السفر بالسيارة

اختي يعتمد على المسافة اللي بتقطعونها

لو سيارتكم واسعة راح ترتاحون وتقدرين تاخذين معاك كل الاغراض
اهم شي لا تنسي بطانية او مفرش صغير لو بتواصلون في الليل يمكن ولدك او احد منكم يبرد
ثلاجة ماي دافي
شوية مأكولات خفيفة تسويها في البيت او جاهزة لو مو حابين توقفون كل شوي عشان الاكل
مثل الفطاير وورق العنب والبسكويتات الخفيفة والعصاير .. وكلها تحفظيها في براد صغيرة عشان ما تخرب عليكم في الحر
مناديل مرطبة ومعقمة ( او سائل تعقيم )
علبة اسعافات اولية صغيرة .. في حال الحاجة لاسمح الله
لعبة لولدك على حسب سنة ومخدة صغيرة اذا احج احتاجها
اي سائل تنظيف ( صابون )
أكياس عشان تجمعون فيها الاوراق وبقايا الاكل وترموها عند المحطات

فيه اشياء مهمة المفروض ما تنسيها بس على حسب المسافة اللي بتقطعوها يعني كم ساعة بالضبط بتظلون في الشارع

ما قصرت رووومي معاكي كفت ووفت.. وهذي الأشياء إللي كتبتها هي إللي طرت على بالي.. حاليا..

بس هم يعتمد على كم المسافه إللي بتظلوا فيها في السياره..

ولاتنسي مشروبات بارده عشان تنعنشكم في الحر حتى لو كان فيه مكيف بارد وأغراش ماي تكفي المسافه إللي بتكونوا طالعين فيها..

وأهم شيء مثل ما قالت رومي خفايف ورق عنب ومعجنات والأشياء الخفيفه هذي..

لأن المطاعم إللي في الشوارع يكون أكلها مو حلو.. وإحتمال مو نظيف بعد..

والله فكرة .....

لاني ناوية انشاء الله اسير العمرة في السيارة مع ريلي وولدي علاوي .. وهو توه ما كمل 5 شهور وخايفه وايد من السفر معاه مسافه طويله ..... الله يستر ^__^

رووووووووز

المسافه طويله من دبي إلى مكه حق عمره الله يعينك يا روز..

أبدا ما أنصحك تروحي بسياره..

مشكووووووووووووووووووووره وااايد يا بنات عروس الصراحة ما قصرتو
المسافة طويلة بنسير سوريا تقريبا يومين
اللي عنده أفكار ينصحني لو سمحتو

الله يعينكم المشوار طويل
اهم شي تكونوا مسوين لكم جدول للرحلة ومنظمين المشوار
يعني محددين متى توقفون للراحة خاصة زوجك لازم يرتاح ومايظل يسوق لفترة طويلة متواصلة
فيه استراحات على الطريق العام بعضها نظيف وتقدرون تستأجرون غرفة تتغدون وترتاحون فيها مثلا من الظهر الى المغرب .. الايجار بالساعة اظن

مثل ما قلت لك الأشياء الضرورية اللي تاخذيها
بس حسبتوا حساب الاستحمام ؟ اكيد ما بتظلون يومين في الطريق بدون دش
خذي معاكم المناديل المنظفة حلوة للطريق لو حسيتوا بالحر تمسحوا جسمكم فيها ونفس الشي بالنسبة لولدك

وأهم شي التسلية في الطريق عشان ما تحسون بالوقت
خذوا لكم اشرطة او سيديات حسب ميولكم ( اي شي قرآن - محاضرات - دروس ) اي شي يناسبكم
ولا تنسون سجادة الصلاة اهم شي يمكن يجي عليكم وقت الصلاة ولا تلاقون محطة بمسجد

وخلوا معاكم مطارة كبيرة ( ما ادري شتسمونها ) بس هي مثل العلبة الكبيرة بلاستيك ينحفظ فيها الماي
يكون للغسيل لو احتجتوه وسط الطريق لغيار ولدك او تغسلون اي شي

اذا سيارتكم كبيرة شوي تقدرين تريحين شوي ورى انت وولدك ونفس الشي زوجك

الله يعينكم على الحر والغبار هاليومين كل مكان معتفس

واي مساعدة انا تحت امرك

افكار مره حلوه مشكورييين

اختي تروحين وترجعين بالسلامه
بس لا تنسين كتيب حصن المسلم وقراءة دعاء السفر

واختي معاج ملاحف وبطانيات انظف من اللي بالشقق او الفنادق

أختي اخذوا معاااااااااكم قهوة ..لأنكم بتحتاجونهااا وخاصة لما يحس الزوج بالكسل وهو يسوق السيارة ...

خذي معاكي قهوة بودرة ..ودلة وفي كل استراحة تطلبين ماي حار وإنتي حطي القهوة ..

خذي معاج ديتول رش للحمااااااامات ..+ مناديل ديتول + صابونة للطريق ...أممممممم ما أذكر بعد شو
المهم ادعي لنااا