جددي حياتك وغرفة نومك....

السلام عليكم يابنات
أنا حبيت أبدا مشاركاتي بهذي الفكرة وأنا جربتها وأعجبت زوجي وحبيت أشارككم أفكاري
وأتمنى تعجبكم
طبعا الفكرة تعتمد على التجديد البحت التام
طبعا شوفو شسويت
زوجي كان مشغول مرررة وماكان يجي البيت إلا بالليل عند الفجر..خبركم بحوسة العطلة والإستراحات وجمعات الرجاجيل عشان كاس العالم..
ففكرت ليه ما أكسر الروتين بفكرة بسيطه جدا..
نبدأ شرح الفكرة:
تحتاجين أختي إلى التالي؛
1-‏ غرفه فاضية بالبيت أو بإمكانك تفضين غرفة النساء(والفكرة هنا تقتضي أن تبتعدي عن روتين غرفة نومك وخصوصا إذا كنت متزوجة منذ ثلاث سنين مثلي : ) ولم تسافري مؤخرا لذا سيحتاج زوجك وكذلك أنت إلى الخروج عن المألوف لبرهة من أجل التجديد)
2-‏ مراتب نوم خفيفه الحمل عشان ماتتعبك
3-‏ مفرش نوم جديد وإذا مافية طلعي مفرش زواجك وخذيه عند المغسلة ثم إستخدميه
4-‏ قميص نوم جديد
5-‏ عطور وشموع معطرة
6-‏ الشموع الدائرية الصغيرة وكلكم أكيد تعرفونها تجي بيضاء وقصيرة ومغلفة بمعدن خفيف(تحصلوها عند أبوريالين)
7-‏ ورد طبيعي أو النباتات المجففة ذات الرائحة الزكية إختاري الوان مختلفه(تجديها عند جرير أزكى رائحة أو أبوريالين أرخص لك)
8-‏ جليتر طبعا مو تبع الميك أب لا، أقصد الجليتر اللي نسميه حب السكر او الزري(أبو ريالين) خذي ذهبي وفضي أو أي لون تحبين
9-‏ بالونات ملونة

بعد الإستعداد يأتي وقت الإعداد:
‏*‏ ضعي المراتب على الأرض في الغرفة الفاضية وإفرشي المفرش عليها وبخري الفراش وعطرية
‏*‏ خذى ابجورة ومبخره وعلبه مناديل شكلها حلو ومزخرف ومراية لها قاعدة وعلاقه ملابس وطاوله صغيرة(إذا كان هذا كله عندك بالغرفه إنقليه للغرفه الجديده بس غيري فيه شوي وزخرفيه أو اربطي عليه ورد أو شراايط اللي تحبين)
‏*‏ فوق الطاوله الصغيرة صفي المبخرة وعلبه المناديل والمراية وحطي الابجورة جنب الفراش والعلاقه جنب الباب او أي مكان(أنا جبت الاريكه اللي بغرفتي وحطيتها تحت الستاره وفرشت تحتها سجادة صغيرة وصفيت فوقها بيجامة زوجي وملابس داخلية نظيفه عشان يغير فيها وعطرتها وبخرتها)
‏*‏ إغسلي الأرواب والفوط وأكويها وأطويها وحطيها على المفرش جنب بعض ومعها فوط صغيره ملونة
‏*‏ وزعي الشموع المعطرة حول الفراش وكذلك البلونات والورود الطبيعية
‏*‏ وزعي الشموع الدائرية في أرجاء الغرفة ورشي الزري حولها بشكل دائري
‏*‏ إرتدي قميصك وصففي شعرك وتعطري وتزيني
‏*‏ إذا قرب زوجك يجي والأفضل إنك ترسلي له رساله وتقولين له إنك تنتظريه على أحر من الجمر(لاتسوي مثلي ماإتصلت عليه ولا جاء الا الفجر يظن إني كنت نايمة) حاولي تحسسينه إنك فعلا مشتاقة له وتنتظرين وصوله، وإذا قرب يجي شغلي الشموع وطفي اللمبات وطبعا الجليتر اللي حول الشموع راح يلمع ويتماوج بالظلمة وشكله بيصير خطيير.
‏*‏ لوحصل تستخدمين البخاخ اللي فية جليتر (ملمع الشعر اللي يشبه السبراي) على الجدران يكون أحلى لكن لازم تستخدميه قبل بيوم عشان ريحته قوية
‏*‏ إذا جاء زوجك إستقبليه بإبتسامه وكلام حلو وخذي يده للغرفة الجديدة والباقي عليكم
‏*‏ طبعا قبل لايجي لازم تتأكدين إذا كان متعشي أو لا حتى تقدمي له عشا خفيف أو طبق يحبه أو عصيره المفضل...
صدقوني راح يستانس وينبسط وتتغير عليه الدنيا وخصوصا إنه بيحس بمقدار التعب اللي تعبتيه عشان تطلع الغرفه حلوه وجديده وأتمنى تجربوها الفكرة إنشالله ناجحه
وأنتظروا منى المزيد