من عندها خبرة .. بنتى ؟؟؟

الله يشفيلك ياها يااارب ويخليلك ياها ان شالله

حبيبتي العملية ان شالله بسيطة بس اكيد في ألام والله يصبرك وخصوصي انها صغيرة بس لا تخافي

كتيير بنات عملوها ماشالله قريبتي عملت لبناتها الاتنين وهما صغار كتيير وما شالله اسبوع ولا كانهم فيهم شي

بس صارت تخليهم ياكلو ويشربو كتييير اشياء باردة مشان عملية لوزهم

وماعليهم شر ان شالله واعتقد انو بيجلسوا يومين بالمشفى او 3

والله يخليلك ياهم يااارب

الله يشافيها ويعافيها يا رب، عملية اللوز بسيطة لا تحاتين، بس ما قلتي لنا كم عمرها؟

عمرها الله يحفظها 3 سنوات ونص وهي على طول مريضة صار لها سنتين وقررت ان اعمل لها العملية بس انشاءالله يرخصونها بنفس اليوم لأن عندى بيبي صغير الله يحفظه بالبيت وانا تونى صار اسبوع من داومت الحالة صعبة علي كثير ..... وما عندى خلاص اجازات....... اتمنى بس ما تتألم ...

لا تفكري في الدوام خيو الحين، فكري فيها وما اعتقد انهم يمانعون اذا صار لج وياهم مدة. الله يقومها بالسلامة ويردها لج ويردج للبيبي

ماعليم الا السلامه ان شاء الله ..

الله يشافيها ويشافي مرضانا ومرضى المؤمنين والمؤمنات اجمعين ..

تحياتي

اتمنى والله ان هالأيام تعدي على خير وبنتى مسكينة ما تتعب وتتألم انا قلبي ضعيف اشوفها كذا ما انام الليل ، والدوام ما اقدر الا اذا آخذ يوم واحد فقط لكن ما اقدر اكثر لأن تونى مداومة بعد اجازة وضع وصعب علي الخروج...... الله يسهل انشاءالله ...

هلا الغاليه ماعليها شر انشالله..
والله يهون عليج العمليه بسيطه لاتشيلين هم حبيبتي..
طمنيناا عليهاا..

الله يطمنك عليها اختي ام محمد .. لا تحاتين
عملية اللوز بسيطة جدا للصغار عكس الكبار اما بالنسبة لعملية تبديل طبلة الاذن ما عندي خلفية عنها

لو كانت بتقعد كم يوم في المستشفى انصحك تجهزين لها شوية قصص ودفاتر تلوين بشخصياتها المفضلة عشان ما تطفش من جلسة المستشفى
واكيد في المستشفى في قسم الاطفال غرفة للالعاب شوفي الطبيب اذا يسمح لك توديها تلعب شوي
وفاجأيها بهدية هي طالبتها منك او اي شي يناسب عمرها

اهم شي اهتمي بأكلها وكله يكون سائل واكيد الطبيب بيقول لك هالملاحظة .. اكثر من طفل في العائلة سووا اللوز وانبسطوا على الجلو والعصيرات اللي عطوهم اياها في المستشفى

ما تشوف شر وامانة تطمنينا عليها

أهلا الغالية نودو،، أخيرا رجعتي لنا...

لا تحاتين ولا شي،، عملية الوز سهلة بالمرة حق الأطفال، إن شاء الله نفس اليوم وتطلع،، بس أهتمي تعطينها الماء البارد والمثلجات يكون يلتئم الجرح بسرعة،، بخصوص عملية طبلة الأذن ماعندي خلفية بس يارب البنات يساعدوك..

متى موعد العملية؟؟؟