ولدي عمره اسبوعين هل من الممكن انه يرجع يرضع مني .........ردوا علي بسرعه

غ

غصن الرند

عروس مبدعة

06-07-2006 | 08:13 PM

اهلين فيكم بنات

ولدي عمره اسبوعين وللأسف خلال الاسبوعين هذي تنوم مرتين بالمستشفى عشان الصفار مره ومره عشان فيه امساك ..........

اول مره كانت وعمره يومين .....والمره الثانيه وعمره 5 ايام ........

المهم بعد مارجع احاول ارضعه من صدري مو راضي حاولت كثير بس كان يعصب ومايبي يرضع مني .......يمكن حاولت بس يومين او ثلاث

والحين ضميري يأنبني اني مارضعته خصوصا اني مثقفه وعارفه فوائد الرضاعه الطبيعه

مرررررررررررررررره مقهوره

ايش اسوي هو الحين عمره اسبوعين هل من الممكن انه يرجع يرضه

واذا ممكن .........كيف؟؟؟؟؟؟؟؟؟

يعني استعمل شئ

انتظركم

f

flower_world

عروس متألقة

06-07-2006 | 11:00 PM

السموووووحه منج بس ما عندي فكرررره انشاء الله البنات بيساعدنج ........

ب

بنت الرياح

عروس مشاركة

07-07-2006 | 12:39 AM

عادي ممكن يرجع البيبي يرضع بس يبي شوية صبر معاه و أن شاء الله يرجع يرضع .............

ج

جمـــانة

مشرفة سابقة

07-07-2006 | 01:12 AM

صحيح كلام الاخوات.. يتهيأ لي انه للحين ما تعود على نظام معين للرضاعة.. فاذا بتجربين وقت ما هو جوعان.. او توه قاعد من الرقاد يعني للحين ما صحصح.. يكون اسهل تقبله للرضاعة من صدرج..

والله يرزقج وترضعينه طبيعي على قد نيتج..

ب

بحرينه

مشرفة سابقة

07-07-2006 | 01:20 AM

والله يرزقج وترضعينه طبيعي على قد نيتج..

p

paradise bird

عروس جديدة

09-07-2006 | 12:20 AM

حبيبتي..الطفل في هذا السن يتعود على اي شي بسرعة وينساه بسرعة بعد ..حاولي معاه لما يكون صاحي من النوم يوعان..بس لا تخلينه يصيح على طول عطيه صدرج ..فالبداية بيتم يصيح بس قوي قلبج عليه شوي ..وأصري على أنه يرضع من صدرج..و اذا ما نفع حاولي تعطينه حليبج في زجاجة الرضاعة..بس اللي تكون حلمتها نفس الشكل الطبيعي لحلمة الأم ..أتمنى أنج تكونين فهمتي قصدي..

الله يخليلج اياه ..و يحفظكم من كل شر
:)

و

ومض الحياة

عروس نشيطة

09-07-2006 | 07:54 AM

ان شاء الله يرضع منج يا أختي

أنا ولدي أربع شهور بالمستشفى
بس الحمد لله بعد ما طلع شوي شوي و بدأ يرضع مع انه ما فيه كفاية حليب
بس أحطه على صدري وبعدها اعطيه الرضعه

R

RoOoOmy

عروس ماسية

09-07-2006 | 07:57 AM

الحمدلله على سلامتك اختي غصن الرند .. انا فقدتك في المنتدى بس ما دريت انك ولدتي بالسلامة

يتربى في عزكم ان شاء الله

ماراح ازيد على كلام البنات .. اسبوعين يعني لسه صغير ... بشوية صبر منك راح يتعود على الرضاعة
بالتوفيق

ظ

ظبية دبى

عروس فضية

09-07-2006 | 08:17 AM

حمدالله على سلامتج

حبيبتى انا بعد كنت مربية قيصرية وولدى كان صغير وايد وعنيد بس حاولت معاه رضع منى اسبوع وبعدين وقفت لان طلع عندى التهاب حاد مدت 10ايام وبعدين رجعت ارضعه بس الصراحة صعب الياهل يرضع بسرعة يباله صبر وايد
ولدى رضع منى شهر وبعدين مارضى ابدا غير ان الحليب عندى قل

الغالية حاولى 1000مره ترضعينه

ترى الرضاعة نعمه من عند الله

غ

غصن الرند

عروس مبدعة

09-07-2006 | 07:59 PM

مشكورين اخواتي عالردود ان شاء الله بحاول ارجع ارضعه

وشكر خاص لرومي

تدرين ماتوقعت احد ييفقدني مع اني عضوه لي اكثر من اربع سنوات .........مشكوره يالغاليه وماتقصرين ........بجد بجد فرحت بردك لي

تحياتي للجميع

r

rose_rose7788

عروس ماسية

10-07-2006 | 09:00 AM

تو الناس حبوبة .....

ولدج نونو بعده ترومين تعودينه على صدرج بس اتحملي اشوي ..... صدقيني انشاء الله بيتقبل منج الرضعه

يمكن تتعبين اسبوع ولا اقل .... بس حاولي تبتعدين بشكل نهائي عن الصناعي

وبالتوفيق

رووووز