طلبتكم قولوا تم

:sad:

ولا وحده

انا من كم يوم رايحة عرس
وكانت زفه العروس عباره عن مقدمة من ديجى وبعدها الطقاقه مسكت المايك ومسكت يد العروس لما قربت العروس من الستيج وصارت تقول لها شعر بطريقه روووووووووعه صوت هادى وناعم وكانت كأنها تمثل وعيونها على العروس وتتعامل معها كأنها قطعه فنيه

لي عوده قريبه انشاءالله..وبفكره حلوه يمكن تعجبك..بس بجيبها لك بالضبط وماودي أخربط لك ألحين

انا حضرت عرس . شهر 11 .. كانو مسوين حركة السندريلا ..

اول ما طفو الاضواء ..

كانو حاطين اضاءة مركزة .. على المدخل ..


ودخلو بنتين وحدة عمرها 12 والثانية .. عمرها ..8 تقريبا ..

وملبسينهم لبس عسكري تقريبا نفس قبل .. ابيض .. على اوسمة على المخبا مال الصدر .. وخيوط ذهبية ..
يشبه لبس البحرية .. مال القبطان مال عدنان ولينا ..<<<<<<<<<هههه خوش تشبيه ..

المهم دخلو البنتين .. ومعاهم .. رسالة طويلة .. وبنفس طريقة ..يااهل المدينة .. الغايب يعلم الحاضر ..

بان الملك .. يطلب من يناسبها .. هذا الحذاء ستكون زوجة له .. واميرة .. بالمستقبل ..

او شي من هالكلام .. على حسب اللي تحبينه ..

ويجونها .. البنات ..خوات العروس .. وكلهم يقايسونهم .. وكلهم كل وحدة ترجع . وتهز راسها انه ما جا قياسها ..

وبس يفتح الباب .. وتدخل العروس .. وازعم .. اه يقايسون لها البنتين .

وطلع قياسها ..

وبس يعلنون بالمايك .. انه هذي اميرة المستقبل ..

وتشتغل ... اغنية الزفة ما اذكر وش هي ؟؟

وبس

اتمنى تعجبج ..

انا احب الزفات التقليديه اللي غنيه او شعر وتمشي العروس تقعد على الكرسي بس اهم شئ تكون مبتسمه مو مكشره

ما احب العرايس المكشرات اللي تخلي اللي يشوفها يفكر انها مجبوره على العرس


هي الصراحه ما تنلام الموقف مرعب بس بعد تضغط على نفسها وتبتسم حتى لو مب من الخاطر


وبس تحياتي

جونه

تسلمين ع المشاركه والله فرحة بردج

الدانه
يالله شدي الهمه انتظر ردج

مشتاقه لقطر
الله يخليج والله فكرتج فنانه وخليتيني اعيش الجو بتعبيرج تسلمين الغاليه

مس جامعيه
مشكوره الغاليه ع مرورج بس انا بعد اقولج اصلن الموقف يخوف وعقبال مانشوفج عروس

ويالله الباقي وين الردود

حبيبتي شورايج زفة تكون على عربة فيها خيول لكن الخيول ماتكون حقيقية مع موسيقى حلوه ويكون العرس كله عباره عن حركات بالخيول من حيث صهيل الخيل للموسيقى والطاولات يعني انتي وفنج
وطبعا انتي تكونين يالسه بالعربه ويجرون العربه بنتين يكونون لابسين نفس الشي
وصدقيني انتي تفكرين بتلاقين احلى الافكار
نحن من فتره كان عندنا عرس اخويه والعرس كان كله عباره عن خلية النحل يعني حتى فستان العروس كان على شكل الخليه والالوان كانت ذهبي واصفر خفيف والزفه كانت زفة احلام والجسمي روعه وايد والله واهم شي عزيزتي لاتنسين تحطين البازات اللي على الطاوله ترا هي بعد تحلي العرس ولاتنسين انهم يطلعن بالتصوير يوم يصورونج وانتي تمشين يعني فكري بعرسج من كل النواحي مش بس زفة والسلام

هممممممممممممممممممم بالنسبه لنا ..
كان عندنا عرس .. والعروس .. امممممممممم ..
صح ان زفتها مافيها شي زياده .. بس الكل مدح العرس وظهر من العرس مستانس ..
والكل قال هذا اول عرس جيه حلو نسيره ..
عروستنا يوم حدرت .. طبعاً كالعاده القاعه كلها ظلام .. والنور مركز ع مكان دخولها ..
حدرت العرس وهيه الابتسامه مافارجت ويهها .. والكل يقولها ضحكتج وايد حلوه ..
الحلو في الموضوع ان زفتها كانت عباره عن شله .. لاحدى الشعرا المعروفين .. (بدون ذكر اسامي ) .. و اغلبية المحلات الحين يسوون اشعار وشلات ..
فالقاعه كانت كلها هدوء .. وهيه حدرت ع الشله .. والله يان كلنا شعر ينبنا وقف ..
بس ماشاءالله عليها كانت رهيبه .. كانت حاطه ميك اب خفيف لان هيه جميله ماشاءالله عليها .. والكل تخبل عليها .. و تخيلي لين اليوم يذكرون عرسها ..

المهم كانت تمشي اروحها بالمره محد قرب صوبها .. لين وصلت جريب الدري ووقفت .. و 3 من خواتها .. وقفن حذالها .. وتمن يفرن البيزات عليها .. فشكلها كان حلو .. هيه مبتسمه و البيزات تتناثر من يدامها .. وعقب ركبت فوق .. وخلصت الشله .. وكانت موسيقى وايد حلوه .. مادري اذا حصلتها بطرشلج ياها تسمعينها ..

صح انه كان شي بسيط .. بس كان راقي ..

وبس ..!! لوووول ..

السموحه طولت ^_^

حلووووووه الزفه اختي الامارات

كل شيء بسيط وناعم يكون احلى

شوق الحمايم :-
ابصراحه زفة الخيول فنانه بس اخترنا كل شي وماباجي للعرس الا 3 اسابيع
بس تعال بعد فكرة الخليه وايد حلوه سبحان اللهشي موليه مايي ع البال ومشكوره يالغاليه ع طلتج الحلوه


الامارات:-
اصدقين اول مره اعرف انه ف زفه وتكون شله بس صدق شكلها طلعت روعه بس قوليلي بكم كلفج وشو كان يقول ف الشله يعني كلماته واشكرج ع الاقل باخذ افكار

ونوووسه:-
مشكوره ع مرورج

ويزاكم الله خير

واللي عنده افكار مايبخل علينا وبتكون كمرجع للى يبي يسوي زفه حلوه