والده صار لي 20 يوم وعندي بعض الاسئلة !!!

مرحبا
أقدر أجاوب على سؤال واحد
وهو أنك تقدري تمشي اذا كانت صحتك ممتازة وممكن تسوي رياضة
وتمارين بسيطة وبعد الأربعين تسوي تمارين قوية .

وانا حبيبتي بجاوبك علي بعض الاسئلة اللي اعرفها في حريم مايحتاجون قطع لأن الفتحة عندهم مرنة عادي يولدون وترجع الحالها مرة ثانية وأكيد اهما شافوكي انتي من النوعية هذي

والحليب
الخضار الخضراء اللي انحطها للسلطة العصاير الفرش كل انواع الفواكة اخذيها وخلطيها بالخلاط وشربيها قبل اي رضاعة افودلك عليكي بالجرجير امي اتشربني حلبة مادري ليش يمكن لها علاقة بالحليب بس الحليب الفرش يسبب غازات للطفل

ممكن تساعدين نفسك بتضييق المنطقه بتمارين كيجل اذا تعرفينها

انا عطوني اياها اسويها و تقدرين تسوينها بكل وقت

وهي انك تقبضين العضله الداخليه كانك تبين تحبسين البول الله يكرمكم لمده 5 عدات ثم ترخين وشوي شوي تزيدين المده يعني تقبضينها لمده 10 عدات وبعدين 15 عده و هكذا

و ممكن تطبقين التمرين بانك تقبضين وترخين عده عده يعني مثل النبض

-----------

بالنسبه للامساك حاسه بمعاناتك لان فعلا كانك قاعده تولدين من الالم ولازم تعالجين هالمشكله قبل لايصير لك بواسير و جروح مؤلمه
انا شربت خروع عشان يلين البطن وفي طريقه ثانيه برجع لك اقولك بس الحين ينادوني عشان الصغير يصرخ

اسمحي لي :)

ماشاء الله المولود الخامس والحين تفكرين في هالاشياء المفروض من اول حمل لج اتفكرين في الرياضة وهالاشياء...............لانه عقب هالولادات يقولون النتيجة تكون ضئيلة يااختي........

الظاهر ماكنتي تهتمين بنفسج واااااااااااااااااااااااااااااااااايد.................


بس شوفي عشان الامساك انا عندي لج حلول

1- اول ماتقومين من الرقاد تشربين كمية ماااااااااااااااااي كبيرة وتمين فترة ماتاكلين شي يعني عقب ربع ساعة وعقب تريقي...............

2- وقت الغدا اول شي تاكلينه سلطة بكمية معقولة وطبعا لازم نسبة الزيت الزيتون تكون كبيرة في السلطة ......وعقب اكلي الرز والدياي او اي شي.............وشوفي المفعول

3- العصر المغرب لاتنسين الفوااااااااااااااااااااااااااكه اكلي خمس فواكه منوعه


وصدقيني بتقولين الحمدلله طبعا استمري على هالحال دوم فديتج


وبخصوص الرياضة .............الحين انتي امشي لانه افيد لج الحين المشي لانج توج والدة ومب زين تهلكين جسمج بس لما تخلصين 40 يوم اشتركي في نادي رياضي واشتركي لمدة 6 شهور,...................وان شاء الله اتيب لج نتيجة بس المشي خلاص لاتنقطعين عنه.............


واللي يزيد نسبة الحليب هي التغذية الصحية كثري شرب الحليب...........والفواكه ولاتنسين السلطة.............واكلي سمج ولحوم ودياي لانها مفيدة وااااااااااااااااااااااااااااااايد

والرياضة لها تاثير على هالشي بعد

وعلى فكرة وانتي ترضعين البيبي اقعدي فكري قولي في خاطري لازم اخليه يتعود عالطبيعي وكثر ماتفكرين بالرضاعة الطبيعية سبحان الله المخ يبرمج هالنفسية والافكار اللي تفكرين فيها وتدفق نسبة الحليب اكثر

واتمنى افدتج يابعد عمري وعسى ربي يحفظ لج عيالج ...........كلهم ويرزقج باكثر وعقبالنا

وعلى فكرة انا هذا اول حمل لي ادعي ربي يرزقني ............بس النصايح تراها صجية ولازم لازم تلتزمين فيها وبتشوفين وبتشكريني عقب صح اني ماجربت غير سالفة الامساك لاني ماجربت الولادة للحين.............بس النصايح البتقية من خلال قراتي واستشاراتي للدكاترة


وشدي حيلج

مخالف

الصراحه ما عندي خبره ....بس حبيت اقووولج حضج انج ولدتي

وعقبااااااااااالي يارب ......لاني بدخل العاشر بعد 6 اياااام

حبيت اقولج شي بخصوص شد المهبل

تمارين كيجل مافي افضل منها .. وهي طريقة مجربة ومضمونه ومافيها ضرر ان شاءالله

انا عن نفسي سويتها ايام النفاس وكانت النتيجة ممتازة بس لازم تداومين عليها تقريبا كل

ماتذكرتي سوي التمرين 3 مرات .. وانتي نايمة وانتي واقفة وانتي جالسة ... طول اليوم :)

1- انا في ولادتي السابقة ما خيطولي وقالوا ما احتاج لخياطة ، والحين في ولادتي الحالية
( خامس مولود ) نفس الشي صار وما خيطولي !!
**الغاليه ايام قبل ماشي شي اسمه خياطه وكانت المنطقة ترد نفس ماهيه..بس لو تشوفين انه المكان وسيع ممكن تسوين عملية تضيق..


2- متى ممكن ابدأ اسوي رياضة للبطن ورياضة المشي ؟؟
**يوم تحسين انه تقدرين تمارسين التمارين مارسيها..


3- شو الاكلات التي ممكن تزيد الحليب حتى يشبع طفلي ؟؟
**الرهش والحليب بمشتقاته. وطبعا اولا واخرا النفسيه الغاليه...


4- عندي امساك وما اعرف كيف اتخلص منه .. وكأني في ولادة ثانية !!!
**عليج بالفواكه والعصاير والماي..

هلا و غلا فيج
:shy:
1- انا في ولادتي السابقة ما خيطولي وقالوا ما احتاج لخياطة ، والحين في ولادتي الحالية

( خامس مولود ) نفس الشي صار وما خيطولي !!

المشكلة الكل قال لي اني غلطانه وكان المفروض اني اطلب انهم يخيطون لي .. وسؤالي هو

كيف ممكن اضيق المهبل بدون خياطة !!

حبيبتي دام وصلتي للطفل الخامس فأنتي تحتاجين خياطة تجميل للمهبل
الوصفات و التمارين بتفيدج شوي بس الخياطة التجميليه بترجعين بنت
و انتي ضروري تسوينها لانه ولدتي الطفل الخامس ماشاء الله الله يخليهم لج

2- متى ممكن ابدأ اسوي رياضة للبطن ورياضة المشي ؟؟
المشي و الرياضه بعد الاربعين علطول
لا تتكيسلين خاصه في المشي

3- شو الاكلات التي ممكن تزيد الحليب حتى يشبع طفلي ؟؟
كل انواع السوائل و السمك و الخبز
الراحه الجسديه و النفسيه و نومك نوم كافي
الابتعاد عن الارهاق و التعب

4- عندي امساك وما اعرف كيف اتخلص منه .. وكأني في ولادة ثانية !!!
في البدايه اخذي 20 مل ( جلوكوفاج) هذا شراب موجود في الصيدليه
و دايما يعطونه للمرأه الوالد بعد و لادتها مباشره
فأنتي اخذي منه مرتين اوو ثلاث و بعدين وقفيه
و ابتدي بشرب الماء و الفواكة خاصه الكيوي و الخوخ

ارجوكم اللي عندها خبرة وتجربة تفيدنا ونكون لها من الشاكرين !!!
اتمنى اني افدتج:)

بسمات وضحكات :

اشكرك على نصيحتك .. فعلا احس اني بخير وممكن ابدأ بالمشي من الحين

لكن الاجواء ما تساعد وعندي جهاز للمشي في بيتي ومجرد ارجع لبيتي ببدأ المشي بإذن الله !!



ام طيف ورهف :

اشكرك .. وبعد شوي ان شاء الله بوصي اخواني على كل انواع الفواكه الموجودة

لأني كنت آكل التفاح والبرتقال والعنب فقط وحذروني من الموز والمانجو وخربطوا لي راسي !!!

اما الحلبة فهي فعلا مدره للحليب امي كانت تعطيني في ولادتي السابقة وكنت احس بالفرق !!

اختي اكلت مخي من كثر ما تزن على راسي وان ريحة الحلبة تمسك في الجسم !!!

كثر الزن يأثر في النفسية والوحدة تكره الشي حتى لو هو مفيد !!!


مراوي :

مشكووورة على تمارين كيجل وبالفعل بدأت اسويها !!



خرزة زرقة :

بالفعل ما كنت اهتم بنفسي واااااايد ، بالنسبة للثلاث ولادات الاولية كانت في خياطة

والمشكلة ماكنت تخطر ببالي ، والولادة السابقة جاني مثل الوسواس كم يوم وعقبها طنشت

الموضوع !! وبعد هالولادة قلت في نفسي خلاص بدبر نفسي ولا اتحمل آلام الخياطة !!

وللأسف رجع الوسواس من جديد !!!:sad:

وبالنسبة للأمساك بسوي الطريقة اللي قلتي عليها واذا فادت بدعي لك بكل خير !!

المشكلة اول مرة اعاني من الامساك وما كنت اعرف انه مؤلم !!


"وعلى فكرة وانتي ترضعين البيبي اقعدي فكري قولي في خاطري لازم اخليه يتعود عالطبيعي وكثر ماتفكرين بالرضاعة الطبيعية سبحان الله المخ يبرمج هالنفسية والافكار اللي تفكرين فيها وتدفق نسبة الحليب اكثر "

سبحان الله !! انا وحدة فعلا أمل من الرضاعة !! واحس انها مضيعة للوقت وخاصة مع طلبات العيال

اللي ما تنتهي !! الله المستعان !!

الله يتمم لك على خير ويرزقك بالذرية الصالحة ويقومك بالسلامة انت والبيبي يارب !!


flower_world :

الله يتمم لك على خير ويرزقك بالذرية الصالحة ويقومك بالسلامة انت والبيبي يارب !!

roseqatar :

مشكورة اختي .. شجعتيني بالفعل للتمارين .. لكن لين متى اتم اسويها !!!!!

حبايبي

اكمل معاكم عقب .. بنتي تصيح !!!

البتول صدقيني العمر يركض بسرعه والحمدلله عندج عيال عسى ربي يحفظهم لج.........بس لاتهملين نفسج....شوفي بنات اليوم من اتزوجنا خلاص اهملنا نفسنا طبعا مب الكل....والله العمر يركض بسرعه استغلي وقتج وحياتج ادلعي وكشخي واتزيني وبنفس الوقت اهتمي بعيالج لانهم هم زينة حياتج والله يالغالية عمرنا يركض واحنا هاملين نفسنا عالفاضي سواء من الداخل والا الخارج....وصدقيني النفسية تلعب دور كبير وانا حسيت من كلامج وفهمتج....بس دوم ادعيلج يالغالية....وصدقني التزمي بهالاشياء وبتشوفين ونصيحة غير لاتعتمدين على الملينات من الصيدلية وهالخرابيط بل على الفواكه واللي نصحتج لانه بتفيد الامساك وبنفس الوقت باثر في الرضاعة وادرار الحليب باذن الله.....

وزين انه عندج جهاز المشي خلاص امشي عالجهاز بدال هالجو الارف الحار محد يقدر يطلع....

وسمعي الحريم مال اول والا الحين يتفلسفون وايد............اذا اكلتي هذا قالوا مب زين لين يعقدوا فينا فظني انتي فاهمة ودارسة اعتمدة على البحث والقراءة والاطلاع وشوفي المفيد.......لا تسمعين سوالف الحريم وخرابيطهم.....اول ترا غير .....والحين زمانا غير وخاصة شوفي كل شي جهز ومعلب ..واكلات سريعه كل هالاشياء مضرة.....اهتمي بعمرج من اصغر شي لين اكبر شي

ربي يحفظج الغالية انتي وعيالج الاموووووووووووووووورين

ويارب يرزقني انا اللي دوم اتمنى هالشي

سبحان الله وانا حالتي من حال البتول في مساله الامساك والله اتعذب حيل ومش عارف حل للحين:(

وانا اعاني من صعوبه في الامساك وش الحل وش اسوي
؟:(

مشكووووورة حبيبتي خرزة زرقة على نصايحك المفيدة واللي تبرد على القلب !!!

وتراني الحمد لله محافظة على نفسي والدليل اني قبل حملي الاخير كان وزني 62 وطولي 162

اما زوجي .. فعيالي كوم وزوجي كوم !!! والحمد لله ما اقصر معاه من ليالي رومانسية واكلات

متنوعة ودايم ادور على الحركات الجديدة في المنتدى عشان اسويها له ..

بس مشكلتي في كرشتي :sad: اكرهههههههاااااااااااااااااااا !!!!!!

والمشكلة الثانية في المنطقة الحرجة !! :confused:

انا بديت اسوي تمارين كيجل حسب ما نصحوني البنات اما الخياطة فمستحيييييييييييييييييل !!

انا ما صدقت بديت انسى الولادة !!!:qaq:

والله يرزقك ويرزق كل المتزوجات بالذرية الصالحة .. لا .. وتوام بعد !!

وتقر عينك بهم ويكونون عون لك ولأبوهم يا رب !!!!

هلا البتول اختي وش صار معاك مع الامساك
الله يخليكي ردي علي لاني خلاص تعذب حيل:(:

العفو يابعد عمري..........والصراحة طلعتي وحده خطيرة موهينة ومن حقج يالغالية تتشكين من الكرشة والمنطقة الحساسة لانهم اهم شي عند البنت..........حاولي تسوين المستحيل عشان ترجع احسن من قبل ..............واشكرج على الدعوات ...........وعسى ربي يعطينا ويرزقنا جميعاا بالخير

هلا الغاليه البنات ماشالله كفو ووفوا وماعليج شر انشالله..

مشكوووووووووووورة لجميع الاخوات اللي افادوني انا وغيري من بنات المنتدى بنصائحهن

المفيدة ..

بشبشة تراها فرجت معاي هاهاهاهاهاها والفضل لله ثم لبنات المنتدى

اكثري من شرب الماء واكل الفواكه والخضروات ولا تنسين تنوعين في اكلك ..

لأنك لو التزمتي بأكل معين غير منوع بتعانين اكثر واكثر .. لازم التنويع والأكل من كل شي .

والله يفرجها عليك يا رب !!!

وش اسوي مازال الامساك ذبحني