بنات البحرين ضروري

شدعوه محد يرد :(

هلا حبيبتي

بالنسبه حق فساتين عندج السعفة /رومان ديزاين/احلى الوصايف بـشارع بوكواره في الرفاع كل شي عندهم والعبايات نفس الشي هناك

خذي لج فره عندهم وانشالله تلقين الي تبينه

تحياتي لج

بنات بس وحده وينكم ؟

عيون المها هلا وغلا وحياج الله في كل وقت
غير المحلات الي ذكرتهم اختي بسمة البحرين هناك محلات حق فساتين العرايس

وهم فرشة العرايس ومليكان وفيه ايضا محلات جنبهم ومحلات الاولى في المحرق
اما عبايات اذا كنتين تقصديدن الجلابيات فيه محلات وايد في المجمعات وفي مجمع الولو محلات الغريب
وايضا فيه محلات في سوق المنامه والمحرق الشعبيه وتحصلين عندهم خامات روعه اذا تبغين تفصليها
اما اذا كنتين تبين العبايه السوده الي نسميها دفه والجلباب فعندش محلات الخواجه ومحلات ال ابراهيم وحلات بو حسن وبو جواد والسعيد وهذي محلات موجود في الاسواق الشعبيه

لاتنسين تمرين تاخذين هديه حق الوالده حلوى بحرينيه
حاليا هذي المحلات الي اتذكرهم واذا اتذكرت غيرهم راح اقول لج
وحياج الله بين هلش

أختي عيون المها أذا كنت تقصدين بالعبايات الجلابيات والدراعات فعندج محلات كثيرة بشارع البوكوارة بالرفاع وفي محلات بالمحرق بعد مثل باندا ومحلات مهاي للجلابيات والبنجابي عندهم دراعات روعة واسعارهم احلى، اما اذا كنت تقصدين العبايات السودة فعندنه محلات وايدة بعد مثل محلات شيلاتي وحناين وسديم ودانيا عندهم دفيف ستايل وحلوة.