هانت علينا انفسنا واتشبهنا بالخفافيش

لك جزيل الشكر والعرفان على الموضوع الرائع .....


لكن كل وحده مسؤوله عن نفسها .. يعني البنت من نفسها تباها ضيقه عند الخصر او الصدر .... وانا مااقولج اني ماالبس عباءة الفراشه ... لكن وسيعه ومااحب تكون ضيقه ومحدده بالجسم .... كل وحده وتفضيلها بالخياطة .... بالعكس اتي العباءه واسعه بدون تحديد الجوانب للعباءه ....


هذا رأيي في الموضوع ...........

في بداية الأمر أشكرك أختي على الموضوع المطلوب


لكن ابصراحة أريد أذكر أخواتي


قول المولى عز وجل

( يا أيها النبي قل لأزواجك وبناتك ونساء المؤمنين يدنين عليهن من جلابيبهن ) وبهذا ظهر عموم فرض الحجاب على نساء المؤمنين على التأبيد.


وجميعنا يقوووووووووووووووووووول


نحن متغطيين ... و متسترين ... و محتشمين ..


لكن سؤالي ؟؟؟


هل متسترين كوصية الرسول عليه الصلاة و السلام ؟؟؟


العباءة المخصرة ... المزخرفة ... الشفافة ... وغيرها

بالتأكيد الجواب في أنفسنا هو لالالالالالالا


أحب أن أظيف معلومة عن (( بنت الرسول عليه الصلاة و السلام .. فاطمة الزهراء.. ))


تخيلووووووو

من شدة حرصها على أن لايبدي ولا يعرف شيء من جسدها

أنها أوصتهم بعد مماتها أن يجعلو نعشها مغطى غطاء مرتفع هذا يعني

مرتفع بخوص حتى لا يراها أحد ولا يعرف رأسها من قدميها ...


و إني لا أطلب في كل هذا إلا أن نتفكر في هذه القصة و كيف خشيتها على أن يروها وهيه ميته


فهل حالنا كحالها .. وهل خشيتنا من ملاقات المولى عزوجل كخشيتها ....


و إني أسأل من الله الرحمة و الهداية

أسأله أن يهدينا إلى الطريق المستقيم و أن يعيننا على إتباعه



(( فالقابض على دينه كالقابض على الجمر ))


فلنجدد عهدنا بالله عز وجل و لنعين أنفسنا على أنفسنا



ولنتذكر قول المولى عزوجل (( إن الله لا يغير ما بقوم حتى يغيروا ما بأنفسهم ))



و تمنياتي للجميع الخير و البركة

اشكرج عزيزتي "حورتي" وربي يحفظج

ويزاج الله خير عروس جميرا بس حبيت اقولج اختي اذا تبين العبايه واسعه فعباية الراس هي احسن عبايه....

نصيحه من اختج طماطم............ وسامحوني

بارك الله فيج ختية طماطم وجزاج عنا كل خير ................
نصيحة غالية منج يا ليت البنات يعرفون قيمتها والله الدنيا ما تسو نخسر الأخرة عشانها ..............
جزاك الله خيراً مرة ثانية وجعلها في ميزان حسناتج أنشاء الله.............

بنات ممكن أعرف أحسن مكان يبيع عبايا الراس ألي بدون لمعه وتكون كاملة................

لب لفواد:
بارك الله فيج ختية طماطم وجزاج عنا كل خير ................
نصيحة غالية منج يا ليت البنات يعرفون قيمتها والله الدنيا ما تسو نخسر الأخرة عشانها ..............
جزاك الله خيراً مرة ثانية وجعلها في ميزان حسناتج أنشاء الله.............

بنات ممكن أعرف أحسن مكان يبيع عبايا الراس ألي بدون لمعه وتكون كاملة................

حبيبتي لب الفؤاد انا دايما افصل عند المتحجبه ودايما اطلب قطعة الفارسه لانها الاحسن بس آخر مره قالو لي انه الفارسه مب

متوفره عندهم فطلبت قطعة المها عسب انها متوفره.. واتخيلي شو صار يوم رحت عالموعد قالو لي بعد مب متوفره.. وما

يدرون متى بتوصلهم بصراحه عصبت لاني بغيتها ضروري ... وعلى فكره المحل الاصلي في قطر فاتصلت فربيعتي في قطر

اتفصلها لي وان شاء الله اتخلص. وشوفي دار الاختيار الاول ...

وسامحيني حبيبتي...

بنات ...بنات .... هدن هدن شوي


صحيح إن ها العبايات بصراحة مو حلوة حق الطلعاات لكنها جدا مميزة حق الأعياد والأعراس

الله يهدي بناتنا ...


بس ترا العباية حلوة وااايد على الأجسام الضعيفة والطويلة



بس مو عملية حق الطلعااات

عزف منفرد:
بارك الله فيك اختي على الموضوع الطيب وانا معك ومع الاخت حووورتي في الراي.. وضد بعد فكرة العباية انها تتغير وتتطور ؟؟؟!!!!! القصد من العباية الستر وليس الفتنه والزينه...طيب سؤال وش فايدة العبايات المفتوحه من قدام؟؟؟ وش تستر وش اتغطي الثوب/التنورة ولا البنطلون الضيق ؟؟ ولا عبايه بدون الشيلة / اللحاف ؟؟؟

الله يستر علينا وعليكم دنيا واخره والله يحسن من خاتمتنا ويهدي نساء المسلمين للخير ...آمين

الله يستر عليج دنيا و آخره.. آمين يا رب وعلى جميع المسلمين والمسلمات

والله رايج عجبني واتفق وياج حبيبتي...

تدرين بعد شو؟؟ يلبسون العبايه الاسلاميه و تحتها بنطلون وماسكين العبايه عن تتبطل والكل عرف انها لابسه بنطلون...

اصلا ليش لابسه بنطلون وانتي رايحه السوق؟؟ لا بعد يلبسون عبايه اسلاميه ومحتشمات وماسكه العبايه عن تتبطل و شاده

عليها من ورى.. شو الفايده؟؟

جزاك الله خير على الموضوع
والله يهدي بنات المسلميين

جزاك الله خيييييييييييييير وجعله في ميزان حسناتك

والله يهدي الجميع

السلام عليكم
رذيلة دخلت لمجتمعنا اسمها عباية الفراشة والوطواط ووووووووووو
احس انه مالها داعي هاى العباية
وييييييييييييين الستر ووووووووووين الدين وين رقابة الاهل يوم يشوفون بناتهم طالعات وهم
باحلى زينه والعباية من كبرها تبرق
اللهم لك الحمد والشكر
يااااااااااااارب تحفظ بناتنا واخواتنا من فتنة العصر

مشكوره الغاليه

انا عن نفسي البس الفراشه واشوف انها احسن من العبي العاديه

يسلموو عالنصيحه

والله يهدينا ويهدي البنات كلهن ^_^

انا بصراحة معايا عباية الفراشة واكمامها سوداء
وماهي مخصرة من الوسط
انا امقت واستغرب كمان زيكم من لباسين فساتين في الاسواق
في بعض البنات يخلو عباية الفراشة ضيقة جدا حتى تبين التفاصيل الداخلية
بصراحة هذيك غلط انا اشوف عبايتي الحمدالله كويسة وماتجلب الانتباه

وعندي حاجة كمان يريت البنات مايحطو مكياج في السوق
انا ماادري ليه يحطوا مكياج للبنات ولا للشباب
والعطور اللي من امتار
ويريت كل وحدة تطلع من بيتها محترمة

الله يهدي الجميع ان شاء الله

انا اسوي هالموديلات بس تكون واسعه وما البسها الا حق زياره خاصه يعني مثل العزايم والاعياد والاعراس امه حق السوق والطلعات العاديه لا

الحمدلله

والله يهدي الجميع ويزاج الله خير يا طماطم

:clap:

الله يجزيج كل خير....فعلا الناس صارت غافله عن هدف لبس العباية
استغرب من الام او الاب الي ماخذين بناتهم للاسواق ومخلينهم يلبسون هالعبايات او غيرها وعيون الريايل عليهم, وتفصلهم تفصيل...
اللة يهدي الجميع