلا او الاعراس...بلون فستاني

والماركات ماتجيج اكسسوراتهم كبيرة ونازلة وكرستاليه ..تجي نعومه وبسيطة حق الاستخدام العادي او النهاري مب للسهرات ...اذا فهمتي قصدي

دوحانية ...تسلمين يالغالية كفيتي ووفيتي..تدرين انا بشرتي بعد حساسه ..وانا ماسوي تشقير لوجهي الا بيدي لاني اخففه ..لكن اذا سويت في صالون يحترق...فاكيد مراح اتحمل خلطتها اذا هي قوية...انشاء الله بشرتج تتحسن على العرس وتروح الحبوب...حطي فازلين قبل لاترقدين ترى يقولج مفعوله عجيب لبشرة انا ماجربت بس كله اقرا انه وايد يهدي البشرة والحبوب

جربي وان ما فاد..مراح يضر..لانه بارد

كم رقم اميرة؟؟ طرشيه لي احتياط...وماتقصرين حبيبتي الله يجعله بميزان حسانتج يارب

ونعيما بعد الحف ياحلى عروس...الله يوفقج ويتمم لج على خير يالغالية

اللهـ يوفقكمـ،، يابنــات كللللللللللللللللللللللللللكمـ وييســر لكمـ كلــ أموركمـ ياااااربــ


دوحانيهـ _ ومسـ أنجر _ بنت الغالي _ الحلم الهادي _ كلاسيك _ شموخ _ نور الدوحة


وكلللللللللللللللللللللللل البنات


واللهـ يقومـ [قطر] بالسلامهـ ياااااااااااربـ



[وأحلى أم]

عااااش من شاااااااااااافج فديتج





[ مسـ انجر ]


فديتج ترى هالشغابات حدها روووعهـ وبالذات لو الوحده تلبس فستان رااااقي ومع

هالشغاب يهببببببببببببل وحده من هلي كانت لابسه وصج صج صج

طالعه احلى من إليسا خخخخخخخخخخخ لأنها كانت مخيطه نفس فستانها