۞ التـــــــــــــوبه ۞

التـــــــــــــــوبه


من كل حرف وكل شهوة صبابـة
استغفـر الله وتعـوذ مـن إبليـس
أعوذ باللـي آوى عبـد وسرابـه
لاجي نهار الحشـر امـرئ ألقيـس
يـارب يـارب الكـرم والمهابـة
يالي لك أعلام الاوادم منـا كيـس
جردنـي مـن النابيـة والسبابـة
ولبسني من دروع هديك متاريـس
تعبت من مسـك القلـم والكتابـة
والشعر وفتـن النسـاء والأباليـس
والمدح في عـزوة وشيـخ وقرابـة
واللاء ... لدعوات الراضين والليس
والحب وما حولـه ومالـه وهابـة
والدمع لاهبـت علـى النسانيـس
والشوق وغفـال العقـل وانغلابـه
والليل وخطط ألدها...والجواسيـس
والشهرة وحكي العـرب واللبابـه
وزملوق شف ماتعسـة عواسيـس
وحصر اسمي فشاعر فساحة غرابـة
شعارها فيهـم رخـوم وملاحيـس
تاكي علـى إرث الاسـم بالنيابـة
واقطف خلاصة ماغرسوه الغوا ريس
أقفي مـن الله ولأمـل والرضابـة
وأروح أدور من ورا إبليس أحاسيس
أسهر على فـن الكلـم والخطابـة
وأصبح ولين اللي جمعته حما ليـس
قلبـي لـعـزاف الأودام ربـابـة
وراسي لخطوات الشطانه دواعيـس
تقودني نفسي ولا أشعـر وألا آبـه
مالت عليها عاصيـات الهواجيـس
من عنده إن كل الشعـور يتشابـه
روس مع اللي في الدحادر مرا ويس
الإثم ماحاكه في خفوف وخفا بـه
والخيـر ماشاعتـة روس النواميـس
كم شي صـار وصـار ويندرابـة
وكم نومـه ماكدرتهـا كوابيـس
ترى ماأحد له فـي رقبتـي طلابـه
بس الصراحة من شـم الفواعيـس
والرجـل إذا مايعتبـر فـي شبابـه
يعيب قبل يشيب ويشيـب ويخيـس
ياراجي ارجي اللي ماينصـك بابـه
لاترجي الو هبات من هيس أبن هيس
أستغفـر الله واتـقـي عـذابـه
اللي فرقني عـن حيـاة المتاعيـس
من قبل لاأعرف الهـدى واعنابـة
أنا همي والحـزن face to face
والحيـن لله ... الفضـل والإنابـة
متعافي .. ويمشي على زندي التيـس
هادي ... يشوشني طزيـز الذبابـة
لأعـد الأيـام الغبيـة ولا أقيـس
شريت عقلي فـي سـؤال وإجابـة
أنا اعبدا لله ... وألا أعبد الوساويس؟
نـده خفوقـي وانجلابـه ضبابـه
سجدات ليل ظالمينـة منـا عيـس
ف أجواء مكة والحـرم والرحابـة
لايابعـد رومـا ولنـدن وباريـس
هذي ديار المصطفـى والصحابـة
وهذيك دار إبليس وعويـل إبليـس


الشاعر سعد علوش