أنا غريبة.....

لبنانية:
انتي حبيبتي معك حق ومش حسسة حبتين زيادة ولا شي
صارحيه وكلميه وتفقو واللي اولو شرط اخره نور
يمكن يكون عنده نظره او طريقة تفكير خاصة اوحتى اي عذر ليش تتضلي انتي حاصرة براسك وزعلانة
صارحيه تصافو حلو كل المشاكل والقصص والتصرفات يلي بتضايقك وبتضايقو وعيشو مبسوطين

rدلوعة باباتها:
رايي من راي الاخوات حبيبتي


خاصة في هل فترة لازم تصاريحينه في كل كبيره و صغيره ..

لانه عقب يوم تزوجتوا وانتي ليحين شايله و هو مايدري بالي بداخلج .. راح يشووف كل ردة فعل منج مبالغ فيها ....

صارحييه الحين ولا تخلييين في خاطرج شي .. بالعكس حاولي قد ماتقدرين تفهمين منه و يفهم منج و تخلين الامور اوضح بينكم .. خلصة في هل مواقف ماينفع الكتمان ولا المجاملة هذي مسئلة حياة مستقبليه ... و لازم تعودينه انج تبين تكونين اقرب انسانة بالنسبة له و تعرفين عنه كل شي و هو نفس الشي .. لازم من الحين توضحين طريقة علاقتكم شلون بتصيييير لانه الملكة حبيبتي و الخطبة فترة تعارف و تجربة ... و المفروووض تعودينه عليج و يعودج عليه فلازم تصارحينه و تقوليلنه عن الي بداخلج ... كيف انه مايححسج بقربه لج وانج متفهمه ظروفه بس بعد ودج يعطييج اعتبارج و تكونين بالصورة عن اوضاعه و يكون بالصورة عن اوضاعج حالج حال اي متزوجة تعرف اخبار زوجها و تكلمه و تطمن عليه


صارحييه حبيبتي و انشالله يفهم الي بقلبج و تتفاهمووون


طمنينا عليييج الغاليه و تمنياتي لج بحياة موفقه و مستقره

العنيدة80:

حبيبتي أحلـــى أيــام العمر الملجة فلا تضييعينها ..
فأكثر الدلع والرومانسية والكلام الحلو فيها ،، وفيها تتعرفين على زوج المستقبل ..ومن خلالها ،، فلا تضيعينها ، كلميه وصارحيه
فهذه الأيام ما تتعوض أبداً وبعد الزواج لما تشوفين حد يكلم زوجه وهو مالك بتقولين ليش وأنا ما سويت جذيه وبتلومينه بعدين...بس شو الفايدة
نصيحة كوني صريحة فالحق في صفك انتي ، وهذا أحد الاساسيات في أيام الملجة الجميلة..
وأنتي أقرب الناس لديه ولازم انتي تعرفين أخباره اول بأول قبل أي حد..

مجنونة زماني:
السلام عليكم و رحمه الله

اول شي اذكري الله و استهدي

ثاني شي كل ريال يختلف عن الثاني مب كل شي يلمع ذهب .. و ياما ناس كانت ايام الملجه تعيسه بس في العرس ولا اروع و ناس العكس ..

نبدأ في الجد ... الريال يوم يبغا شي يقول بصراحه .. يعني يوم مشيتج ما تعجبني لبسج مب عاجبني لو سمحتي احترمي اهلي .. الريال يصارح

بس الحرمه تقعد تقول ما يكلمني ما يسويلي ما يهديني ما يقولي كلمه حلوة ... الحرمه تنتظر من الريال بدون ما تطلب ..

الحينه نرجع للنقطه الاهم ... كل زوج يبني امال و احلام و يقعد ينتظر .. و يوم ما يصير اللي في باله بالصورة اللي رسمها تنهار كل دنيا في عيونه ... مع ان الموضوع سخيف في عيون ناس تعاني من امور اكبر ..


الحل ؟؟؟ اسألي نفسج انتي شو تبغين ؟؟؟ و كوني صريحه مع نفسج
و اعرفي ان ما في شي يمتلك اللي يتمناه 100 %
يعني من اللي بتكتبينه و تقولين اباه بيتحقق نصه اذا كنتي ذكيه عاطفيا .. و اكثر من النص اذا كان عندج اسلوب و رغبه و صبر و قناعه ...


اول شي فهميه انج تحبين تكلمينه دايما و احيانا عليج انتي المبادرة ...
ثاني شي انج تحبين تسمعين اخباره منه .. مب من الناس ..
ثالث شي قعدي قوليله اخبارج لان الريال يتعود مع المرأة .. و الكلمه الحلوة تولد كلمه ثانيه ..


و اسمحيلي على التقصير .. و ربي يوفقج

malaak:

[grade="2E8B57 FFA500 2E8B57 FFA500 2E8B57"]السلام عليكم ورحمة الله وبركاته

الله يألف بين قلوبكم يا رب

ما شاء الله الأخوات ما قصورا

وفعلا افضل حل المصارحة واحكيلها الي بداخلك قوليليه ها البعد يعودني على غيابك ويحسسني انك لو اقتربت مني أو ابتعدت سواسية على قلبي

بس لا تبيني له انك جدا متضايقة من الموضوع وتنكدي عليه كلميه بإسلوب حلو

يمكن هو حاط بباله انك تتضايقي إذا كثر إتصالاته

وإذا إتصل قوليله كل اشتقتلك حبيبي وايد ليش تأخرت بالاتصال

وإذا ما اتصل إرسلي له مسجات شوق

ولما يجي عندكم خذي له هدية تذكره فيك على طول مثل ساعه عطر ميدالية مفاتيح ها الامور الي راح يستخدمها على طول

أحلى فترة فترة الملكة لا تتركوا ها الايام تضيع منكم من غير ما تعيشوا اللحظات الحلوة فيها

وصدقيني بعض الرجال مو كثير بهتموا بها الامور فنبهيه[/grade]

2paradise:
حياك الله اختي..استعيذي بالله من الشيطان الرجيم اولا
ثانيا شيلي من قاموسك حاجة اسمها فلان وفلانة عملو..فلان وفلانة سوو..كل واااااحد ليه طبيعة مختلفة تماما عن الاخر..وكل واحد ليه طريقة في التعامل مع الناس..فمثلا انا اعامل امي وابوي غير اخوي غير اختي غير صديقتي وهكذا..
مش معنى ان خطيبك قال حاجة لعمتك ولم يقولها لك انه بيكرهك!
ومثل ما قالت الاخوات الصرااااحة فهي تريح الانسان فعلا وبيحس ان فيه جبل اتشال من على صدره..بس خدي بالك مش معنى الصراحة ان انتم تمسكو في خناق بعض..لأ.. الصراحة مع الكلام الجميل وقبل كل ده الاستعانة بالله لأن والله يا اختي لو مفيش استعانة بالله انسي ان مشاكلك تتحل حتى لو عملتي ايه..وربنا يوفقك ويسعدك انت وزوجك

نوووسه:
بس ابد لا تقعدين تقارنين بينج وبين غيرج

لانه المقارنه تتعب الشخص نفسيااا

وليس كل الرجال متشابهين

واختاري يوم تطرشين حقه مسج تكتبين شو فالخاطرج

ويوم بيتصل تناقشوا بهدوء وروية عن الاشياء اللي تضايقج وكيف انج ماتعرفين عنه شيء الا من الناس
وهالشيء يحسسج انج غريبه

وفقكم الله وباارك لكما في حياتكما

RoOoOmy:
البنات ما قصروا

الصراحة هي اللي راح تريحك .. انتي اطلبي منه يجي اجازة في اقرب فرصة اذا كنتي تحسين ان كلام التلفون ماراح يفيدك
واشرحي له عن كل شي مضايقك

بالتوفيق