شلون اخلي ولدي يقبل المصاصه؟؟

هلا ومرحبا فيج اختي مراوي بركن التربية والطفل.. ان شاء الله تستفدين في الركن معاناا..


اختي بالنسبة للمصاصة.. عن نفسي ما استخدمتها لولدي والسبب زوجي ما رضى .. رغم ان ولدي كان اكبر صياح في العالم.. وشيء اكيد تعبت وايد معاه...

لذلك انا مقررة مثلج البيبي الجديد لازم لازم اعطيه لهاّية.. تريح وايد خصوصا في فترة الاربعين..

انتي اكيد تلاحظين انه حتى مرضعة الماي ياخذها بصعوبة، ولو ما يحس انه فيه نتيجة لمصه مرضعة الماي ما مصها.. لذلك لا تعطينه المصاصة وقت ماهو جوعان.. لأنه اكيد ما بيبغيها.. يبي شيء يدخل جوفه..
ولا تعطينه اذا توه قاعد من رقدة طويلة ومافيه نووم.. لأن اساساً اللهاية تخدر الياهل وتخليه يغفو..

فلو تجربين تعطينه اياه .. بعد ما يشبع من الرضاعة.. وتجشينه.. وقبل ما ينام.. يتعود انها تصير معاه وقت نومته.. وبعدين شوي شوي.. اعطيه اياها بعد فترة من الرضاعة .. بعد نص ساعة او ساعة.. حتى يتعود انها شيء للنوم..


بس انتبهي اختي اذا اخذها ان شاء الله .. لا تخلينه يمصها اكثر من ستة شهور.. فطميه منها بمجرد بلوغه الستة اشهر عشان بعدين ما يعذبج اختي..

الياهل طالع فرش من بطنج ما يعرف شيء.. ولازم تعليمه فيه شيء من الصعوبة.. حاولي ولا تيأسين.. وبشرينا ان شاء الله انج نجحتي..

اختي مراوي شوفي الموضوع وايد حلو يعطيج معلومات مفيدة عن المصاصة...

ولا تقولين طويل اقريه كله للآخر .. سمعتي؟ <<<< شريرّة ههههههه

من هنا


الا ما قلتي اختي... شنو سميتي المحروس؟

مشرفتنا ما قصرت ... وانا معاها
لو كل مرة جربتي معاه بالتدريج راح يتقبلها بس الله يعينك لو تعود عليها وماقدرتي تخليه يتركها

مشكوره جمانه بحاول معاه مره ثانيه رغم اني يأست
حتى لو اعطيها اياه وقت اللي بينام وهو مغمض يردها بجرب اليوم اذا قاعد اعطيه اياه

و هالنتيفه سميناه محمد :)

==========

رومي الله يسمع منك وياخذها خل يريحني شوي ابي اتنفس تعبني الله يحفظه

حاولي اتغيرين نوع المصاصه الله يعينك الين ماتعجبه وحده منهن

والله اني مشكلتي عكس مشكلتش لانه بنتي عمرها الحين اقل من شهرين بجم يوم تعودت على المصاصه لانها واجد صياحه وكنت بفترة امتحانات ابي اراجع والحين تعودت عليها بس ما شاء الله عليها تعرف حزة الرضاعه ما تبيها بس المشكله انه ما تنام الا ابها والمشكله الثانيه انه الكل يعلق على انها تمص المصاصه وهذا الي يضايقني

والله تبين الصراحة انا ما احبها .. لأنها تعبي البطن هواء .. يعني شي بلا فائده .. والبيبي .. ما يصيح كذا بدون سبب .. اكيد المغص وانا عارفة قد ايش يتعب .. بس ما شي بدون تعب .. وكيف تبلغ الام هذي المنزله ولها هذا الاجر .. سبحان الله .... .. والمغص له حل .. انه تغلي يانسون وشمر (سنوت) وحلبه .. وتحليهم بعسل .. وتعطيه بالرضاعة 1 سم أو أقل طبعا عشان صغير .. وينام على بطنه .. وتمر هي كله كم شهر .. وتنتهي المشكلة .. لكن المصاصة .. مجرد بلاستيك .. وتحتاج إلى تعقيم .. ونظافة شوي .. تحسي الموضوع صعب شوي ..حاولي والله يقدم لك الخير ..

والله يحفظ المحروس حمودي ..

سلام عليكم

انا ماعندي خبررره للاسف كان ودي اساعدج بس بادعيلج انشالله من عيوني .....

بس انا بغيت ابارك لج علي البيبي ...فديتج ابي اسمع قصه ولادتج لاني كنت متابعه مشترياتج للبيبي ههههههههههههه

الحمدالله علي السلامه ومبروك يتربى بعزج وبعز ابوه انشاءالله وبوسي لي النونووو

تحياتي

[grade="008080 4169E1 00008B 00BFFF"]مااعرف للاطفال بسسسسسس حطي له عسل خفيف عليها
بس اسالي قبل يستوي لبيبي يلحس عسل خخخ[/grade]

مشكورين حبيباتي على مساعدتكم لي

و ابشركم .. بائت المحاولات بالفشل :(

بس بجرب احط له عليها ماي نبات يمكن يقبلها

دلوعه حبيبي .. ان شاء الله بحط قصه ولادتي وانا من زمان ابي احطها لاني ابي البنات خصوصا البكريات يستفيدون من بعض الشغلات اللي فادتني بولادتي .. تابعيني بمنتدى الحمل و الولاده ان شاء الله عن قريب بنزلها هناك بس الله يهدي حمود ويعطيني فرصه اكتبها بضمير :)