أحبه كثيراً ،، ولا أشعر بالأمان معه .. ساعدوني

اختي الحبيبة
زوجك هو حبيبك
كان لك معه قصة حب قبل الزواج هل هذا لم يفسح لك فرصة التعرف على هذا الرجل بما فيه الكفاية هل يعقل ذلك

صارحتيه وصارحك ولكن هل سألتيه ما الذي جعله يخرج من بيته وينظر الى الحرام ليستبدله بالحلال
حسب قولك ان هناك مشكلة بالعلاقة الجنسية بينكما وربما كانت من احدى الاسباب التي تؤثر على تلك العلاقة الزوجية بينكما وحتى على ما يقوم به زوجك
هل حاولتما التحدث بصراحة بالموضوع
هل استشرتما طبيبا
اختي حاولي ان تفهمي زوجك وما دمتي الحبيبة الاولى والزوجة ووالدة ابنه المنتظر فبامكانك الوصول الى حل كل تلك الخلافات بالتروي والمسايرة والحديث والمناقشة
تقربي من زوجك اكثر
اشغلي وقت فراغه
لا تهمليه مطلقا ان لعمل او لمذاكرة اجعليه همك واهتمامك الاول
كوني له صديقة قبل ان تكوني زوجة

نصيحه مني ضحي بشلغج عشان زوجج او اخذي اجازه سنويه و قعدي في البيت واهتمي في نفسج واايد و فيه عامليه مثل الطفل و اكسبيه بطريقتج و دايما ذكريه بربه و ان شاء الله بتنحل اموركم و قوليله اذا سويت هالشي الله بيبليك في عيالك و مرتك .........

و ادعي له ان الله يهديه قوليله انا احبك و مابي اشوفك تتعذب يوم القيامه بسبب اخطاءك عشان جذي انا خايفه عليك صارحني اذا انا مقصره معاك ........


اختج
الغاليه 123

الأخت العزيزة (لبنانية)


زوجك هو حبيبك:
هو حبيبي وروحي .. مو بس زوجي والله يعلم حبي له وحبي لاسرتي الصغيرة
===============================================================
كان لك معه قصة حب قبل الزواج هل هذا لم يفسح لك فرصة التعرف على هذا الرجل بما فيه الكفاية هل يعقل ذلك:
تعرفت عليه وصدقني ان رغم السلبيات اللي فيه واللي ركزت عليها في موضوعي فيه إيجابيات وتصرفات حلوة ومقتنعة فيها ،، عرفته لمدة سنة قبل الزواج وفعلاً يبين انه يموت فيني وبعد الزواج كذلك ،، بس بالنسبة للاشياء اللي طرحتها كانت بعيدة عن البال ،، ومسألة الخيانة هذا موضوع حديث وموضوع الفلوس طبعاً كان كريم بس ممكن يكون الراتب قليل وهو من يشوف الراتب يصير مثل المجنون هات ياصرف ووقت اللي ينزل الراتب ماعنده مانع لو يعطيني راتبه كلها بس بعدين لما يفلس يصير بخيل
====================================================================
صارحتيه وصارحك ولكن هل سألتيه ما الذي جعله يخرج من بيته وينظر الى الحرام ليستبدله بالحلال:
كلمته واخبرني بأنه خلاص خلاص ويقفل الموضوع وتصير مشكلة بسبب شكي وتدقيقي على كل شيء
===================================================================
حسب قولك ان هناك مشكلة بالعلاقة الجنسية بينكما وربما كانت من احدى الاسباب التي تؤثر على تلك العلاقة الزوجية بينكما وحتى على ما يقوم به زوجك
هل حاولتما التحدث بصراحة بالموضوع
هل استشرتما طبيبا :
تكلمت معاه وحسسته باني راضية فيه ومستمعه معاه ،، واسوي حركات له ،، بس ممكن لاني متأكده ان في نقص في الموضوع ،، فيلجأ للي برع عشان يحس برجولته أكثر ،، والله اعلم
=======================================================================
اختي حاولي ان تفهمي زوجك وما دمتي الحبيبة الاولى والزوجة ووالدة ابنه المنتظر فبامكانك الوصول الى حل كل تلك الخلافات بالتروي والمسايرة والحديث والمناقشة
تقربي من زوجك اكثر
اشغلي وقت فراغه
لا تهمليه مطلقا ان لعمل او لمذاكرة اجعليه همك واهتمامك الاول
كوني له صديقة قبل ان تكوني زوجة

حاولت اني أكون صديقته بس يقفل كل الأبواب ومع كثرة اسراره وخروجه بديت امل ،، يمكن ادرس واشتغل برضاه ،، وصدقيني ان مسألة العمل سألته هل اتركه ،، قال لي ما تشوفين حالنا رغم ماله رغبة في عملي بس حاجاتنا اهي اللي تفرض هالشيء ،، ومسألة الدراسة جاءت فرصة واخذت موافقته عليها وصدقيني مرتبه جدولي على اساس ارجع بأسرع ما يمكن البيت واوقات اقلل حتى من عدد المواد عشان ابقى معاه ... اتقرب منه اكثر وااهوه مل من تقربي ،، بنظره اني لاصقه فيه ،،، اعرف ان يحبني بس حبه مختلف عن السابق وعارفه اني ابنه بالدنيا رغم انه لازال في بطني بس ليش يسوي كل هذا الله وأعلم

لكني تأكدي اني دايما معاه ودايما اسعى حق حلول رغم نفسيتي التعبانه جداً جداً جداً.


واشكرج على ردج الحلو

الغالية

نصيحه مني ضحي بشلغج عشان زوجج : أضحي بشغلي وبعدين من وين اصرف تتصورين ان اعتمادي على نفسي ممكن يكون 98 % ،، وانا عارفه وضع زوجي المادي يعني مافي مبلغ في البنك ممكن يرجع له وقت الشده ،، عارفه ان راتبه لليوم وبس صعب اني استغنى عن شغلي وراتبي لاني رغم وجود راتبي لولا وجود الله سبحانه وتعالى لمتنا من الجوع


او اخذي اجازه سنويه و قعدي في البيت واهتمي في نفسج واايد و فيه عامليه مثل الطفل و اكسبيه بطريقتج : اجازتي السنوية بتكون للوضع ومحتاجتها لابني الصغير عشان ياخذ رعايته،، رغم اني اهتم في نفسي ومدللته ،،، الا اني صدقيني اوقات امل واتضايق لاني اتعب واشقى وهو في وادي ثاني ...

و دايما ذكريه بربه و ان شاء الله بتنحل اموركم و قوليله اذا سويت هالشي الله بيبليك في عيالك و مرتك .........:
هو الحمدلله ان هالشيء مو ناسيه ،،بس استغرب كيف يجمع هالاثنين الخيانة مع الصلاة والعبادة

و ادعي له ان الله يهديه قوليله انا احبك و مابي اشوفك تتعذب يوم القيامه بسبب اخطاءك عشان جذي انا خايفه عليك صارحني اذا انا مقصره معاك ........:
مسألة تقصيري سألته الف مرة ،،، ودايما يقول لا مو مقصره بس تعبان نفسياً او مادياً أو فراغ او ..................... ويعرف اني احبه واموت فيه ،،،،،


مشكورة خويتي

السلام عليكم

أختي أنا مب خبيرة ولا أبي اثقل عليج فوق الثقل اللي عندج.. بس ترانا عندنا القصة من طرف واحد.. طرف بين لنا انه اهو الطيب المتفاهم اللي يصرف على البيت ويريح زوجه ومو مقصر عليه بشي وهاذي بشهادة منه اهو بعد!!
وفي نفس الوقت الزوج الخاين اللي ما يصرف اللي متعذبة انتي معاه..

الصورة باينة لنا بهالطريقة.. سمحي لي.. أنا ما أعتقد أن هاذي إهية الصورة بحذافيرها!

مثلا.. النقاش معاه يكون عقلاني وهادي؟؟؟؟ولا فيه صراخ وعصبية؟
ما في أحد من أهلج عرف بهالقصة؟
علاقتج مع أهله .. تحبينهم ويحبونج؟؟؟
من أيام ما كنتي تعرفينه ما كنتي تدرين ان فيه عيوب.. وانتي برضاج غمضتي عيونج عنها؟؟ خلج صريحة مع نفسج ولا تجملين الأمور على ما ترضيج



يعني اقلها انتي عارفة مستواه المادي.. وانتي كنتي تعرفيننه من قبل.. يعني مالج حجة في هالنقطة علىالأقل!!



أختي العزيزة.. انا أعتقد انج بحاجة إنج تقعدين مع نفسج ومع زوجج..جلسة عاقلة, وهادية, تكونين انتي واهو صريحين مع بعض.. محد يقط اللوم على الثاني!


اللسان الحلو والطيبة اللي تعاملينه فيها.. أعود إلى الإعتذار.. اتوقعها مو دايما!! يمكن أحيانا انتي تكونين طيبة معاه لكن في أحيان تنسين روحج .. ومو شوية!!صح؟


الموضوع يحتاج جلسة صراحة وقلب واسع وعقل عودوواعي.... أختي الغالية.. بما انج عرفتي هاذي الرجل من قبل ما تتزوجينه .. وحبيتيه!! لازم ترضين وتقبلين وايد أشياء بنات غيرج يمكن ما يقبلونها. لأنهم مو أهم اللي راحو واختارو وحبو وتعرفو على الرجل اللي تزوجوه.. أنا ما قاعدة أحاكمج.. بس أبين لج أشياء يمكن ما كنتي تشوفينها من قبل.. الكلام لج ولغيرج.. حبيباتي اللي تبي تحب وتتعرف على زوجها قبل ما يكون بينهم رابط رسمي.. بتلاقي نفسها مضطرة أنها تتقبل وايد أشياء.. غيرها من البنات ما يقبلونه.. ومنكم السموحة




والله يوفق الجميع يارب


أعتذر إذا صدر مني شي يضايقج

عليكم السلام أختي new 3roos
اجاباتي على اسئلتك
مثلا.. النقاش معاه يكون عقلاني وهادي؟؟؟؟ولا فيه صراخ وعصبية؟ غالباً صراخ وعصبية وما اقدر اتفاهم معاه على مشكلة حتى لو كانت صغيرة ..
ما في أحد من أهلج عرف بهالقصة؟ مستحيل اخبر احد من أهلي لأني اخترته وحبيته وما ابي يقولون هذا اللي اخترتيه ،، رغم ان موافقتي عليه يت من موافقتهم هم بعد عليه
علاقتج مع أهله .. تحبينهم ويحبونج؟؟؟ والله علاقتي مع اهله الحمدلله جيدة ،، بس احس ابوه ما يبلعني والصراحة انا اكره لان صارت تصرفات وايد قبل زواجنا منه ما حسيت ان شراني لولده
من أيام ما كنتي تعرفينه ما كنتي تدرين ان فيه عيوب.. وانتي برضاج غمضتي عيونج عنها؟؟ اكيد طبعاً كل واحدة ما تتوقع ان تاخذ زوج مثالي ، بس في اشياء ممكن الواحد يتنازل عنها ،، وتركيزي كان على الاشياء اللي راح تريحين مثلاً متفهم مو غيور عصري اجتماعي طيب يحب اهلي يسمح لي بالدراسة والعمل يحب الأطفال ما كان تركيزي على المال خاصة ان ابوي اللي يخليه ويحفظه كان معيشني في عز العز، ما اجمل الامور وانا مستوعبه تماماً ان زوجي مثل كل انسان فيه الزين والشين ومستحيل فينا واحد يرتبط بشخص كامل الأوصاف


يعني اقلها انتي عارفة مستواه المادي.. وانتي كنتي تعرفيننه من قبل.. يعني مالج حجة في هالنقطة علىالأقل!! ا


نا عارفه مستواه المادي وصدقيني اني قانعه بالحال وراضية الحمدلله على النعمة اللي عندنا ومقدره هالشيء بس بعد كنت حابه ان يحاسب ويساعد نفسه عشان ما احتاج شيء وكنت متصوره انه يبيع نفسه عشان يعيشني عشية الملوك، اهوه مو حاس بهالشي يصرف راتبه لان عارف ان في وحده بنك مركزي والقهر ان نص الراتب يروح على القهاوي والشيشه ربي يحرق هالقهاوي ويحرق اصحابها ،، واهو يوم يفهم وعشرة طاير ولا مب مهتم اهم شيء الشيشه




أختي العزيزة.. انا أعتقد انج بحاجة إنج تقعدين مع نفسج : عن القعدة مع نفسي ،، قعدت مئات المرات ولازلت اقعد واحسب كل تصرف من تصرفاتي واقول يمكن الخطأ مني ..

ومع زوجج..جلسة عاقلة, وهادية,: قعدت معاه مرات قليله يكون هادي ويتجاوب ومرات كثيرة يعصب ويثور ويترك البيت

تكونين انتي واهو صريحين مع بعض.. محد يقط اللوم على الثاني!: انا عن نفسي صريحة واحاول قدر الإمكان استوعب اخطائي واصححها بس بالنسبة له هل هو صريح معاي او لا ماعندي فكرة وبالنسبة للوم محد يلوم الثاني ،، بس هو مو مستوعب الاخطاء اللي قاعد يسويها ويستمر عليها واللي اهيه فعلاً تضايقني ..


اللسان الحلو والطيبة اللي تعاملينه فيها.. أعود إلى الإعتذار.. اتوقعها مو دايما!! اللسان الحلو والطيبة قدر الإمكان غالباً، بس بعد احترامي له ابدا ما اقلله ،، اعصب واثور واحن وازن بس والله رغم ضيقي احيانا منه وعصبيتي ما انساه،، وافتح صفحات يديده عشان بس ترجع المياه لمجاريها.

يمكن أحيانا انتي تكونين طيبة معاه لكن في أحيان تنسين روحج .. ومو شوية!!صح؟
انسى روحي من كثر الطيبة ايه ،، لاني ما في يوم خليته ينام وهو زعلان ،، بس انسى روحي وقلة ادب واحترام ابداً ...


الموضوع يحتاج جلسة صراحة وقلب واسع وعقل عودوواعي.... : قدر الإمكان احاول اكون بهالصورة معاه بس هو لو يتجاوب طول الجلسة ويساعدني صدقيني بنوصل لنتيجة بس للاسف ابدا مو متساعد معاي

أختي الغالية. . بما انج عرفتي هاذي الرجل من قبل ما تتزوجينه .. وحبيتيه!! لازم ترضين وتقبلين :
انا راضيه فيه ،، بس مو معناه اني اخلي الغلط واسكت اموت من القهر لازم اسعى عشان اوصل لنتيجة ترضيني وتخلي زواجنا على بر الامان.


وايد أشياء بنات غيرج يمكن ما يقبلونها. لأنهم مو أهم اللي راحو واختارو وحبو وتعرفو على الرجل اللي تزوجوه.. :

اختي هالمشاكل تصير بين زوجين حبوا بعض وزوجين ما عرفوا بعض قبل الزواج ... ولا تعتقدين اني في يوم ندمت اني حبيت لاني احمد ربي الف مرة اني اخترت على الاقل زوج يتناسب معاي في اشياء وايد ،، بس يبغى لكل انسان عيوبه وانا اذا شكيت لاني واعيه لامور كثيرة والاهم مصلحة بيتي واسرتي ،، ويمكن بالنسبة للبنات اللي ما حبوا ولا عرفوا ازواجهم قبل طبعاً ممكن يتقبلون عيوب ازواجهم لأن حبوهم بعد الزواج أو لأن يبون يحافظون على بيوتهم يعني مثلي مثل غيري اللي ما حبت ولا عرفت زوجها قبل ..

لا تتوقعين ان في وحده ما تتقبل زوجها وعيوبه لان حبته قبل او ما حبته ،، تتقبله اذا حبت تحافظ على بيتها بس تسعى لحل مشاكل كثيرة تصير في كل البيوت .


واشكرج على مرورج ،،

ان الخيانة يا اختى كفيلة بان تحول الحب والعشق الى كرة وبغض ولكن انتى غالبا من النساء ضعيفات الشخصية التى لا تعرف تاخذ حقها فها هو زوجك يخونك مرات وانتى كما انتى تعاشرينة وتصرفى علية وكانك تكافينة على هذة الخيانة بل وتشجعية عليها 000000000000000000000 لابد ان يكون لك معة وقفة حتى يعمل لك حساب - حسسية بفعلتة الشنيعة وقاطعينة وامنعى نفسك عنة حتى يشعر بقيمتك وقللى امدادة بالمال فهذا المال يستخدمة احيانا فى خيانتك كل هذا بدون ان يشعر بك احد من عائلتك او اهلة اعملى هذا اليوم حتى لا تندمين غدا:salam:

katy:
ان الخيانة يا اختى كفيلة بان تحول الحب والعشق الى كرة وبغض ولكن انتى غالبا من النساء ضعيفات الشخصية التى لا تعرف تاخذ حقها فها هو زوجك يخونك مرات وانتى كما انتى تعاشرينة وتصرفى علية وكانك تكافينة على هذة الخيانة بل وتشجعية عليها 000000000000000000000 لابد ان يكون لك معة وقفة حتى يعمل لك حساب - حسسية بفعلتة الشنيعة وقاطعينة وامنعى نفسك عنة حتى يشعر بقيمتك وقللى امدادة بالمال فهذا المال يستخدمة احيانا فى خيانتك كل هذا بدون ان يشعر بك احد من عائلتك او اهلة اعملى هذا اليوم حتى لا تندمين غدا:salam:

سلام عزيزتي
كلامج صحيح، فعلاً اني بموقفي هذا اثبت ضعف شخصيات،، بس هل ابتعد عنه وهو يطلبني وانا عارفه عاقبه هالتصرف من الله ،، الله يلعني لأني ما قمت بواجبي تجاه زوجي، بالنسبة للصرف الحين اقلل قد ما اقدر من الصرف عليه ،، بس ما ابي يتسلف ونبقى نسدد في هالديون ويخلص راتبه اسرع .. وممكن اني اكفئه على هذه الخيانة .. بس ابي حل

هل اقاطعه ورأي الدين في ذلك ،،
ياريت تساعديني ؟؟ هل اقاطعه وانا عارفه الذنب الي ارتكبه ،، وفي اوقات احسه يسحبني من الشوق كيف ارده ،،، مممكن يبتعد أو ينجرح او يتأذى لهذا التصرف ..

انا زوجي بقدر ما انا حساسة صدقيني انه حساس بصورة كبيرة

ابي تصرف عقلاني ولا اعتقد ان المقاطعة هي الحل ،، لاني عارفه زوجي ممكن يبتعد عني اكثر وتزيد المشاكل ويبقى اثر في نفسه وتزيد علاقاته على اساس اني مقصره معاه وهذا ذنب ممكن يحملني اياه لخيانته
بالنسبة للصرف ممكن هالشهر احرمه وابين له اني مفلسه ...

وشكراً على ردج

السلام عليكم
شكرا اختي على تفهمج وحوارج
أنا بقول رايي وهو مبني على معلومات يمكن ما تكون كافية ولا اعرف كل الظروف اللي انتي فيها.. لكن شي لاحظته..ولاحظته وايد بعد..

اتمنى انه يكون الحل لمشكلتج.. لأن بصراحة مشكلة الخيانة !! مو مثل أي مشكلة! والله يبعدها عنج ولا يحط أي وحدة فيها يارب


حاولي تتقربين من اهله.. امه وأبوه وخواته وأخوانه.. نسوان أخوانه.. حبيهم , حبيهم صج ! حبيهم من قلبج وخلج هادية ومتزنه معاهم.. ولما اهم يحسون بحبج.. راح يحبونج.. لا تتكلمين لا عنه ولا عنهم جدام أي شخص الا بكل خير.. أي أحد يجيب طاريهم مدحيهم.. ,طلعي كل شي زين فيهم وابدا لا تشكين من أي تصرف منه أو منهم حتى أهو.. دااااايما مدحيه..


يمكن أهو حاسس في داخله أن أهله ما تقبلوج .. أو أن أهلج ما تقبلوه مثل ما أهو يبي.. وأنعكس هالشعور عنده بهالتصرفات.. الريال لما يشوف أن زوجته محبوبه من أمه وأبوه وخواته وأخوانه ما يقدر أنه يفرط فيها ! وإن فكر! أهله ما يخلونه.. لا تستصغرين هالشي! ولا تقولين ما اقدر اتنازل حق أهله .. ولا أهم ما يحبوني ما اقدر أروح لهم.. معليه! الموضوع يستاهل (إن كنتي فعلا تبين تكملين حياة طيبة مع زوجج) خلي علاقتج زينة مع كلل عيلته خلي كل شخص فيهم يحس إنج خوش مرة وانج أنتي اللي ممكن تريحين ولدهم مو اي أحد ثاني! هالمهمة صعبة مو سهلة! بس غالبا تكون أهي المفتاح لهالمشاكل..
وروحي حق أهلج! وخليهم يحبون زوجج حسسيهم انه أهو الوحيد إلي ممكن يريحج! وإن هالناس إللي انتي اخترتيهم أهم أحسن ناس في الدنيا! وإنج مرتاحة منهم وايد.. وأنهم ما يفرقون عن أهلج الصجيين! مافيهم أحد ضايقج ولا بهمسة! وخلي زوجج يحبهم بعد.. لو حس انهم يحبونه بيحبهم.. وممكن بعد تقربين بين اهلج وأهله جذي! أهو بيحس أن العيلتين يحبون بعض وأتوقع راح يفكر بدل المرة ألف قبل لا يسوي اي شي يضايقج


حبيبتي انتي تقولين إنج ما تحسين بلأمان معاه.. يجوز أهو بعد مو حاسس بالأمان وياج! أنا ما قاعدة أعذره على فعلته! لأنها غلط مهما كانت ظروفه! ما في شي يعذر زوج على خيانته

بس انا عطيتج فكره .. اتوقع إنها راح تحل مشاكل وايد..بإذن الله.. صدقيني.. بتقارب العيلتين وحب اهله لج. راح تحسين بالأمان.. لو ما كان وياه.. بيكون من صوبهم أهم..

وأعيد وأكرر.. حتى لو كانو أهله أكثر الناس شرا شفتيهم في حياتج! أخذي المهمة الصعبة وتقربي منهم وحبيهم!! أكرر حبيهم من قلبج مو تمثيل!و دوري عن أي شي زين فيهم وكبريه جدام عينج وخليه يكون بداية الخيط.. ولا تقولين ابوه يسوي حركات تضايقج!! معليه حبيبتي! أدري إن الشي مو سهل لكن حطي على روحج وتقربي له وحبيه.. وراح أهو يحبج ويبطل الحركات إللي تضايقج !ولو بعد زمن!

هالشي خليه منهجج ! مو يوم ولا شهر بعدين تقلبين! لا! خليه طبع فيج طول العمر..
صدقيني.. هالشي بيصلح العلاقة ما بينكم واتوقع انه راح يهدأه..ومثل ما قلت لج .. لو ما صار هالشي.. راح تحسين بالأمان أكثر من أتجاه أهله

وهمسه في إذنج أختي.. خلي الحوار بينكم هادي.. حتى لو أهو تنرفز وصرخ.. أنتي خليج هادية ولا ترفعين صوتج.. حبيبتي تقولين إنج ما تقللين من إحترامه وفي نفس الوقت تقولين انه يصير بينكم صراخ!! مجرد رفع صوت الزوجه على زوجها فيه تقليل كبير للإحترام يا حبيبتي!


الله يوفق الجميع وأتمنى إني فدتج

وأعتذذر إذا قلت شي ضايقج

عزيزتي

اولاً الله يقومك بالسلامه ويهدي لك زوجك ويسخره لك

عزيزتي

الزوج مثل الطفل

دلليه ودلعيه وشوفي شاللي يحبه،، وراضيه حتى لو على حسابك ،، تنازلي قليلاً ،، علشان خاطره ،، لا تفقديه

الزوج ما ينفر من زوجته الا اذا كان في شيء مزعجه ،، وليس دائماً ،، في رجاجيل في دمهم الخيانه،، ولا تجيب راسهم مره وحده،،،

بس بحكم انك زوجته وام عياله،، فهو بعد بيتنازل عن أشياء كثيره علشان ما يهدم حياته،،

عزيزتي،،

ادرسي إحتياجات زوجك،، يمكن بحكم حمالك تغيرتي عليه من كثر التعب والإرهاق،، بس هذا ما يمنع انك تجنين عليه وتعبينه،،


ادرسي وضعك بالتروي،، وخطوه بخطوه قارني بين حياتك في السنه الأولى والآن وشوفي الفرق اللي حصل من بينكم

هالفجوه الي صارت بينكم وتدخل عناصر نسائيه أخرى في حياتكم ما جات من فراغ

أكيد أكيد في شيء مضياق زوجك ويبي يفضفض ويلاقي الناقص عنده (( للأسف حتى لو بالحرام ))


اسأل الله لك التوفيق وان يفرج همك ويسخر لك زوجك،،



سفيرة فوق العاده

اختي سفيرة فوق العادة

اشكرك على مرورك وردك

(1) دلليه ودلعيه وشوفي شاللي يحبه،، وراضيه حتى لو على حسابك ،، تنازلي قليلاً ،، علشان
خاطره ،، لا تفقديه

اختي بالنسبة للتدليل ادلله وادلعه وعلى طول اراضيه واتنازل كثير ،، عشان كذا يشوفني سهله واسامح اذا اخطأ ،، فالخطأ صاير سهل عنده

(2) الزوج ما ينفر من زوجته الا اذا كان في شيء مزعجه ،، وليس دائماً ،، في رجاجيل في دمهم الخيانه،، ولا تجيب راسهم مره وحده،،،

طبعاً انا سألته الف مره في شيء مضايقك مني ،، يمكن أكثر شي يضايقه مني شكي ،، وطبعاً هالشكوك اللي فيني ما جت من فراغ ،، ودايما اشوف الدليل على هالشكوك ... بس زوجي ما كان كذا قبل ايام كنت احبه ،، كانت يموت عليّ .. حتى هيفا وهبي ونانسي ما يعرفهم .. والحين مرة وحدة تفتحت عيونه .. ولا اعتقد انه نوعه من الا ما تجيب راسه الا عشر نسوان ،، بس ممكن في شيء في علاقتنا هي اللي فتحت هالدرب له ،، او اصدقاء السوء اللي يجلس معاهم في هالقهاوي

(3) ادرسي إحتياجات زوجك،، يمكن بحكم حمالك تغيرتي عليه من كثر التعب والإرهاق،، بس هذا ما يمنع انك تجنين عليه وتعبينه،،


ادرسي وضعك بالتروي،، وخطوه بخطوه قارني بين حياتك في السنه الأولى والآن وشوفي الفرق اللي حصل من بينكم، هالفجوه الي صارت بينكم وتدخل عناصر نسائيه أخرى في حياتكم ما جات من فراغ

اختي بالنسبة للاحتياجات زوجي اللي لمستها من خلال علاقاته (الجنس) ، وصدقيني اني قاعده احاول قدر الإمكان ان أمارس علاقتي معاه كأني لسه عروسه ، بس ممكن جسمي تغيير مع الحمل ،، وصار ما يعجبه هذا اللي احسه تعرفين وزن زيادة وبطن كبير وملابس النوم اللي كانت مغرية صارت عليّ مضحكه مع الحمل ... رغم ذلك اني احاول البس الحركات واتعدل واتزين بس شكلي خطأ ولا صار مغري مثل قبل ..

(4) أكيد أكيد في شيء مضياق زوجك ويبي يفضفض ويلاقي الناقص عنده (( للأسف حتى لو بالحرام ))

تقدرين تساعديني اشلون اعرف اللي مضايقه :(

(5) اسأل الله لك التوفيق وان يفرج همك ويسخر لك زوجك،،

يارب انت مجيب الدعوات ،، واشكرك مرة ثانية

هلا محرقيه

الحين تفهمت وضعك عزيزتي

بالنسبه للشك يهدم اسس العلاقه،، عزيزتي لا تشكين فيه وتبينين له هالشي،، انتي راقبيه من بعيد ولما تتأكدين من المسأله واجهيه،، اما مجرد شك ودوم تخونينه هذا يهدم الحياه بكبرها،،

عزيزتي ،، إن بعض الظن إثم،، ولما انتي تشكين ووتأكدين من أي مسأله واجهيه بالطيب،، وتعالي له بالطيب،، ماله داعي صراخ وتدخلين اهلج والخ،،، توديديله لانج انتي حلاله ولا بيشوف غيرج لو ارتاح وياج

خلي علاقتج فيه ترجع مثل الأول وخلي الأمان سائد عليكم حتى لو انتي في داخلج شاكه لا تبنين له كلش،،


اما مسألة ربعه ،، فطبعاً الربع يخربوووووووووووووووووون ويأثرون،، لو انتي متأكده ان ربعه مب زينين ويأثرون عليه،، حاولي انج تبعدينه منهم بس مب بشكل واضح لا،، مثلاً اعزميه في يوم بره وثاني يوم عندج في البيت وثالث يوم خله يعزمج،، غيري له الجو،، خله يرد البيت مبكر،، وكل يوم سوي له جدول

اطبخي له اللي يحب،، والبيسي له اللي يحب،، وكوني له عروووووووووووس،، غيري من شكلج كل يوم ،، وهالله هالله بالمفاجآت الزينه،، ولا تنسين تناغم العطووووووووووووور،، والريحه الطيبه،، حتى بيتج خله دوم مدخن ونظيف ومستعده له

وحتى لو هو يحب الطلعه ،، طلعي معاه لو لنص ساعه،، وخله يشوف ربعه يوم في الإٍسبوع وخلج وراه بس بالطيب والتغلي لين ما يتركهم


واذا إحتجتي شي انا في الخدمه


سفيره فوق العاده

خلج في شغلج واياج تتركينة

خلج في شغلج واياج تتركينة
كل قرش بينفع ولدج

مرحبا اختي ...

انا قريت مشكلتج وكل الردود تقريبا ...

عزيزتي. اول شي ادعي ربي انه يقومج بسلامه .. وادعي ربي

انه الله يهدي لج زوجج ....

والحين تعالي....انتي الحين تريدين زوجج يرجع لج ... عشان جيه لازم تعرفين

انه هالشي يباله تعب وااايد... ولازم تتحملين اللي بيج منه في البداية ..

شوفي الغاليه انتي تشتكين من خياانته ..وهذا اصعب ما في الحياه .. المهم

حااولي انج لاتبينين له شكك الدايم .. بس لا تغفلين .. انتي ادرسين .. والله يوفقج

بس وانتي بالجامه دقي له .. او طرشي له مسج .. وانتي تشتغلين طرشي له مسجات

ودقي له دووم .. بس مب تمين تحققين وياه .. دقي له عشان بس تطمنين عليه ..

الهدايا .. صدقيني لها اثر كبير .. فاجئيه بهديه ..فاجئيه بليله رومانسيه . خليها احمر في احمر

رتبي لها بشكل حلوو .. وتكلمي وياها على اساس انج انتي المقصره في حقه .. وانج تبين هالليله

نهاية للخلافات اللي من بينكم وبدايه يديده لكم ... لا تلومينه الحين .. عليج بس انج تكسبينه..

اضغطي على عمرج اذا عصب ولا ترفين صوتج عليه....


اممممممممممممممم









طرشي له مسج قبل لايوصل البيت <<<<< ممكن يكون حبيبي ملكي اليوم او

<<<<<<ممكن تسلفني اليوم حضنك الدافي عشان انام فيه .. ومن هالمسجات

اللي تخليه يشتاق لج قبل لايوصل

لا تقولين الحين جسمي تغير وصار مب مغري ... خليه يشوف حلاتج من كلامج

قوليله لا تضحك عليه عشان هالكرشه ...لاتطالعيني جيه .. تراني استحي ويا هالكرشه .

يعني جيه حسسيه بولده من الحين .. دوم خليه يحط ايده لى بطنج ويبوسه قوليله ولدك يريد يحس

فيك .. حاولي انتي وياها تسون من الحينه جمعيه عشان ولدكم .. على اساس انكم تبون تضمنون له

مستقبله .. <<<< طبعا عشان يتعود على السؤليه اكثر .. لانه مبين انه ريلج مب متعود على

المسؤليه .. وخلي هالجمعيه في البنك




هذا اللي عندي الحين وانشاء الله لي عوده

الاخت العزيزة سفيره فوق العادة

اشكر لج تواصلج الطيب


(1) بالنسبه للشك يهدم اسس العلاقه،، عزيزتي لا تشكين فيه وتبينين له هالشي،، انتي راقبيه من بعيد ولما تتأكدين من المسأله واجهيه،، اما مجرد شك ودوم تخونينه هذا يهدم الحياه بكبرها،،

عزيزتي ،، إن بعض الظن إثم،، ولما انتي تشكين ووتأكدين من أي مسأله واجهيه بالطيب،، وتعالي له بالطيب،، ماله داعي صراخ وتدخلين اهلج والخ،،، توديديله لانج انتي حلاله ولا بيشوف غيرج لو ارتاح وياج

اختي العزيزة هذي عبارة كان يرددها زوجي دائماً وكان يقول لي اياج والشك تراه يهدم البيت ،، بس لما احس بشيء غير غصب عني اشك ،، يعني طلعاته تزيد،، مسجات آخر الليل ،، تلفون مقفل ،، يتأخر ،، دايما على النت ،، يطلع مع اشخاص ما اعرفهم ،، حتى تعامله يتغيير .. ،، واذا راقبته واكتشفت شيء، جربت معاها المواجهة ، دائماً ينكر وانا متأكده وبعدين يطلع كلامي صح بعد مرور وقت من الزمن يعترف ان عمل كذا وكذا ،، وانا عارفه ان الشك ان مرض البيت العضال ..

ان بعض الظن اثم ،، عارفه هذي الآية ،، ومؤمنة فيها بس صدقيني كل وحده في مكان لما تلاحظ تغيير في زوجها بتسأل نفسه مرات ولما تكتشف شيء يبدا هالمرض فيها ،، تدرو في كل مكان بس عشان تحصل دليل، الصراخ ما ينفع معاه ،، ولا حتى التعامل بالطيب ،، زوجي من خوفه ممكن ينكر ولا يعترف،، ويطلعني انا الغلطانه والشكاكه..

(2) خلي علاقتج فيه ترجع مثل الأول وخلي الأمان سائد عليكم حتى لو انتي في داخلج شاكه لا تبنين له كلش،،

علاقتي معاه ترجع واحاول اتخلص من شكي بس من احس بتغيير على طول ابدا اصير المحقق كونان ،، ما انام الليل اصح قبله عشان اتأكد من موبايله ،، وبعدين يبدأ القلق والألم والعصبية والتعب النفسي والقهر وكل امراض الدنيا لم اكتشف انه على علاقه ببنية .. ما ابين له ان شاكه فيه ،، بس من اكتشف شي ما اقدر اسكت اموت من القهر ........... والدموع ما توقف ...


(3) اما مسألة ربعه ،، فطبعاً الربع يخربوووووووووووووووووون ويأثرون،، لو انتي متأكده ان ربعه مب زينين ويأثرون عليه،، حاولي انج تبعدينه منهم بس مب بشكل واضح لا،، مثلاً اعزميه في يوم بره وثاني يوم عندج في البيت وثالث يوم خله يعزمج،، غيري له الجو،، خله يرد البيت مبكر،، وكل يوم سوي له جدول

اختي طبعاً انا متأكده ان الاشخاص اللي يقعد معاهم في القهوة كل يوم شكل ،، بس هو أكثر متأثر بأصحاب المغامرات .. والمشكلة ان ما يحب يطلع معاي .. وبما ان وضعنا المالي على الحافة الحمدلله .. فهو دائماً هذا عذره .. نتعشى وبعدين ما يبقى معانا فلوس .. واهو فاهم حركات اني ما اخليه يروح القهوة ... فهو صدقيني ان طلعاتي معاها بالسنة حسنة .. :(

(4) طبخي له اللي يحب،، والبيسي له اللي يحب،، وكوني له عروووووووووووس،، غيري من شكلج كل يوم ،، وهالله هالله بالمفاجآت الزينه،، ولا تنسين تناغم العطووووووووووووور،، والريحه الطيبه،، حتى بيتج خله دوم مدخن ونظيف ومستعده له

اتعب صدقيني واموت قهر لما يكون تعبان ،، تعبان من شنو شغل ،، انا اشتغل مثلك وادرس وعندي هم البيت بس هو شغل قهوة قهوة شغل .. هذا برنامجه ويقول تعبان ... اتجهز ،، والبس واتعدل رغم ان وضعي المادي صعب بس ابغى اقول اخذ لي قميص نوم لسهرة الخميس .. واطرش له مسجات ويتفاعل معاي .. بس استغرب في نهاية انه يخوني ... :(

(5) وحتى لو هو يحب الطلعه ،، طلعي معاه لو لنص ساعه،، وخله يشوف ربعه يوم في الإٍسبوع وخلج وراه بس بالطيب والتغلي لين ما يتركهم

يحب الطلعه يموت على الطلعات بس من غيري، اسبوع انا اذا يوم قدرت امنعه هذا انجاز ...،، اتغلى وانا اموت فيه،، وهو يبعد ويعتبرني باردة ،، واذا لصقت فيه اعتبرني لاصقه فيه .. يعني يحيير.



(6) واذا إحتجتي شي انا في الخدمه ..

مشكورة عزيزتي على كلامج الزين اللي استفدت منه ... وانا احاول ..

dunia obaidy:
خلج في شغلج واياج تتركينة
كل قرش بينفع ولدج

ما افكر ابدا اني اترك شغلي ،، وصدقيني لو ما اشتغل كان الله يعلم بحالي ..

شكراً اخت الياه على ردج وتواصلج

(1) انا قريت مشكلتج وكل الردود تقريبا ...

عزيزتي. اول شي ادعي ربي انه يقومج بسلامه .. وادعي ربي

انه الله يهدي لج زوجج ....

مشكورة يارب انت المجيب



(2) والحين تعالي....انتي الحين تريدين زوجج يرجع لج ... عشان جيه لازم تعرفين

انه هالشي يباله تعب وااايد... ولازم تتحملين اللي بيج منه في البداية ..

شوفي الغاليه انتي تشتكين من خياانته ..وهذا اصعب ما في الحياه .. المهم

حااولي انج لاتبينين له شكك الدايم .. بس لا تغفلين .. انتي ادرسين .. والله يوفقج

بس وانتي بالجامه دقي له .. او طرشي له مسج .. وانتي تشتغلين طرشي له مسجات

ودقي له دووم .. بس مب تمين تحققين وياه .. دقي له عشان بس تطمنين عليه ..

الهدايا .. صدقيني لها اثر كبير .. فاجئيه بهديه ..فاجئيه بليله رومانسيه . خليها احمر في احمر

رتبي لها بشكل حلوو .. وتكلمي وياها على اساس انج انتي المقصره في حقه .. وانج تبين هالليله

نهاية للخلافات اللي من بينكم وبدايه يديده لكم ... لا تلومينه الحين .. عليج بس انج تكسبينه..

اضغطي على عمرج اذا عصب ولا ترفين صوتج عليه....


بالنسبة للموضوع الشك قلت لسفيرة فوق العاده السبب ،، غصب عني وكل وحده بموقفي غصب عنها تبدأ الشكوك عنها ..

وبالنسبه للاتصالات والمسجات ،، صدقيني يمل مني .. ويشتكي من لصقاتي فيه..

الهدايا ،، احاول قدر الإمكان ،، خاصة مثل ما قلت اني معتمده على نفسي مادياً ،، وعندي احتياجات آخذه ضرورية جداً،،، بس والله لما اشتري لي شيء.. اشتريله معاي .. لأني عارفه اذا رجعت يسألني ما خذيت لي شي..

الليالي الحمراء،، حتى وانا حامل اعملها..

اعترف له اني مقصره .. وايد صعب اختي .. وهذا يساعده على الخيانة ويعتبره سبب ومبرر للخيانه ..

ما الومه ،، الوم نفسي واشوف شوف الاسباب اللي خلته يدور على غيري،، وارد اسأله في ايش انا مقصره .. وينفي اني مقصره معاه .. والعصبية ما تكون الا لما اشوف شيء صراحة يقهر..


(3) طرشي له مسج قبل لايوصل البيت <<<<< ممكن يكون حبيبي ملكي اليوم او

<<<<<<ممكن تسلفني اليوم حضنك الدافي عشان انام فيه .. ومن هالمسجات

اللي تخليه يشتاق لج قبل لايوصل


المسجات حلوه وراح اطرشه له اليوم واذا عندك من هالمسجات عطيني صدقيني محتاجته قربي
وخاصة مع الزمن القاسي.. وعارفه انه حنون .. بس الله كريم :(

(4) لا تقولين الحين جسمي تغير وصار مب مغري ... خليه يشوف حلاتج من كلامج
كلامي حلو وزين بس دائماً يفهم اني ابي العب عليه او اقص عليه ..



(5) قوليله لا تضحك عليه عشان هالكرشه ...لاتطالعيني جيه .. تراني استحي ويا هالكرشه .

هذا الكلام اقوله له دائماً. واقول له اني اذا ولدت راح اخلي بطني في ظهري

(6) يعني جيه حسسيه بولده من الحين .. دوم خليه يحط ايده لى بطنج ويبوسه قوليله ولدك يريد يحس

هذي النقطة هو يسوييها بنفسه ما يحتاج اقوله ومتشوق يشوف ولده بس الله يلعن الشيطان

(7) حاولي انتي وياها تسون من الحينه جمعيه عشان ولدكم .. على اساس انكم تبون تضمنون له

مستقبله .. <<<< طبعا عشان يتعود على السؤليه اكثر .. لانه مبين انه ريلج مب متعود على

المسؤليه .. وخلي هالجمعيه في البنك

فعلاً بعد مسوين جمعيه كل شهر انا 20 دينار وهو 20 دينار وهو اللي اقترح هالاقتراح ..


مشكورة على ردج وانتظر عودتج

انا توني متزوجه جديد وتمر علي ايام ودي اذح فيها زوجي مع اني اعرف انه ما في حد يعامل زوجته احسن من ما يعاملني بس هي لحظات يرتفع فيها الضغط......
اكون كذابه لو قلت اني افهمج شعورج لكني اعرف ان الصارحه علاج كل شي خلج صريحه وياه وقوليله عشان خاطر هالزواج وخاطر هالطفل اللي فبطنك حرام اللي يصير ... ترا يا حبيبتي الرياييل مب مثلنا احنا اذا تظايقنا نتكلم ونشكي لكن الريال يشيل بخاطره ويحرق قلبه على كل شي ولا يفتح فم بكلمه.... اخذي ما فخاطره وادعي له بالهدايه... وخلج معا مصحفج وسيادتج ودوم اقري علي عليه وكثري من قرايه سوره البقره..... احنا البشر ما بيدنا نحل اللي ما نفهمه ... خليها بيد اللي يقدر يحلها وفوضي امرج لله رب العالمين وإن شاء الله كل من يقرا موضوعج يدعيلج الله يصلح زوجك وازواجنا وذريتك وذرياتنا ويتولى صلاح دنيانا وآخرتنا....آميـــــــــن