الجزء التاســـ9ـــع من تجهيزات عرايس قطــ2006ــر

السلام عليكم بنات :

الحلم الهادي :
أنا معاج نعومي الخلق الستان اللي عندهم حق قمصان النوم مب حلووو وخشن
وجربت منه 4 قمصان تقريباً وحطيت عليه أكككككككككككككككككككككس
عندي لاسنزا احسن منه بواااااااايد خاصه المتيرل يجي توور ضاغط حلو ويرتب الجسم :) وحركاته بنوتيه أكثر .

وبعد قسم الملابس الداخليه في دبنهامز ينزلون شغلات حلوه بعض المرات ، وتحسينها تصلح لعرايس (( بيج مذهب ، أسود بورود ناعمه ، ماروني )) يعني الوانهم رسميه .


دوحانيه :
الأكياس البلاستيك ، ممكن تحصلينها في المحلات اللي تبين مانيكان (( عندج محل عند دار الكتب القطريه شوفي يمكن تحصلين عنده )) ، ولا جربي المحلات اللي فالستي اللي يبيعون فساتين جاهزه يمكن عندهم ويقدرون يبيعونج :) بس اتوقع كل كيس يكون معاه فستان يعني اللي عندهم عالعدد .


ممممممم واللي قالت عن المفارش :
حرام تاخذون مفرش غاااااااااالي ، لأن بتملون وبتغيرون بأستمرار ، ومايمديج تفرشين المفرش الا انتي شايلته ، يعني عالاقل كل اسوبع بتبدلين المفرش ، حتى مراح اطلعين قيمته ههههههههه
شوفوا سوق الأحمد عندهم حركات حلوه ، خاصه المفارش اللي تجي في بوكسات (( 4 قطع )) حلوين ومايختربون كلش وفيهم تطريز حلووو يصلح لعرايس .


وملاحظه :
أكثر شي بتجددون فيه في حياتكم الزوجيه المفارش وقمصان النوم ، واذا قاعدين في بيت بروحكم بتصيرون نفس الامهات كله صوب المواعين الكشخه والغريبه والكاسات اللي تفتح النفس :)

<------ اسأل مجرب :) لووووول

فراشتكم

انا اشوف البنات يتكلمون عن احلام وذكريات ويمدحون شغله

الدي جي عندج المنى واميرة ومروى بعد اللي في اون لاين


شوقي حمايم ..
حيا الله هل الامارات
فكرتج حلوة .. انا باسويها بس باذكار يوم الحنه

ههههههههههه قطر اي والله نفس الأمهات .. اتخيل عمري بس ^_^

بالنسبة للكيس .. والله انا شايفة في محل من المحلات هني لكن وين مب قادرة أتذكر .

::

إلا صج على طاري المفارش ::
اممممم إذا لقيتوا تلبيسات أوكي لا تاخذون الكامل اللي يجي الملحف فيه حشو .. أخذوا التلبيسات و الحشو اشتروه بروحه من مفروشات العروس بـ120أقول لكم ليش التلبيسات ؟ أخف لما تشلينه و ما ياخذ مكان بعكس الثاني شغللللللللللللة .. و حتى التبديلات اخذوها كلها تلبيسات .. و عندج حشو واحد تغيرين الكفر اللي عليه وخلاص .. و التلبيسات هاذي سهلة لما تشلينها للغسيل .. أنا سويت جذي و مفكرة أستمر على هالطريقة ..

qtr221 مشكوووووووووورة فديتك والله ماقصرتي:)
أخدمك إن شاء الله في الجايات..

السلام عليكم بنوتات

دعواتكم عرسي الاثنين مع العنود ان شاء الله

ادعوا لي ان كل شي يعدي على خير باذن الله

لا تنسوني من دعواتكم

وسلامي للجميع

الله يوفقج و يسعدج يا فراشة بو ظبي : )

إن شاء الله يطلع العرس مثل ما تبين و أحلى بعد ..

ما أوصيج .. ضروري جداً تقرين سورة البقرة يوم العرس .. و توكلي على الله في كل شي ..

و الله يبارك لج .. و للعنود بعد مثلج ^_^

عرايس..كاني سالت سؤالين..وسفهتوا لي؟...


<<<< ترى واسطتها بنت الغالي!..حاسبوا!!.........


بس معليه.. بكتبهم لكم مرة ثانيه...

السؤال الاول :الاكيد انه تكرر اكثر من مرة.. هو اني اسمع عن سميره بس هي شتسوي بالضبط؟
حمام مغربي؟..ولا خلطات تبيض؟..ولا شنو؟.. واذا ممكن رقمها...


السؤال الثاني: هو شنو عندكم اقتراحات للزفه.. (للخطوبه)؟... حجزت الدي جي خلاص..بس الزفه لحين ما اعرف شنو احط؟....


تدرون اليوم اتصلت لبثينه مالت الشعر..اللي مع نعمات.. تخيلوا قالت لي الشعر بـ1000 اذا في البيت و بـ 1200 اذا بالفندق!... صج مقصه!... شنو الفرق يعني بالبيت ولا بالفندق!.. قلت لها اوك مشكورة وماقصرتي!... تلاحظون ان الاسعار مو معقوله!!..

السلام عليكم ورحمة الله وبركاته

مملكة النحل يسرج حالي


بنات تدرون صج احس ان احنا على قلب واحد وكل ما يقرب عرس وحده احس باحساسها وافكر فيها :)


فراشة بوظبي بالتوفيق يالغاليه والله ييسر عليج ويكون كل شي مثل ما تبين واكثر

بالنسبه حق نعزومي ما تعجبني قمصان نومهام احسها نايلون وحتى الملابس الداخليه ما ارتحت لها احسن شي عندهم الفوط


اممممممممممممممم وبالنسبه للمفرش شوفو في محل في الرويال بلازا مفارشه حلوه وناعمه والوانه روعه

انا وايد يعجبني المحل خصوصا مخداته :)


هذي اللي في بالي الحين واذا تذكرت شي باضيفه ان شاء الله :)

بنات شرايك في محل الفراشه اليوم كان عندي موعد اشوف التصميم يعني الرسمه اوكي بس للحين مب مقتنعه بالموديل بس سعره زين اللي جربت عنده تقول لي شغله مضبوط ولا لا

انا فصلت عند الفراشه وهالاسبوع اخر بروفه

احس شغله حلو والمصمم فاهم


سوى لي اللي ابيه


لاني كنت شايفه فستان وحده وشفته مرتب وراقي فرحت له


مس ايجنر سميره تفرك جسمج تخليج تلقين قبل العرس واحسن شي تبتدي معاج قبل العرس ب 3 شهور

وبالنسبه للزفه شوف الدي جي يكون عندهم زفات او سوي لج عند شاعر زفه خاصه باسمج يوم خطوبتي خالاتي سوو لي الزفه هديه من عندهم من الحس وكانت وايد حلوه وعلى اسمي :)

وزفة العرس سويتها عند شلعر في الكويت

بعد روعه توني مستلمتهاوسعره زين لاني قبل اتصلت بواحد في الرياض وقال لي مبلغ خيالي :(

السلام عليكم ورحمة الله وبركاته

بنات اليوم رحت "عبر قطر"
والله خذت ملحف مع 11 قطعة مع مخدات كبيرة وصغيرة كله ب650
ما شاء الله على امي حتحته لي الاخر
بس ما شاء الله واااااايد حلو وأحلى بمليون مره من اللي ب4 و6

وبعد خذت تبليس 4 قطع حلو اعتقد ب 200

وانا حاطه الميزانيه 2500
والله زين وفرت
1600 في الجيب

الله يوفق العنود وفراشة
وييسر امورهم كلهم ويسعدهم دنيا واخره

البنفسج :) الف مبروك عليج المفرش...زين سويتي والله

دوحانية...والله انشغلت الويكاند ..بجربها هالاسبوع انشاء الله لان صج ابيها واحتاجها

كلاسيك :) دام عندج كفايه خلاص لاتشترين...صراحه انا رحت له ولا لقيت شىء ش خاطري غير هالبجامه بس وسعرها بعد وايد اوفر بس دشت خاطري شسوي !

miss_engr :
جان حجزتي عندها للشعر دام ب1200 ، غيرها يسوي ب1500 ريال :)
هذي الاسعار فديتج ، حطي لج ميزانيه 3000 ريال حق المكياج والشعر ليوم العرس .


البنفسج* :
عليج بالعافيه ، زين ان خذتي طقم كامل .
واذا بس ماخذه هالطقمين يفضل تاخذين لج عالأقل طقمين زياده .
لأن 2 اشوفهم اشوي ، هذا اذا ماكنتي ماخذه غيرهم من قبل :)


الحلم الهادي شخبارج ان شاء الله بخير ؟

هلا ..
احس اني بازكم راسي واذني يعوروني واحس اللوز ملتهبه
وكل شوي يزيد التعب
الله يستر

البنفسج مبروك على المفرش .. شكله يبيلي زيارة

مس انجر .
مرسيديس تسوي الشعر ب 1000 احجزي عندها

قطر :)
انا ماخذه مفرش واحد من السعودية وقبلها ماخذه واحد من bhs بس عادي يعني مب ذاك الزود
قلت افتكيت من سالفة المفارش :(
تهقين بعد اخذ لي ؟؟

السلام عليكم ورحمة الله وبركاته

شلونكم بنوتات؟؟

الحمدلله تقريبا خلصت اغراضي..بس ابي اسأل
شنهي الموضه الحين في الطرحة هل هي اللي تنربط من تحت ولا اللي فوق احلى
أنا كلمت لبنى اليوم وسالتها عن الدارج اللحين في تسريحات العرايس
قالت لي منوع في اللي يحطون التيجان وفي اللي يحطون اكسسوارات صغيره وفي اللي يحطون ورد طبيعي والطرحة على تحت
والأخيرة اعجبتني ها شرايكم؟؟

الحلم الهادي
الله يبارك فيج

أختي قطر
حبيبتي لا تحاتيني عندي غيرهم ..دام امي وراي_الله يطول في عمرها_
كل شي ما خذه منه أضعاف
خذت واحد من السعودية وواحد من bhs
نفس كلاسيك هههههه
وجزاج الله خير على تواصلج معانا

كلاسيك
سم الله عليج ما تشوفين شر حبيبتي
واعتقد على قولت الوالدة يبيلج اكثر

هاي يا احلىىى بنات


والله توني اشوف هالموضوع الحلو

الله يجزاكم خير ويوفقكم ياااااااارب

بنات بلييييز ممكن رقم سميره اللي دايم تتكلمون عنها عالخاص

السلام عليكم ...

الله يبارك فيكم عرايس و يتمم لكم على خير انشالله ......


والله يوفق العنود و فراشة الامارات ويتمم كل شي مثل ما يبون ...

classic2004:

قطر :)
انا ماخذه مفرش واحد من السعودية وقبلها ماخذه واحد من bhs بس عادي يعني مب ذاك الزود
قلت افتكيت من سالفة المفارش :(
تهقين بعد اخذ لي ؟؟

هلا حبوبه كلاسيك :
أي فديتج يبيلج 2 أو 3 زياده ، روحي محلات سوق الأحمد لفي محلاته وحطي عينج على الزين وبعدين اشتري ، لكن نصيحه اخذي من البوكسات اللي يكون فيها (( مخدتين + شرشف + تلبيسة الديباج ( الملحف ) ))

واذا كنتي ماخذه من هالنوعيه من قبل لازم يبيلج (( ديباج )) وهذا اخذيه من عندهم أو هوم سنتر ، ممممممم ويبيلج المفرش الاستييك عالأقل 2 ، تفرشينه تحت المفرش عشان مايتحرك ويلعوزج ، وهذا اخذيه أبيض أو بيج فاتح .

وزيدج من الشعر بيت إذا بتحطين 4 مخاد عالسرير وهذا الشي الطبيعي يبيلج عالأقل تلبيستيين حق المخدتين اللي باقيين :gum: بتكفخيني صح ههههههههههههه .

وهذا ياأنج تاخذين تلبيسة مخاد بروحهم من bhs أو تاخذين الطقم الكامل (( مفرش ساده + مفرش استييك + مخدتين ساده )) من الأحمد وعاد نسقي على حسب الألوان اللي عندج .

وشوفي العروس اذا راحت بيت زوجها يكونون حاطين اهل الزوج مفرش عالسرير ومرتبين لها الغرفه ، بس مو أجباري :gum: يمكن أهل الزوج يغفلون عن هالنقطه وماينلامون مع حوسة العرس ، أو يتركون الموضوع اختياري ويقولون اكيد العروس ماخذه مفرش فخم حق بيتها ، فمايحطون شي .

عشان جذي يبيلج غير الديباج (( الملحف )) 4 مخاااااااد وخذيهم بعد من هوم سنتر :bigsmile:

أو عادي تتفقين مع الزوج وتقولين له عن هوم سنتر وهو ياخذ .

ملاحظه :
هذا الرد لجميييييييع البنات عشان يستفيدون منه .

البنفسج*:


أختي قطر
حبيبتي لا تحاتيني عندي غيرهم ..دام امي وراي_الله يطول في عمرها_
كل شي ما خذه منه أضعاف
خذت واحد من السعودية وواحد من bhs
نفس كلاسيك هههههه
وجزاج الله خير على تواصلج معانا

زين اشووووووى
هالشكل أوكي بيكفونج ، وبعدين مع الأيام أخذي لج على ذوقج وذوقه .

وبعد أقري ردي على كلاسيك يمكن يفيدج .

وي!...

صج اني طلعت ما اعرف شي بسوالف العرس...يعني هذي اسعارهم!!...

عيل شكلي باحجز واتوكل على الله!....

الميك اب حجزت عند دانييل... شرايكم؟...واشوف الناس تمدح امنه شاهين!..محتاره.. لان انا اهم شي يكون عندي ناعم..والاساس نفس لون بشرتي ويتم!!... وقلت للعرس ان شاء الله احجز سعاد البلوشي..

وعلى سالفه زفة الخطوبه.. مادري احس مابي اسوي اغنيه على اسمي <<<<اصلا اسمج صعب!!.. وينج ووين يسووون لج زفه عليه!...خخخخ

انا قلت اذا فيه جي اغنيه حلو.. ممكن تنصحوني فيها.. لاني انا وخطيبي بندخل مع بعض.. ..
امس دخلت على دبي موون وتميت اسمع اللي عندهم..عشان اقول حق مالة الديجي..بس ما عجبني
شي.. كله طقطقه..واللي عجبني حسيته يصلح لعرس!..


تنصحوني احجز سميرة قبل الخطوبه ؟...ولا بس اكتفي بالحمام المغربي.. وعنايتي الشخصيه بنفسي؟...

وبنات للي يبون قمصان نوم.. والله انا كل قمصان نومي شريتهم من برا.. بس بعد باقيلي قمصان نوم مسترة شوي..لان كل اللي خذتهم...(.......)!!.. بنات عمي انصحوني بالمحلات اللي مقابل سوق الجبر.. قالوالي عندهم اشيا راقيه ..وانا صج شفت قمصان بنت عمي..الحين لما سالتها انصدمت لما قالت لي انها ما خذتهم من هناك..بس قالت لي..روحي لهم كل فتره مره...لانهم ما يجيبون كل مرة اشيا حلوه... يعني.. كل شهر..زوريهم مره..ممكن تطلعين لج بقطعتين...


وبالتوفيق للجميع..