أبو فاق

هلا اختي..مم مافهمت ابو فاق بس اتوقع البوشاق قصدج..

حاولي اطلعين الهواء او ادسعينها بلهجتنا كل ماشربتيها حليب..

وشربيها ماي ع الاقل مرتين ف اليوم..

وعشان الاذن حاولي تضغطين ع اذنيها بالخفيف فاذا صاحت فهذا يعني فيه الم ف الاذن..

شربيها ماي اكثر من مرتين ..

والاذن مادري

عادي حبيبتي

انا كنت كاتبه مشكلة بنتي بخصوص البوفاق وبنتي الحين عمرها 6 شهور ونص ولين يومج يجيها مرتين او اكثر باليوم ولاينفع معاه ماي ولاغيره وسألت البنات اهنيه وطمنوني وعقب سألت الدكتور بعد قالي عادي


لاتحاتين

انا كنت رادة العصر بس انقطعت علينا الكهرباء :( وراح الرد ..


البوفاق عااااادي جداً اختي ويصيب كل المواليد الجدد وما منه مضرة ان شاءالله..
عشان تتجنبيه.. دائما احرصي ان الطفل يتجشأ بعد كل رضعة.. واذا ياه شربيه شوي ماي ووفقيه خليه يتسند على كتفك شوي.. وان شاء الله بتروح..

بالنسبة لاذنه .. انتي بتلاحظين انه مزاجه مو رايق ويبكي على سبب غير معروف بالنسبة لج.. واذا فليتي اياديه بتشوفينه يرفع ذراعيه الى مستوى وجهه ويحرك وجهه يمين ويسار وهو يبكي..

ومثل ما قالت العهد.. ضغطي على اذنه على خفيف واذا شفتيه يتألم يعني عنده التهاب..

وعادة بعد التهاب اللوز اذا صار شديد يمتد الى الاذن ويصيبها الالتهاب..

ان شاء الله ما عليه شر..

هلا حبيبتي هذا شي عادي لاتحاتين ويوم بيكون فيه البوشاق(ابو فاق) رضعيه وبيروح عنه انا ولدي يوم ارضعه يروح عنه ولاتحاتين حبيبتي وعن الاذن ماعندي فكره اتمنى البنات يفيدونج..

مشكورين خواتي على الرد


أدري أنه عادي ومافيه مضرة عليها بس السالفة ومافيها اني ما أطيق أبو فاق وأضايق منه
وأذا جاها ابوفاق أرضعها وبعض الاحيان يجيها بعد ما أكمل من رضاعتها والمشكلة انها ماتشرب الماي اخلي المرضعة في بوزها وماترضى تشربها



عندي سؤال
ياكثر الأسئلة :shy:


لازم بعد الرضاعة أجشيها لان اني بعض الاحيان اذا رضعت ونامت مباشرة مارفعها واجشيها بس امسح على ظهر خفيف وبعض الاحيان اخليها على جنبها اليمين لان اذا حركتها أقل شي تقعد واني ابغي انام بنتي واجدتقعد ما الحق اخليها في سريرها خمس دقائق او ربع ساعة وتقعد خصوصا في الليل بكثر ولذلك ما اجشيها بعض الاحيان عشان ماتقعد لي



السؤال الثاني

في حرمه قالت لي خلي ويه الماي سكر أطفال عشان تشربه
يوم سألت الصيدلاني قال مافي سكر للأطفال هذه مواد مركبة ما انصحج بها

ويش اعمل علشان تشرب الماي ؟



راجع اليكم ......:smile:

فيه اختي سكر نبات .. حطي منه قطعتين صغار وحركيه لما يذوب.. وان شاء الله يشربه البيبي..

بالنسبة لمسألة التجشؤ بعد الرضاعة .. اذا حسيتي انها تعبانة وراح تنام وهي ترضع.. اتخذي وضعية معينة وهي انك ترفعين رجلك اليمين وتخليها واقفة .. واليسار عادي.. بحيث يكون الطفل على زاوية 45 درجة.. ( ان شا ءالله فهمتي من الوصف ) وراح تلاحظين بنفسج انه خلال الرضاعة راح يتجشأ اول باول .. ويخرج الغازات من تحت بعد..

على فكرة هالطريقة بعد وايد زينة حق ظهرج وما تألم مثل وضعية الرضاعة العادية..

واذا كان مو متعود ينام بهالوضعية.. بعد ما تخلصين الرضعة .. نزليه عادي ونيميه بالتربيت.. وان شاء الله ينام لج اذا فيه نووم