قصة ولادتي

الله يسلمكم يا بنات كان عندي موعدين للولاده وطبعا كل يوم يعدي كانت نفسيتي تصير زفت
بس طوفتهم اثنينهم<<<< شاااطرة:angry:
وطوفت الموعد الثاني بستة ايام ولما جا تاريخ 17/5/2006
كان عندي دوام في الجامعه قعدت من الصبح ورحت الجامعه عادي ومن نزلت من السيارة حسيت بالثقل نازل واااجد بس واصلت المشي وحضرت اول محاضرة الي جاني فيها الالم على خفيق الين حضرت ثالث محاضرة انتظم الطلق عليي كل 5 خمس دقايق واني اقول بتصبر شوي ما امبي ارجع من الحين <<<<<عن يا زعم شجاعه:shy:
الين جت الساعه وحده ما قدرت اقعد اكثر قلت الى بنت عمي اني تعبانه وطيران على البيت رحت وجهزت اغراضي وسبحت لين وصلت الساعه 5 العصر قلت خلاص بنفجر بروح المستشفى ولما رحت فحصت عليي الممرضه قالت الى الممرضة الهنديه شاااااااترة الرحم مفتوح 5 سنتي عاد اني هديك الحزة حمدت ربي اني ما واصلت دوامي في الجامعه الى العصر والله جان ما قدرت امشي بعد خلاص
المهم يوم سمعت اني انفتحت خمسه ارتحت شوي قلت ما باقي شي ومباشرة دخلوني غرفة الولاده وبدت الفحوصات والسيلان حطوا وشوي تخدرت الين صرت ما اوتعي كلش الا مع كل طلقه كنت اقعد يعني تخيلوا بنات الطلقه انتظم عليي كل دقيقه وترك واني مو قادرة اقعد بس افتح عيوني اقول أأأأأه واهز في حديدة السرير وارد اغط في النوم واحلم اليي جم حلمه وارد اصحه على الالم لين جت الساعه 11 بالليل ومع اني ما احس ان الالم زاد بس شفت الدكتورة جاي وعنده عدتها وشقت الييي وقعدوا يصرخون ادفعي ادفعي واني مو قادرة ادفع لاني توني صاحيه من النوم بس من سمعتهم يقولون ليي خلاص البيبي تعب بديت اشد على روحي لين ما طلع الراااااااااس وشرفت بنتي زنوبه القمر وطبعا ما انسى الدكتورة لما جت ودخلت حديده وش طولها ما ادلري ليش

المهم الولاده تجربه ولا في الخيال على الرغم من مشقتها بس ذكرى حلوى