للي سافرت تايلند تدخل ضروري

انشالله اقدر افيدج..شوفي حبيبتي عندج منطقه اغلبها عرب اسمها جريس او غريس في هالمكان بتشوفين محلات تبيع الشنط والساعات التقليد وعندج محلات كثيره افضلهم محل ليلى-حفيظ-فريده وعندج طوكيو سنتر (مابون كرونج سنتر) او يسمونه MBK-TOKYO CENTER وفي هالمجمع واايد محلات للأحذيه والملابس والشنط والمكياج
بوبيه تاور سوق للملابس الجاهزه وتقريبا اغلبه بالجمله بس احنا ناخذ من عنده شغلات حلوه
نايت بازار السوق الليلي بتحصلين عندهم شغلات حلوه مثل الملابس الشنط الباديات وكماليات الغرف
جاتو جاك او SUNDAY MARKET وهذي يفتح الجمعه والسبت والاحد
بات بونج يفتح من الساعه 6 الى 12 المساء
ووالحين باحط لج اسماء المجمعات الغاليه
مجمع سيام ديسكفري(سيام سنتر)__ امبوريوم__ روبينسون سوكومفيت__
سيكون سكوير (اكبر مجمع تجاري في بانكوك __ذا مول لادبراود
وهالمجمعات انا ماحب ازورها لانها غاليه
وانصحج اترفهين عن نفسج يعني مب كل الوقت تسوق ،،سفاري وورلد (عروض للحيوانات)
دريم وورلد مدينة العاب صدقيني بتستانسين فيها
سيام بارك سيتي حديقه للالعاب المائيه
واتمنى اني قدرت افيدج

مشكوره اختي غدران وما قصرتي

بس ابغي اعرف شو الاشياء اللي موجوده في تايلند انا رحت لها العام بس بصراحه ما قدرت اتسوق فيها وايد لاني مااعرف وين الاماكن و مراكزهم ما عجبتني وايد لانها على بعض يعني موب مثل مراكزنا محلات


ابغي اعرف شو غير السوع و الشنط موجوده في تايلند ؟؟؟ وخصاه للعرايس و عن الكريم الاساس اللي اييبونه من هنام خواتي اتمنى تردون على ما بقى على وقت السفر الا القليل

انا نفسج بغيت استفسر عن تايلند لاني هالاسبوع مسافره وابي احد يفيدني عن المحلات وشتبيع مو يقولون لي مجمع لان المجمع كبيييييير وين الحق والفع كله انا وحده عرووس ابي اجهز اغراضي لوول ساعدوونا لاني صج كنت بحط موضوع مثل هذا ويعطيكم العافيه

انا مثلكم ودي اخذمعلومات كافية عنها بس مثل مانتوا شايفين..مافيه ردود
انا كتبت موضوع مستقل عن هالشئ ومدري وين ودوه المشرفات
عموما روحوا عالم حواء ومنتدى العرب والمسافرون وبتلقون كل اللي تبوونه
موفقين

انا راجعه منها من اسبوع وعن الاشياء الي ممكن تشترينها للعرايس قمصان النوم والملابس الداخليه عندهم فظيعه وارخيصه وممكن اتحصلينهم في كل مكان وفيه مركز يديد فيه اكثر من 500 محل واكثره ملابس وهو موجود في منطقة باتونام واعتقد اسمه باتونام سنتر اذا ماخانتني الذاكره
وطبعا اذا كنتوا من النوع الي اجسامهم اظعيفه بتحصلين كل شي حلو واذا كنتوا من النوع الي اجسامهم متينه انسي انج اتحصلين شي
المكياج ما انصح فيه الصراحه تاخذينه من هناك لانه معظمه تقليد ومايصبغ عدل حتى ماركت ماك موجوده بس تقليييييييد
يعني اخذي من الماركات المعروفه وبتحصلين الماركات في مركز اسمه روبنسون فيه كل الماركات العالميه ويمكن ارخص من الامارات
وبعد ممكن تشترين الاكسسوارات من سوق اسمه جاينا تاون يعني القريه الصينيه وفيه محلات بالجمله بس اسعارهم وايد حلوه وارخيص وبتحصلين فيه الشباصات بانواعها
اما عن العطور فانصح انج تشترينهم من السوق الحره
واذا حابه تشترين شنط ماركات بس تقليد بتحصلينهم في سوق الليل نايت بازار وفيه اثنين يعني سوقين بنفس الاسم واحد حلو والثاني يعني
وتقدرين تاخذين كريمات وصابون من محل اسمه بودز بتحصلينه في المراكز بس اغراضه اتجنن وروائحهم خبال عني انا لازم اخذ من عندهم الصابون وكريمات الجسم
وهذا الي يحظرني الحين اذا عندج اي استفسار انا حاظره

محارة تسلمين لنا حبيبتي
وننتظر منك المزيد من المعلومااااااااااات

البنات ماقصروا تروحين وترجعين بالسلامه

السلام عليكم

لو سمحتو خواتي بغيتكم بطلبه

بسافر بعد كم يوم تايلاند و
أبا اعرف وين احصل الشنط الحلوة و تقريبا شو اسعارهم بالنسبة لنوعية الشنط

يعني من التقليد و العادي بعد


و يسلمووووووو مقدما


اختكم


الخرشة

و عليكم السلام و الرحمه ،،

الشنط التقليد درجة اولى تلقينهم في محل اسمه " حفيظ " و محل ثاني اسمه " فريده علي " و هالمحلين بعد يبيعون سوع تقليد درجة اولى ما تفرقينها من الأصلية و عليها ضمان سنه كامله

و سعر الشنط تقريباً 150 درهم بهالحدود و ان غلت ما تتجاوز الــ 300 درهم و نفس الشي السوع و الذهب مالهم رخيييييييييييص شي مركز سنترال في شانغ ماي و مركز MBK او طوكيو سنتر بعد زين اما مركز سنترال اللي في بانكوك غالي من الخاطر ما تفرق اسعارهم عن اسعارنا الا عشرين درهم تقريباً

مشكوووره الغالية

يعني احسن شي اسير لهم ما فيني اسير احاوط و وقتي ضيييج هناك

الله يعطيج العافية و تسلم يمناج

أختج

الخرشة

مشكوووره الغالية

يعني احسن شي اسير لهم ما فيني اسير احاوط و وقتي ضيييج هناك

الله يعطيج العافية و تسلم يمناج

أختج

الخرشة

ممكن تدلوني على ملابس اطفال راقية في بانكوك

مرحبا

بــــليــــــز بنات ساعدوني..

ابي اعرف اذا بانكوك تسوى العنوه ....

انا كويتيته ... والكل يقولي اسواقنا احلى بالخليج ...

يقولولي بضاعه هنود ... يعني نفس بضايع الاسواق الشعبيه عندنا...

على فكره انا احب الماركات .. وودي ارررروح اجهز من هناك ... بس خايفه اقط بتكاليف السفره عالفاضي!!!!!


بــــــــــليييييييييييييز ردوا علي...

انا الحين في تايلند هاذي المره الرابعه اللي أروح

بس أبي أماكن للكريمات والأشياء هاذي

طفشت من الشنط والملابس

يالله بنات أنتظر ردودكم