حبي وتعاستي وحياتي

:sad: :confused: :sad: كنت صغيرة عمري 13 سنة فتحت عيني ولقيتوا قدامي وهوة اكبر مني باربع سنين
مرت الايام ومر من العمر 10 سنين وصرنا كبار
كان حبنا حديث الناس والاهل والاصحاب حب على طريقة عنتر وعبلى او حتى قيس وليلى
البنت الصغيرة كبرت وبلشوا الخطابة يدقو علباب وكانت ترفض وتقول لا انا ما بدي غيره

ومرت الايام كل رفقاتها تزوجو وبقيت لوحدها مع نظرت الناس وحكيين وليش ما بيخطبك وليش ما بترتبطو

وبعد هيدا كلو نزل لعند اهلي هوة وصاحبه وقلن انا بدي بنتكن وما كان من اهلي الا انن طلبو منو انو يجيب اهله وهون كانت المشكلة
ابوه مسافر بيشتغل ببلاد برا وامه ما بتنزل بدون بيه واخواته ما بينزله وصار يوصل خبر لاهلي انه امه ما بدها هلبنت


وبديت تكتر القصص ولحكايات وهوة منو قادر يعمل شي امه ما بتنزل وبيه بيقولو بدو يجي بعد فترة

وهون كانت بداية لحكاية اللي دمرتني
تقدملي عريس شب حلو متدين مرتاح ماديا وحيد اهله وكل المواصفات يلي فيه منيحة وتمام
الماما فكرت ولقيت انو مصلحة بنتها انها تاخد هلعريس ولا تنطر شخص ممكن ما يجي ولا اهله يقبله وبديت اللعبة
نعم اللعبة يلي لعبتها امي مع رفقاتي وكل اللي حولي والمقربين مني
صارو يوصلولي حكي انه حبيبي ما بدو اياني لان اهله وامه ما بدها اياني
ومرة يقولولي انه راح لعند العريس وقال له تزوجها هي بنت كتير منيحة والله يوفقك
ومرة يقولولي انه باعتلي خبر انو ما بدو اياني وتشوف نصيبي
وكلام رايح وكلام جايية وانا عزت عليي نفسي ونقحت عليي كرامتي وكبرت براسي وقلت يلي بيبيعني لازم بيعه
تركته عندني وفيه وقبلت بالعريس وتزوجت وهوة ترك لبنان وسافر

مرت السنين وما رجع وصار عمر ابني لكبير 8 سنين وصار عندي تلات ولاد
واجا الحبيب الغايب يلي ما نسيتو ولا لحظة ولا ثانية راح من بالي
كنت دايما عندي امل انو رح يرجع ما بعرف ليش بس كنت حابة اوقف واسألو ليش تركتني ومشيت ليش ما وقفت وسألتني ؟؟؟؟؟؟؟؟؟

حياتي مع زوجي ما كانت حياة عادية لان انا ما بدي اياه حتى علاقتنا ما كانت مظبوطة

واول ما شفتو كل الماضي وقف قدامي وحسيت اني رجعتلي الحياة واني انسانة من حقها تعيش بعد ما كنت يئست من كل شي واي شي وما عاد شي يعنيلي

رجع حبيبي وما كان مني الا اني تصلت فيه وسالته ليش صار هيك ليش تركتني ومشيت وكان جوابه يلي دبحني انه انا اللي تركته وكتشفت اللعبة يلي صارت وكان ابطالها امي ورفقاتي واقرب الناس الي واغلاهم عندي
هوة ما تزوج لان ما بيقدر يحب انسانة تانية وما بدو يضحك على بنات الناس
وانا ما فيني شوف غيره قدامي
صارحت اهلي انو انا بدي هلشخص وواجهت الكل وقلتلن انتو ظلمتوني والكل ندمان بس شو بيفيد الندم
زوجي بيعرف اني ما بحبه وعلاقتنا الزوجية مش مظبوطة مش من هلأ من اول ما تزوجنا
انا بحبه لحبيبي وهوة بيحبني بس اهله ما ممكن يقبله انه ياخدني وخاصة انه تزوجت وصار عندي تلات ولاد

هوة بيحبني بس منو قادر يرتبط فيني لان شغله مع اهله ومن دون اهله ما بيقدر يعمل شي
عمرو صار كبير يعني كم سنة وبيصير بالاربعين
من ست شهور لتقينا لاول مرة بعد انقطاع تام لمدة 8 سنين
بحبه وبموت فيه والدنية بلاه ما ممكن اتخيلها وهوة بيحبني بس بيحاول قد ما بيقدر يقنعني انه ضل مع زوجي وولادي لان هوة منو قادر يعمل شي

شو رايكن بقصتي وشو بعمل يا ريت ما تستهونو حبيباتي بالحل لان انو انساه صعبة او ابعد عنه مستحيل
وبنفس الوقت شو بدي اعمل


حياتي تعيسة واتعس ما يكون
يا ترى بضل عايشة حياتي يلي بديت بكذبة وبضل عايشة بكذبة كبيرة
ولا شو بعمل مع انسان حبني واثبت بجدارة مدى حبه انه انسان عاش وحيد وما تزوج ولا حتى كون مستقبل ولا عيلة
شو الحل ومع مين وبايدي شو اعمله