قصة ولادة بنتي ريـ:)ـــم

بسم الله الرحمن الرحيم

السلام عليكم و رحمة الله و بركاته :)

إحم إحم اليوم بحطلكم قصة ولادتي اللي هي غريبه شوي ،،،


17 - 6 - 2006

الصبح : انا من يوم دخلت بشهري ما أخلي ريلي يسير الدوام من الزياغ و أقوله لو الحين بربي لو الحين لو عقب شوي لين خليته مسكين يوسوس و ياخذ إجازه :shy:

و الحلو إنه هو تم يتريا وقت الولاده اكثر عني :ok: و بداية هذاك اليوم و انا من الفجر و اتجلب و حالتي على الله و شكلي مووول مب شي << و الله في هذيج الساعه ما كنت افكر بشي إلا متى بولد و بتخلص محنتي (f)

المهم من الفجر لييييييييين العصر و انا موووول حالات مب طبيعيه تيني لين آخر شي قلت خلني اسير المستشفى و اللي فيها فيها ،، سرت المستشفى قالو لي هاي انقباضات عاديه و الرحم ما بلاه شي :sad: و انا صابني إحباط رديت طلعت من المستشفى و المستشفى عاد رحله من بعد مسافته عن البيت و خلاااااااص في طريج الرده انا و ريلي و اخته كنا في السياره و خلاص حسيت بعمري الحين بولد و استوى المغرب علينا و نحن في السياره نبى نرد المستشفى :qaq:

و موووول " عافاكم ربي " ما قدرت اتحرك او انش من مكاني مووووليه و قلت حق ريلي يييبلي ولجير يوم بنوصل و اعصاب الكل متوتره و تونا بنوقف في موقف السيارات جان اتطيح البنت :clap: انولدت بنتي في السياره :gum: !!! هذا أخر شي كنت اتوقعه في حياتي انه بنتي البكر تنولد في السياره و انا انصعقت و اخت ريلي ماسكه البنت و هي يالسه ورا و مستوي بيني و بينها الحبل السري جنه انبوب غاز (r)

و ريلي سييييييييييييييييده نزل من السياره ركض ،، و يو الممرضات و على طوووول غطوا السياره بلحاف ابيض << يا فشيلتنا :shy: و قصوا الحبل السري و كل شي استوى تمام و دخلوني على ولجير و نظفوني من عقب ما كنت في حالة إنصعاق تامه :qaq:

و الحمدلله على كل حال ،، الحين انا و البنوته بخير و ابوها يسميها مايكل شوماخر عشان انولدت بالسياره خخخخخ

و إن شاء الله إذا حملت مره ثانيه من اول شهر بيلس في المستشفى عشان ما امر بالحاله اللي مريت بها :shy:

و هاي قصة ولادتي :)

ناديـن