عرايس الكويت بلييييييييييييييز

عرايس الكويت
وين ردودكم
ترى بازعل

أش دعوة وله وحدة تساعدني
صج زعلتوني

انا من السعوديه بس ممكن اجاوبك لان كم مره رحت للكويت

عندك سوق شرق حلو وكبير وفيه مطاعم وسينما

سوق مارينا نفس تقريبا الشرق

مجمع الفنار،الزهره؛ليلى قاليري على شارع واحد

فيه السالميه الشمالي والجنوبي

سوق العربيد سوق شعبي كله جلابيات مثل عديل الروح وغيرهم وخياطين هذا مارحت له بس سمعت

عنه

وفيه مجمع دبوس هذا مارحت له

وفيه مجمع نقره شمالي وجنوبي بس افضل الجنوبي ارخص شوي

واتمنى اكون افدتك انا من السعوديه بس رحت للكويت كم مره

وان شاء لله بنات الكويت يفيدونك

فروحة حلوة:
أش دعوة وله وحدة تساعدني
صج زعلتوني

احرجتيني و الله بس بالعاده البنات دايما يسئلون في قسم المكياج او الأزياء شوفيهم و ان شاء الله بتلقين اللي يفيدك و اذا ما لقيتي دزيلي عالخاص

_ ام حمودي _:
حبوبه ان شاء الله هالاقتباس يساعدج ولو تسوين بحث بكلمة مجمعات الكويت

راح تطلع لج مواضيع كثيره ... وحياج الله بالكويــت :)


---------------------------------------------

إقتباس:
الرسالة الأصلية كتبت بواسطة جـويـل
يا هلا ومرحبا وحياج الله


هذي العناوين منقوله من احدى العضوات الكويتيات جزاها الله خير ... كل شي فيه

اولا .. الاسواق التجارية

1- سوق شرق في منطقه شرق على شارع الخليج
2- مجمع الفنار في السالميه في شارع سالم المبارك اعتقد
3- مجمع البستان .. في نفس العنوان السابق
4- مجمع زهرة .. في نفس العنوان السابق
5- مجمع ليلي جلاري .. في نفس العنوان السابق
6- مجمع شاهه .. فيه بعض محلات ملابس السهرات .. في نفس العنوان السابق
7- لاند مارك .. في نفس العنوان السابق .. وايضا له فرع في الشويخ
8- ماركس اند سبنسر .. نفس العنوان السابق
9- مجمع العثمان في حولي .. شارع العثمان
10- مجمع المهلب في حولي .. شارع بيروت
11- مجمع المثنى .. مقابل فندق المرديان

وفي ايضا مجمعات تجارية (socend class )
1- مجمع الايوب .. حولي شارع العثمان .. جنب بلازا حولي
3- مجمع السندس .. نفس العنوان السابق .. مقابل الايوب
4- مجمع النقرة الشمالي و الجنوبي .. حولي شارع بيروت
5- مجمع الرحاب .. حولي تقاطع شارع بيروت وتونس .. خاص للاضواء و الاكسسوارات المنزلية و الالات الكهربائية .. و العاب الفيديو .
6- كويت ماجك .. ابو حليفه .
7- الحمرا مول .. الفروانيه
8- ميترو .. الفروانيه


في مجمع مادري اصنفه تحت اي بند .. اسمه مجمع عودة المهنا .. انا ما دخلته من قبل .. بس فيه محلات اجهزة كهرباية و محل للفساتين الاعراس .



ثانيا .. مجمعات الماركات العالميه
1- مجمع الصالحية ... في الصالحية .
2- مجمع الثريا ... في السالميه شارع سالم المبارك
3 - مجمع السالميه بلاس ... نفس العنوان السابق .. واهو ايضا فندق وفيه سينما .
4- مجمع بلازا حولي .. في حولي اول شارع العثمان .. فيه بعض المحلات الراقية نسائي..و ملابس رجالي .




ثالثا .. اسواق ومحلات الاقمشة
1- عندنا سوق واحد للاقمشة واسمه سوق الاقمشة او البلوكات .
2- محلات راقية للاقمشه :
أ - الجذور .. موجود في مجمع النقرة الشمالي و في سوق الاقمشة .
ب - الاناقة .. نفس العنوان السابق .



----------------------------------------------


إقتباس:
الرسالة الأصلية كتبت بواسطة *سراب الليل*
السلام عليكم ورحمة الله وبركاته

حياج الله اختي بين اهلج واحبابج
بالنسبه للاماكن التسوق
نبدي بوحده وحده

(( السالميه ))
عندج الفنار المارينا مول البستان لاند مارك حاليا اسمه سنتر بوينت
الزهره ليلى جالري توب شوب الوطنيه ويكون على شارع كله مجمعات ومحلات
وفي السالميه بالنسبه للترفيه شوبيز
وبعد سوق السالميه ستي سنتر ملابس والعاب
وشارع سالم مبارك على طول الشارع محلات ملابس

(( الفروانيه ))
الحمرا مول العربيد بلازا مجمع الدبوس مبنى مترو مجمع مناور وفي بعد مجمع العربيد للخياطه كله دراريع
في قرية طفل المستقبل للترفيه


(( ابو حليفه ))
بس فيه كويت ماجيك بس يسوى تروحيله لان الطابق السفلي محلات من ملابس واحذيه وساعات والطابق الثاني نصه العاب ترفيهه وفي قسم خارجي ترفيهي اسمه ماجيك لاند
وفي شارع كله مطاعم معروف

(( الفحيحيل ))
هاذا عاد اذا دخلتي له ماراح تخلصين منه
لان فيه مجمع الدبوس ومجمع العنود ومجمع اجيال وراح تشوفين انه المنطقه كلها محلات واسواق شعبيه حلوه
وبعيد عنهم شويه في مجمع الكوت هاذا جديد في ماركات من الدو ميلانو وبعد زارا واوسس وكمايو وبرومود والطابق الثاني نصه العاب ترفيهيه

(( الكويت الديره ))
اسواق شعبيه وسوق الذهب وبعد البلوكات للاقمشه

(( الصالحيه ))
جميع الماركات موجوده في مجمع الصالحيه

(( الشويخ ))
فيلا مودا هاذا بعد ماركات


ان شاء الله افدتج اختي
وان شاء الله تقضين اجازه سعيده في ربوعنااا



--------------------------------------------------------------------------

ان شاء الله يساعدج هالاقتباس من ردود خواتي العضوات جويـــل & سراب الليل

ولو تبين احط لج روابط المواضيع اللي عن مجمعات الكويت لايردج لسانج :)

-------------------

البنات كفو وفوا

اتمنى يكونون افادوووج ..

ماعندي اضافه على كلام خواتي ..

بس اذا تبين اي شي لاتترددين ..

يا هلا ومرحبا فيج اختي بالكويت

انا عندي اشرطة دورة مكياج

وسكر تقديم بتغليف مميز