شسوي معاه

مرحبا بنات

بنات انا عندي مشكلة مع ولدي .. عمره سنتين و3 اشهر .. انا من حوالي شهر وشوي تقريبا قطعت عنه الرضاعة ، ومن قبل كانت الرضاعة هي المنوم له .. لكن الحين بعد ما قطعتها عنه فقدت السيطرة على نومته .. يعني ما في طريقة ثانية اقدر انومه بها :sad:

وطبعا صاير ينام على كيفه .. والمشكلة الاساسية انه ما يبغي ينام في سريره.. لا ، يبغي ينام في سريرنا .. يعني يقعد يلعب للساعة وحدة او وحدة نص وبعدين يرمي روحه وينام .. وغالبا احنا اللي ننام قبله ، واذا قعدنا وشفناه نايم نحطه في سريره لكنه اذا قعد يرد يجي ينام في وسطنا ..

مو عارفة شلون اخليه يجوز عن هالطبع لان هالشي بعد ماذينا وايد يعني ما نعرف ناخذ راحتنا في نومتنا ونقعد الصبح ظهورنا متكسرة لان نتم طول الليل نايمين على حافة السرير ، اضافة الا انه وايد حركي سواء في نومته او حتى وهو منبطح قبل ما ينام ، وانا حامل وياما حصلت لي ضربات منه على بطني :cry:

والمشكلة ان زوجي مو موافق ان ننقله لغرفته الحين .. لان غرفته صايرة بعيدة عن غرفة نومنا ، ويقول لين ولدت وكبر الياهل شوي وحسون صار عمره 3 سنين ونص بنخليهم اثنينهم في غرفة ..

وطبعا الاكيد اذا احنا مو قادرين نخليه ينام في سريره شلون بنخليه ينام في غرفة بروحه .. مع العلم ان ولدي خواف شوي ، يعني يقعد يلعب طول الليل في غرفتنا وما يرضى يطلع برا يلعب مع انه احنا ما نطفي برا ونخلي شوية اضاءة بسيطة هناك .. فأكيد انه بيخاف ينام في غرفة بروحه الحين .


عطوني شوية افكار او نصايح اقدر اخليه ينام في سريره من رضا نفسه بدل ما ننتظره ينام ونحطه في سريره .. لاني طفشت منه :angry: