اليوم جايبة لكم تشيز كيك بطريقة حلوة وبسيطة .. اكيد الكل يحب التشيز كيك بس ملينا من الطرق المعتادة له
فهالمرة بنغير شوي
[CELL="filter:;"][ALIGN=center]المقادير[/CELL]
علبة جلو أحمر ( كرز او توت او فراولة )
علبة جلو أزرق ( توت بري )
بسكويت دايجستيف
زبدة
ملح - قرفة
جبن كريم ( كيري او فيلادلفيا )
حليب مركز
قشطة ( حسب الرغبة )
ماء ( نصف كمية الماء للغلي والنصف الآخر خليه مثلج )
[CELL="filter:;"][ALIGN=center]الطريقة [/CELL]
1- ذوبي الزبدة على النار وافرمي البسكويت ... وبعدين اخلطيهم مع بعض ورشي عليهم شوية ملح وقرفة عشان النكهة وابدأي بعمل قاعدة التشيز كيك في صينة لها قاعدة متحركة واضغطيها زين بس مو بقوة بعدين دخليها الثلاجة
2- ابدأي بتحضير اول طبقة من الجلو ... اختاري اي لون ... اغلي الماء وحضري الجلو بالطريقة المعتادة مع فرق ان كمية الماء بتكون النصف وبعد ان يذوب الجلو تماما .. اضيفي الماء المثلج ( نصف الكمية المتبقية ) وحركيه جيدا
لو حسيتي انه حار اتركيه يفتر تماما في حرارة الغرفة وبعدين صبيه على القاعدة ودخليه الفريزر لمدة لاتقل عن 10 دقائق وراقبيه باستمرار ( عشان يتماسك بس ما يثلج )
3- في هالوقت ابدأي بتحضير الطبقة الوسطى بخلط الجبن مع الحليب المركز والقشطة اذا حسيتي ان المزيج ثقيل ( انا ما التزم بمقدار معين على حسب رغبتي في طعم الطبقة )
4- بعد تماسك الطبقة الاولى ضعي الطبقة الوسطى بانتباه عشان ما تنزل على الاولى وهالمرة خليها في الثلاجة عشان تتماسك شوي
5- حضري الطبقة الثالثة ( الحمراء ) بنفس طريقة تحضير الطبقة الاولى تماما وصبيها فوق خلطة الجبن ودخليها الفريزر مرة ثانية عشان تتماسك وانتبهي لا تجمد ( عشر دقايق تكفي
بعد ما تجمد الطبقة الاخيرة برديها في الثلاجة وقدميها بعد التزيين حسب الرغبة
[CELL="filter:;"][ALIGN=center]ملاحظة ( يمكن تغيير طبقات الجلو حسب الرغبة وحسب المتوفر )[/CELL]
بالعافية
