شسوي مع أخوي وليش مايبي يتزوج !!

السلام عليكم ورحمة الله وبركاته

الغالية ها الموضوع شخصي فيه ولو هو له رغبة والاستعداد للزواج كان أكيد قالكم بنيته

بس هو مو حاب يتزوج الحين فلا تضايقوه

البنت لو رفضت العرسان ووصلت لها العمر ممكن نخاف عليها

بس دام انه شاب وهو رافض الموضوع لحاله يعني مو انتو السبب فخلاص

وها الفترة صار أغلب الشباب يتزوجوا بها العمر وأكبر

تعرفي صاحبتي اخوها نفس الموقف كان حاب يتزوج من وحده معروفة عندنا بالادب والاخلاق والاصل وكل شي ما شاء الله بس لما تقدم لاهلها رفضوه لأنه من منطقة بعيده جدا عنهم يعني كانهم ببلدين مختلفين

وما شاء الله البنت تزوجت والولد للحين ما تزوج وعمره حوالي 35 وهو رافض تمام فكرة الزواج وكل اخوانه الاكبر منه والاصغر ما شاء الله تزوجوا حتى الي عمره 24

يعني لا تخافي اذا اخوانك الي أصغر منه تزوجوا بيتزوجوا وما بيأثر وضعه فيهم

والله يوفقه يا رب وتفرحي فيه قريب ان شاء الله :)