حبي وتعاستي وحياتي

حبيبتي اتقي الله في زوجك واولادك وارجعي الي رشدك انت الان ام واجبك كام اسمي من اي شئ تاني في الوجود اتجهي الله واطلبي منه ان يعنيك ويبعد عنك الشيطان

الله يهديج
بس تدرين ليش مو قادره تركزين بأي شي .............................................



لأن الشيطان قاعد يوسوس لج .. وتدرين ابليس شو أكثر شي يفرحه .؟؟؟؟؟؟؟؟؟؟؟؟؟؟؟


أن يفرق بين المرء وزوجه >>>>>>>> من أكثر الأعمال اللي يسعى لها الشيطان


وانتي قاعدة تسهلين له الطريق .. والله صدقيني شعورج مسألة وقتيه ارتبطت وتأججت برجوعه
وهالحب اللي تتكلمين عنه أكبر وهم وانتي تحاولين تعيشين روحج فيه


وبصراحة بعد هالكلام ان تركتي أولادج وبيتج من اجل هالرجل فاسمحيلي وسامحيني على هالكلمة .............................................................









أنتي إنسانة بلا قلب .. ولا خير فيك مع هالرجل دام ان لا خير فيك مع من قبله وهم زوجج وأولادج



ومرة ثانية سامحيني والله ما قلت هالكلام الا عشان تصحين من هالوهم اللي بيدمرج

بارك الله فيكم اخواتي الحبيبات
انا رح اعمل بنصيحتكن ووكل امري لله
واللي الله بيريده بيصير

حبيبتي انتي ضحية وانا حاسة بمعاناتك

لأني ضحية من نوع آخر

لذلك لا تتهوري في تصرف قد يضيع منه 3 اولاد

وتنهدم حياة لأنك لن تضمنين ان يتركك اهل حبيبك تنعمين بحياة هادئة

وتحياتي

business_girl

ما شاء الله عليك تبارك الرحمن ونعم التفكير والعقل

الله يحفظك الغالية

وانا انصحك اختي لبنانية تطبقي نصيحتة اختنا الغالية عن قبام الليل والدعاء ان الله ييسرلك الخير دوم ان شاء الله :)

الله يهديك حبيبتي...بالله عليك لا تفكري بأنانية بس مشان خاطر أولادك
أنا مش حقدر أزيد على الي قالوه الأخوات
إنت بس حكمي عقلك ساعتها قلبك ح يرضخله و بكل رضى
الله يخليلك أولادك و زوجك المسكين

مشكورين اخواتي
حبيتي مرايم كلامك اللي طالع من قلبك وصل لقلبي ما بعرف ليش ومعه غصة ما بعدها غصة
حبيبتي ملاك انا رح اعمل بالنصيحة واصلي قيام الليل وكمان ما رح انسى الاستخارة مع اني عطول بصليها وبطلب من الله يفرج كربي وهمي

حبيبتي ساغو انا رح حكم عقلي بس كمان ما فيني الغي قلبي
والله يكون معي

ادعولي انه ييسري يلي فيه الخير

عزيزتي لبنانيه

لا تنسين ان انتي الحين مش لوحدك عندك أبناءك لازم تفكرين فيهم وفي حياتك

الحب مب كل شي عزيزتي،، ومش غلط الزوج اللي خذاك يتحمل ذنبك،، اذا هو فعلاً كان يحبك كان جاك من البدايه وخطبك وتزوجتو

لازم الإنسان يتنازل عن امور علشان ما يهدم بيته،،

وينه كان طيلة الثمان سنين ،، ليش ما كسر الدنيا عليك لما خطبك زوجك،، الحين جا لما صار عندك بيت وعيال وحياه كريمه

عزيزتي ،، لا تمشين ورا قلبك وتتركين الأساس

انسي الموضوع ،، وإتركيه،، من ترك شيء لوجه الله عوضه الله أخير منه




سفيرة فوق العاده

اختصر كلامي بآية قرآنية ( وعسى ان تكرهو شيئا وهو خير لكم )

الغاليه لبنانيه

أنا مع كلام البنات كلهم

واحب أزيد مثل معروف لنا كلنا (( ان لم يكن ماتريد فرد مايكون))

هل حاولتي اتحببين لزوجك؟؟

صدقيني هالدنيا مرآه اللي يزرع فيها يحصد

ومثل ماقالت سفيرة : وينه من ثمان سنين !!!!!!!

أكيد سمع انك مخطوبة ليس ماأثبت حسن نيته

وفكره ثانيه كثير من الرجال يحبون ينتقمون: ليش مايكون تغير في هالثمان سنين ورجع ينتقم

وهل معنى انه ماتزوج انه يحبك!!!!!

ماتردين شنهي اسبابه

تعوذي بالله من ابليس

واحضري دروس دينيه

وقومي الليل وحطي سورة البقرة في البيت تطرد الشياطين

والله يوفقك ويمسح على قلبك بالإيمان

وماكل مايمنى المرء يدركه

والحمدلله رب العالمين

حبيبتي الجوهرة
كلامك جواهر وانا معك بكل كلمة
بس في شغلة كتير حابة اتوصلا لارتاح
كيف بقدر اتأكد انه راجع لينتقم وبأي طريقة

وشو ممكن يكون السبب اذا ما كان حبه اللي منعه يتزوج ؟؟؟؟؟؟؟؟؟؟

مراحب اختي لبنانيه ...........كيفك وكيف احوالك انشاء الله امنيح .............شوفي بدي ايلك شغله بعد ما اريت رسالتك ...؟؟؟؟...انتي فكري وروحي بشوي بعئلاتك شوي مع الحبيب ...اتخيلي انك زوجته وبئيتو مع بعض .واول الايام اكيد بتكون عسل ...وبعد بفتره تبدى اتبلش المسرحيه ....راح اتؤلي شو هي المسرحيه .؟؟؟؟؟؟؟؟؟؟؟؟؟؟؟؟..راح نبدا نبلش فيا ...ازا انتي بالاول التي انو اهلو عم بتحكمو فيه مش هيك ...؟؟؟؟؟؟؟؟؟؟ وهو لساتو عزابي ...فشو راح يعمل لما بدو يتجوز ...اي راح يكون كل اصغيره وكبيره بدو يرجع فيا لعند اهلو وبلش يحكيلهون .وحتى على اشياء بتكون خاصه فيكون ..ومهما انتي حاولتي انك اتغيري من طريئتوا ما راح تئدري ..ليه ...؟؟ لانو ..من شب على شي شاب عليه.....وهو اتربى على هيك شي ...فرحمت ربك ابعدك عنوا لان رب العالمين بيعرف شو عم بيناسبك ..فسخر اليك اميك لحتى تعمل معك هاي الأصه مشان يبعدك عنه ..ولا امك ما راح تعمل شي من غير ما ربي يكون هو رايد هيك شئ .................وشوفي من االاصص كتير عم بتحكي عن هيك مواضيع انو حبو بعض بس ما ادرو يتكيفوا مع الي حولهن وحوليهون واطلئو بعد ما جابو اؤلاد وراحت سنين حبن مع الهواء ........فلما صار معك هيك شي فهاي رحمه من رب العالمين اليك ...............وانتي ومع حالك عم بتانبي ضميرك وامك على الي صار ...وانتي ما عم بتتميزي انو هاد في مصلحتك ...كمان مصلحتك صعب تعرفيها كلها عن الحبيب ..فربنا بيعرف كتير عنه لكن انتي بتعرفي الضاهر منوه بس.,,,,,, ولا فيه شغلات اكتيره ما تعرفيها عنه ..ويمكن لما بتعرفيها راح بدك تكرهيه وتكرهي كل شي حبيتيه فيه ...وكمان انتي الك الظاهر منوه .............؟؟ انو ما اتجوز مشانك هاد الي انتي شايفتيه وعم بيحكي هو فيه مع انو ممكن يكون فيه سبب اكبر من هيك شي بس بدو يئلك هيك مشان يتعاطف معك ............................؟؟وازا بتفكري بالحب والذكريات الجميله الي بيناتكون .....فاحنا كمان النا زكريات حلوه في كل شي في حياتنا بس لازم نبعد ونغير الي بنحبو مثلا ماراح اجيبلك مثال على الانسان راح يكون شي تاني .....................................انتي عشتي في بيت اهلك واليك هونيك زكريات كتير حلوه وعلى عمر كتير يمكن اكتر من حبك لحبيبك .........ومع هيك بيسكن الواحد في بيت جديد وبيغير الاديم ..........مش هيك .ومع الايام راح تنسيه هاد البيت الاديم ..مع مرور الزمن ....بس لما ترجعي لمجرد الزياره لهاد البيت وتشوفيه لاول مره بعد فتره كتيره يعني سنين .........,,,.شو بيصيرمعك....؟؟؟؟؟؟؟؟؟ تبدا الزكريات ترجع والحنين لايام كنتي فيها لساتك صبيه وتتزكري ..هون كنتي تلعبي ..وهون كنتي تاكلي ..وهون وهون ....بس بنفس الوئت ما بدك اتعيشي فيه مره تانيه لانك خلص عملتي حيات تانيه وزكريات تانيه بتمشي مع الي انتي فيه من الزمن مع انو البيك حن للبيت ودموعك عم تجري على خدك على كتير من الزكريات ..........................فحبيبك ...هون .. اليك زكريات معه حلوه بس ما عم بينفع اتروحي معه لانه خلص اصبح من الزكريات وكما عم بتشوفيه راح تتزكري الشي الحلو فيه متل البيت راح تتزكري ايامك الحلوه فيها بس ما بتئدري ترجعي اتعيشي فيه ...................وازا بدك تعرفي اديش انتي بتحبي جوزك او انك بس بتحترميه وعملتيه كصديق راح ائلك على طريئه ولازم تعمليا ............اؤلي لجوزك انك بدك تعملي زياره لعند اهلك لمدة اسبوع انتي و لولاد ...وانتي هيك اختي معك الي بتحبيهون ................وبعدين شوفي البيك<<القلب>> شو راح يئليك جوزك ولا حبيبك .............وعليك مع هاي الوصفه لازم اتؤلي في صلاتك <<<اللهم سخرني لزوجي وسخر زوجي لي والف ما بين قلوبنا >>>>>وكرريها كتير كتير واؤلي كمان <<<<<<<<اللهم اني انا المضطر وانت المجيب >>>>وكرريها كتير كتير ........وجربي هيك وراح اتشوفي وراح تتمسكي بجوزك بتمك واسنانك وحتشوفي ................!!!!!!!!!!!!!! وراح اتؤلي صادئه<<<تذكرني ....انا غير >>>

اختي الغالية تذكرني غير
انا بالفعل حاولت ابعد فترة بس ما رحت لعند اهلي بس سافرت لمدة شهر قلت بغير جو وبرتاح من الضغط النفسي وبفكر عن بعيد
تركت زوجي واولادي وسافرت وبدل ما ارتاح زاد همي وتعبت اكتر وحسيت اني بغربة مش بأي غربة بغربة نفسية وهيدي اصعب غربة

حبيباتي قصتي استجد فيها في المور امور وبدي احكيلكن وتقولولي شو عمبيصير وليش هيك عمبيصير وشو السبب

راجعتلكن يا ريت تسمعوني وتشاركوني همي ومشكلتي ورايي جماعة احسن بكتير من رايي واحد لوحدو

ومتل ما بيقولو الموت مع الكترة بيهون
وانا برتاح لما حس حالي بيناتكن عم احكيلكن وتسمعوني وتفكروا بمشكلتي بقلب صافي وصادق ومن دون اي مصالح
انا بوثق فيكن

إنتظارك غاليتي وإن شاء الله أخبار سعيده ومبشره :)

ناطرينك عزيزتي

ولاتنسي ترددي


امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء
امن يجيب المضطر اذا دعاه ويكشف السوء

انا رح كملكن قصتي ونشالله ما تعبكم معي بهمومي ومشاكلي

انا قلتلكن انه بعد 8 سنين رجع الحبيب الغائب المنتظر ...واول شي عملتو انو اتصلت فيه وسألتو:
ليش تركتني ضعفت ومشيت ؟؟؟؟ وين كنت وشو عملت وينك من كل هلسنين؟؟؟وكان جوابو الأتي:
_ انا لما انتي تركتيني كرهت لبنان والعيشة فيه وما عاد فيني شوف شي, اول فترة كرهتك وكرهت شوفك . تركت شغلي (وهو كان بمركز مهم بالدولة وكان ختار هلسلك بناء على ؤرغبتي انه يشتغل بلبنان لأن ما بحب السفر وكمان والدته كان رأيها من رأيي)
خلاصة الموضوع تركت لبنان وفليت لابعد وكل شي اخدتو معي بشنطة السفر كان تيابسي وصورتك مع اني كرهتك بس صورتك كانت ما تفرقني وتعزيني بوحدتي.
اول سنه من سفري قعدت بلبيت وعتزلت الدنية والناس حتى انه بيه (ابوه)واخواتي قالو اني جنيت ربيت دقني وطولت شعري وكنتاكل ونام وبس وكنت منهار تماما.
بعد سنة نزلت مع ابي علشغل وصرت ادفن نفسي بالشغل من الصبح وارجع بليل وما في شي بحياتي غير الشغل وبس .
ما تعرفت على اي بنت ولا بقدر اتعرف او احكي مع اي بنت ولا بقدر حب ولا بقدر اتزوج لان ما بدي اظلم حدن معي لان اي انسانة بدي اتزوجها ما رح اقدر حبها لانك انت موجودة معي وما رح اقدر حب غيرك
نزلت هلا على لبنان واول شي كنت عم فكر فيه وفزعان منه اني شوفك وما بعرف ليش ولما شفتك كنت كتير سعيد ورجعت حبك من اول وجديد ويمكن اكتر من الاول .
قلتله : انا صار عندي تلات ولاد ما حبيت ولا رح حب حدن غيرك انت رجعت وانا كان عندي امل انك رح ترجع انا بحبك وبدي عيش معك في محل الي بحياتك ولا لا ؟
قلي: انتي كل حياتي وحبي ودنيتي
قلتلو فكر بالموضوع انا بحبك وبدي كمل حياتي معك فكر بالموضوع وشوف رايي اهلك .ونتهى الاتصال!

وصار متل خيالي وين ما رحت ماشي ورايي بالسيارة بس من دون ما يتعرضلي او يحاول يقرب عليي او يحكي معي قدام الناس

وبعد كم يوم اتصلت فيه وسألتو: شو صار معك ستشرت اهلك وشفت وجهة نظرن بالموضوع وكان جوابه:
انا ما سألتن وانتي شو عم تحكي انتي عم تقولي هيك بس ما عم تفكري .شو ذنب ولادك وشو مصيرن وانتي كيف رح تقدري تعيشي بلاهن ؟ وفترضنا صار اهل زوجك وزوجك مستحيل يوافقو ترجعي تشوفيهن قد ما كانو بيحبوكي بس تتركي ابنن رح يكرهوكي فكري بولادك وكيف اذا زوجك تزوج واحدة تانية رح تعاملن وتعذبن

انا بحبك بس ما بقبل تضحي بولادك ميشاني خليكي معن وما تتهوري وسعادتي ما فيني ابنيها على تعاست ولادك ما ذنبن شي.
قلتلو كل اللي عم تحكي مظبوط بس انا بحبك وبدي كمل معك وابني عيلة جديدة ومستقبل جديد وولادي قد ما حبيتن وخفت عليين بيت جدن كمان رح يحبوهن ويحافظو عليين لان ما عندن غيرن وبالنسبة لمستقبلن مأمن .وقراري اخدتو انا ما رح اقدر كمل مع زوجي لان ما رح اقدر حبك بشخص تاني وما بدي اظلم زوجي معي .
وخلص الاتصال.
بعد كم يوم اتصلت فيه وقلتله انا نازلة لعند بيت اهلي وقررت الطلاق وانا بدي اياك
ونزلت
وبعدين تصلت فيه ما عاد يرد عليي وسافر بعد فترة .

ولقصتي تتمة

سافر الحبيب وبقيت انا ببيت اهلي مصرة على الطلاق ورافضة انه ضلني عايشة مخدوعة بكذبة دمرت حياتي وقتلت امنية حياتي وثرت على الكل
قلتلن لاهلي انا بدي حبيبي يلي حرمتوني منه وكذبتو عليي وقلتلو لزوجي انا ما بدي عيش معك لان مش قادرة حبك ولا اكذب عليك انت طيب والله يوفقك ونشالله بتلاقي الانسانة يلي بتسعدك وبتحبك بس اكيد من دون ما اذكر سيرة الحبيب ولا اي شي عنه .
زوجي قلي انا بحبك كتير وانتي اذا تركتيني رح تدمريني خليكي معي وحاولي شوي شوي تحبيني انا بدي ياكي ومتمسك فيكي وشو ما بدك عملي فيني بس ما تتركيني بعمل شو ما بدك بس خليكي معي
بيي زوجي قلي انتي بنتي وبحبك اكتر من ابني اوعى تتركينا وكل يلي بدك ياه بيصير طلبي وتمني بس خليكي معنا
اهلي وقفو عل الحياد لان كانو عارفين هلبنت يلي دمروها شو عم بيصير بداخلها
امي بكيت الدموع دم وعترفت بغلطها بس بالنهاية قالتلي انا عملت هيك لمصلحتك واخترت الشب يلي رح يسعدك مش الشب الضعيف يلي ما بيقدر ياخد قرار وامه ما كان بدها اياكي .
ومرت الايام والايام ورجعت بيت زوجي محمولة على الاكف ومنشالة فوق الريسان بنهي وبأمر والكل بيتمنى يرضيني

رجعت بس بقلبي حرقة وحزن وماسي كبيرة وحب مش قادرة اغفل عنو ولا ثانية .

رجعت وكان عندي سؤال
ليش يا حبيبي اللي بتحبني ومستقبلك دمرتو بسبب حبك الي رحت وتركتني وانا يلي وقفت قدام الكل وقلت بحبك وينك ؟؟؟
سألت صاحبه ليش عمل هيك وتركني ومشي ليش ما قلي ما بدي اياكي ولا قلي شي؟ وكان جوابه :هوة مابيقدر يقلك بدي اياكي لان اهله مستحيل يقبله وبنفس الوقت هوة مستحيل يقدر يقلك او تطلع منو انو ما بدو اياكي .

ومرت الايام .

سمعت حكي من المقربين اله انو هوة حكي بوحدة وراجع يخطبها بالصيف .

وبعد فترة اسبوع من سفره اجاني اتصال من خارج لبنان ومن دون ما حدن يحكي رنلي وبس
واكتشفت انه هيدارقم الحبيب.بعد فترة اتصلت بالرقم وكان متل ما توقعت حبيبي . سألته ليش تركتني ورحت وما قلتلي انك مسافر ؟ قلي غلطت بهلشغلة وانا بحبك.
ومر شهر ونحنا منحكي مسج بين بعضنا .وقلي انه كل الحكي يلي عم ينحكى غلطوانو هوة ما بده يخطب حدن والبنت يلي نذكر اسمها كذبة من الناس.
قلي انتي حبيبتي وقمر عمري وملاكي وكل شي بحياتي . قلتلو تعى لعندي وخدني عيش معك قلي اهلي ما بيوافقو ومستحيل يوافقو وانا بدونن مني شي انا شغلي معن وعايش عندن .

قلتلو حاول تقنعن قلي مستحيل كل شي ممكن ينعمل انو افتح شغل خاص فيني بس كمان مستحيل لان المصاري يلي معي ما بيكفو فانسي الموضوع وعيشي حياتك وانا ذكرى نسينيوالله يخليكي ما تفكري بشي .
\

وبعد فترة كانت المفاجأة والصدمة !!!!!!!!!!!!!!!

بعد فترة تغيير كلامه ولهجته معي
فجأة ونحنا عم نقلب بوراق الماضي وليش كيف وشو ومين قلي:
انتي ما بتحبيني ولو بتحبيني ما كنتي اخدتي غيري
انتي بنيتي مستقبل وانا نتهى مستقبلي
انتي تزوجتي وصار عندك ولاد ومستقبل وعيلة وانا راكض وراالنسوان حتى انساكي ..............
وسألته ليش ما تزوجت وقلي :
انا كنت مصاحب يعني متل زواج
نصدمت للوهلة الاولى كيف وكيف تغيير كل يلي نحكا بثانية وكأني صرت عم احكي مع شخص تاني ........
وسألتو كيف
قلي انا لما سافرت بعد كم سنة صاحبت ونمت مع بنان وهلا مصاحب واحدة مزوجة بلبلد يلي انا فيه مزوجة وعندها ولاد وغنية كتير وحلوة كتير وبتبسطني وببسطها
سألته بتحبها
قلي : انا الدنية عندي ما فيها حب انا صرت بتعامل مع الدنية على انها مصالح وجنس وبس
قلتلو ممكن تقول لاي واحدة منهن حبيبتي قلي لأ لان الحب ما بيعنيلي واصلا نحنا منام مع بعض وبس والهدف عنا الجنس وبس .
وكمل حديثه وقلي انا مارست الجنس مع بنات كتير وحتى مع نسوان متزوجين لما نزلت علبنان وانا هيك وصرت هيك وما بقى بفكر الا هيك .

انا للحقيقة اول الشي تضايقت ونصدمت بس ما حكيت شي ولا حاولت حسسه بشي وحاولت احكي معه واسأله كأني صديق وضليت سايسه بالحديث لخلي يحكي كل شي عنده بس بصراحة وبدكن تسألوني ليش عملت هيك وما تركتو ومشيت؟؟؟ وانا رح جاوبكن:

انا سمعت وتفاجئت بس ما صدقت لان عندي اقتناع انو هوة اتبع هلأسلوب ميشان يخليني اكرهو وابعد عنه والتفت لمستقبلي وحياتي .
انا ويمكن كون غلطانة وانا بدي منكن تفكروا منيح بوجهة نظري وتعطوني وجهة نظركن ::انا معتقدة انو حبيبي عم يتبع هلطريقة ليكرهني فيه وخاصة انو بيعرف تماما انو عندي مبادئ وقيم دينية بترفض هلحكي وهلحركات وكمان بتصور انه هيدي المرة لمزوجة يلي مصر يصورها ويوصفها ويحكي عنها هية انا وبأحلامه وخياله

وللموضوع تتمة بس بدي اخد نفس وبرجعلكن