ابغي مساعده من بنات البحرين

الله يرزقها ويعوضها

وان شاء الله بنات البحرين يساعدونك

الله يوفقهااااا ان شاء الله

ويرزقها بولد الحلاااااااااااال

الله يجازيك خير

والله ماعندي صراحة رقم خطابة ،، وان شاء الله وحده من البنات تعطيج رقم خطابة زينة ..

الله يوفقج وويوفق رفيجتج

حبيبتي انت ما تقدرين تكلمين الخطابة الا بموافقة صديقتج لان فرضا رفضت شتسوين ساعتها

او انها ترفض الزواج بهالطريقة

وبعدين .. كم عمر صديقتج؟

بصراحه انا صغيره على هالسوالف بس ما ادري
المفروض رفيجتج تعرف بالموضوع قبل

وللأسف بودي اخدمج بس ما اعرف خطابة

وربج كريم اكيد نصيبها بيجيها ^_^
اكاني انا عمري 20 سنه ورفيجاتي كلهم عرسوا الا انا ^_^

ادعيلها والله يوفقها ان شاءالله بولد الحلال اللي يصونها

مشكورين خواتي وانا كنت بتفاهم مع الخطابه بنفسي يعني اعطيها المواصفات واهي اذا عندها احد بتقولي مايحتاج اقول لصديقتي من البدايه

اهي بتكمل ال24 بتدخل 25 ولا بتدخل ال24 مادري بس بهالحدود يعني

روان الله يوفقك ان شاء الله و للحين توك صغيره للحين العمر قدامك :)

مشكورين خواتي وانا كنت بتفاهم مع الخطابه بنفسي يعني اعطيها المواصفات واهي اذا عندها احد بتقولي مايحتاج اقول لصديقتي من البدايه

اهي بتكمل ال24 بتدخل 25 ولا بتدخل ال24 مادري بس بهالحدود يعني

روان الله يوفقك ان شاء الله و للحين توك صغيره للحين العمر قدامك :)

السلام عليكم ورحمة الله...
انا بعد من راي البنات انج ماتحرجيها يمكن تنحرج او تعصب من هذا التصرف ..

بصراحة جفت كم مرة ارقام خطابات في (( جريدة الحصيلة)) لي فيها كلة اعلانات..

الله يوفق الجميع وادعو لنا...

اللة يرزقها و يرزقنا جميعا الأزواج الصالحين و يرزق كل بنات المنتدي

مسكينه رفيجتج للحين مو عووودة ولا انه طافها قطار الزواج عشان تسألين لها عن زوج عند خطابة


جذي رفيجتج بتحط بخاطرها!!!!

مراوي .......... اذا عمر صديقتك 24 فهي صغيرة ....... و لي الحين الحياة قدامها

اشدعوة ؟؟؟ أغلب البنات ما يوافقون ينخطبون الا بعد ما يخلصون جامعة .... يعني 23 أو 24

و انشالله بيها نصيبها لي باب بيتها و ما يحتاج خطابة

و بعدين اذا هي لي الحين ما تزوجت فهذا مو معناته انها مسكينة !!!! .... يعني أكيد هي الحين تشتغل و لاهية بشغلها

مسامحة حبيبتي

كل البنات تقول ان رفيقتش صغيره وتوه الناس عليها .. لكني اعارضهم الرأي ... رفيقتش مو صغيره على هالشي بالعكس حلاتها تنخطب وهي 22 سنه .. لاتتوقعون انها مرتاحه وهي تشاهد صديقاتها كلهم معرسين ومعاهم اعيالها .. صدقوونه والله صدقوني هي في موقف لا تحسد عليه والله هي تتمنى اليوم قبل بكرة تشوف اعيالها وهم يكبرون قدام عيونها ....
اني شخصيا حبايبي ولا اخفي عليكم صرت بنفس الموقف صديقاتي كلهم عرسوا واذا اتجمعوو كل وحده تتكلم عن خطيبها واضل اني ساكته ومتحسره .. والله الموقف يبكي .... (( لكن الحمدلله قريبا خطوبتي بأذن الله .. بس ادعوا لي بالتوفيق في هالمشروع ... ترى صدقوني انتظره على نارر .. ما ابي اظل اشوف الا كبري معاهم اعيالهم واني لا ... وعلى علمكم اني عمري 24 بدخب 25 يعني مثل سن رقيقتش)

وثاني شي لا تنسون ان الاعمار قصيره مو مثل الاول .. ترى كل جيل يجي يصير عمره اقصر من الثاني ... ايام ابونا ادم وحواء كانت اعمارهم فوق 200
اما في عصرنا حدنا نوصل ال60
والاعمار بيد الله طبعا ... بس مثل ماقلت لكم ...انربي عيالنا واحنا صغار احسن مما نكبر

وثالث امر هو ان مستحيل نستانس بالزواج على الكبر والله اخواتي ماله طعم ... الحين البنت بس توصل ال30 تبدء تتقطع عندها الدوره يعني مساله الحمل عندها في خطر

وكل هذا وتقولون صغير
لااخواتي موصغيره ولا شي

اختي انصح تكلمين زوجك او ازواج صديقاتش الباقي يمكن ازواجكم في العمل عندهم رفيق يبغي يخطب .. ويكون من نصبها

ويابخت من وفق راسين بالحلال

بسمه تعالى

والله كلام أسرار الليل 2 صحيحه وانا اوفقها لمتى الوحده بتظل بلازواج انا عمري 23 سنه
انا يتقدمون لي لله الحمد لكن يطلعون غير مناسبن او فيهم امراض مزمنه ماقدر اتزوجهم
حتى واحد اصر ان يتزوجني بس لان حامل فقر الدم المجلي رفضته مع انه شخص مواصفات كل بنت تتمناها يعني ملتزم وخلوق ويعتمد عليه ويشتغل شغله محترمه يعني راح يوفر لي اسباب العيش السهل والله الوحده اذ قدرت توفق راسين في الحلال لا تتردد يقولون ليهم قصر في الجنه والله يقدرك على فعل الخير وان شاء الله نسمع عنها انها تزوجت
اللهم ارزق بناتنا الستر في الدنيا والاخره
اللهم ارزق شبابنا الهدايه د
اللهم زوج بناتنا وشبابنا وابعدهم عن الحرام
اللهم ياااااااااااااااااااااااااااااااااااااااااارب:salam:

مشكورات عزيزاتي على مساندتكم و انا و صديقه ثانيه نحاول دايما ان نوفق لها مع شخص مناسب سواء من معارف ازواجنا او من زميلاتنا في الشغل بس مثل ماقالت الاخت" اسلوبي ذبح غيري" هي حامله سكلر يعني مو اي احد تقدر تاخذه لازم يكون سليم عشان جذي خايفه سالفتها تطول ويفوتها القطار

بعدين الوحده اذا كبرت اكثر و اكثر تضطر انها تقبل بأي عرض حتى لو ماكان مناسب :(

الله يكون في عونها انا مثلا عمري 25 سنة للحين ماانخطبت صح آنا وايد يتقدمون لي ويطلبوني بس مايصير نصيب يعني ام عندهم شروط او لأسباب مثل ماذكرتوها المرض الله يشافي الجميع وصديقاتي كلهم تزوجوا وانخطبوا ولين اشوفهم انا ما اكذب عليكم اتحسر ألم ودائما احط في خاطري ليش انا مو مثلهم بعدين انسى اقول اكيد الله بعيوضني بخير ولا يأثر فيني هالشيء والله ماعندي فكرة عن تيلفونات الخطابة بس راح اسأل لج ناس غيري وان شا ءالله الله يوفق بين راسين بالحلال ولا يهمج انا لين سمعت احد طيب وابن حلال ومعروف بأخلاقه ان شا ءالله راح اتواصل وياج واكيد مابدز إلا اذا كنت متأكدة منهم ومن خلقهم والله يسهل على الجميع يارب ودعواتكم

وعليه صديقاتي والله اكسرو خاطري عندي جم وحده ما عرسو للحين واقول معليه للحين القطار ما فات مع ان عمرهم 28 اشلون تقولين صديقتج عمرها 25 ما عرست ترى حالها احسن من غيرها والحمد لله

حبيبتي انا اقول تركي الموضوع لانك لو جريت جري الوحوش غير رزقك ما تحوش وخصوصا في الزواج

وبعدين اذا كانت صديقاتج تعاني انت راح تحرجينها وتجرحينها اكثر باللي تسوينه

ثم ان هي عمرها 24 وتقولين كبيرة معقولة؟؟؟؟؟؟؟؟؟