الكحل وماركات المستحضرات

خيتو انا جربت وايد ماركات ,, لانكوم ايف سان لوران وماك وكلها ما عجبتني
اللي صدق عجبني كحل مكياجي سوااااده رهيييب

انا عادي عندي استخدم الكحل العادي او الرخيص كله نفس الشي

لاني قبل احط الكحل امرر الولاعه عليه ويصير يمشي معاي عدل

وبعدها اطبطب عليه بالشدو الاسود عشان يثبت

هالحركه دايم اسويها وتطلع عيوني مكحله حيل و رووووعه :)

واكثر شي استخدم قلم كحل سمايلنغ وكل من شاف عيوني يقول شنو هالكحل الخطير

وهو اصلا كحل عادي اشتريه من الهنود :)

ماااااك احسن شي.... استخجمت كل الانواع بس كحل ماك كلن يسألني عنه
الكحل الكريمي (اللي بالريشه)
وقلم الكحل الاسود... بس الملونه مااستخدمتها
واذا تبين كحل سايل جربت كحل بورجوا ووااااايد عجبني

[move=left]الصرااحه كحل مااااااك وماركس وسبنسر ما بعد سوادهم كحل وما يسيحن [/move]

كحل سيسلي استخدموه وماراح تندمون

بنات على طاري الكحل ؟ ماعندكم فكره وين ممكن القى الايلاينر الملون اللي فيه لمعه يعني قلتر ووش هي افضل ماركه منه انا اشوفه كثير على بنات مررررررره يجنن في المناسبات ينحط في الجفن السفلي بعد منتب الرموش السفلى بشوي الوانه ذهبي وشي فضي بلمعه وشي تركواز بقلتر فضي رائع ماعندكم فكره تكفوووووون افيدوني

كحل ماك الكريمي احلى شي

الصراحه انا استخدم كحل ماك الكريمي اللي بالريشه وايد حلو ...

وكحل قلم لداخل العين ماركة سفنتين حلو اسود ومايدمع العين ....


بس عندي سؤال :

اي نوع ماسكارا تستخدمون بالنسبه للون الاسود والشفاف ؟؟؟؟؟؟؟؟

عندج مااك ولانكوووم وايف سان لوران :)

وواييد بعد

كحل ماك وكريولاين

ليش ؟؟؟

ليش محد رد علي عن انواع الماسكارا الشفافه واللي بالون الاسود ؟؟؟؟

أحلى بنووووته:
ليش ؟؟؟

ليش محد رد علي عن انواع الماسكارا الشفافه واللي بالون الاسود ؟؟؟؟

الغالية بالنسبة للون الاسود انا احب ايف سان لوران لانها اطول و اتكثف الرموش و بعد ماكس فاكتور و لوريال.... و ربيعتي داااايم تمدح لي ماسكارات لانكوم خاصة النوع اليديد اللي توه نازل شكله غريب شويه مافيه ريشه

و ان شاء الله البقية يفيدونا أكثر(f)

كحل ماك الكريمي شلووون تستخدمونه

بالنسبه للكحل الكريمي الاسود او الألوان :: ماك

الآيلانر :: الاسود و البني من بدي شوب ..

اقلام الكحل :: بنيفت لكن مو اي نوع من بنيفت لا ،، اللي اقصده اسمه
Sketching Pencils Eyes
وبعد عندج ريفلون القلم ،، وكحل ماك القلم..
هذا بالنسبه للأسود

اما اقلام الكحل الملونه :: تلقين درجات حلوه وثابته عند ماك

SaNdRa2002:
بنات على طاري الكحل ؟ ماعندكم فكره وين ممكن القى الايلاينر الملون اللي فيه لمعه يعني قلتر ووش هي افضل ماركه منه انا اشوفه كثير على بنات مررررررره يجنن في المناسبات ينحط في الجفن السفلي بعد منتب الرموش السفلى بشوي الوانه ذهبي وشي فضي بلمعه وشي تركواز بقلتر فضي رائع ماعندكم فكره تكفوووووون افيدوني

الآيلانر الملون الحين ماك منزلين درجات وايد حلوه منه ،، لحقي عليه

اما الآيلاينر بالجليتر ،، خذت واحد فيه جليتر ذهبي يجنن ماركته NYX هالماركه الاجانب وايد يحبونها ،، واسعارها حلوه وايد .. عندهم الوان ثانيه بعد ..
ممكن تحصلين هالماركه في لايف ستايل

أحلى بنووووته:
الصراحه انا استخدم كحل ماك الكريمي اللي بالريشه وايد حلو ...

وكحل قلم لداخل العين ماركة سفنتين حلو اسود ومايدمع العين ....


بس عندي سؤال :

اي نوع ماسكارا تستخدمون بالنسبه للون الاسود والشفاف ؟؟؟؟؟؟؟؟

الماسكارا باللون الاسود ،، مالج الا ايف سان لوران

على كثر الانواع اللي جربتها ما ارتحت الا لها ..

كل شي تتمنينه في ماسكارا ،، تحصلينه فيها

أم سعوود:
كحل ماك الكريمي شلووون تستخدمونه

كحل ماك الكريمي

اذا تبينه لداخل العين ،، او لرسم العين من تحت وفوق بخط رفيع وناعم

استخدميه بفرشاة الآيلانر الرفيعه

مثل هذي


واذا تبين توزعينه كقاعده قبل الشادو على الجفن ،، او تبينه لتحت العين لكن يكون الخط عريض

هذي الفرشاه فنانه لهذا الغرض ..



عموماً الكحل الكريمي يكفي تاخذين منه كميه صغيره براس الفرشاه ،، يعني شوي بس وبتشوفينه يتوزع ويندمج معاج ولا احلى

تسلمين اختي مارشميلوس على الرد لان بصراحه الايلاينر اللي فيه قلتر مرررررررررره حلو في العين خصوصاً لما تحطيه بس من تحت على الجفون السفلى ومن فوق تكتفين بشادو غامق سموكي بلون واحد او لونين متقاربه وتحت يكون الالينر بالقلتر الذهبي بس بصراحه اول مره اسمع عن الماركه اللي قلتي عليها NYX بشوف اذا هي عند لايف ستايل اللي عندنا ومررررره ثانيه تسلمين على الرد يالغاليه