بنااات قطر فديتكم help help help << ابي رايكم

شوفي حبيبتي

نصيحه من أخت تحب لج الخير
فكري الف مره قبل اليوكو
لأن وايد ناس ما يطيح على شعرهم
تقريباً (( يقرعون))
لأنه تقنيه جديده والخبره في الخليج مو ذاك الزووود
فيه في قطر في صالون ( جاك ديسانج) في شارع سلوى
ويمدحون البحرين في صالون تبع فندق ريجنسي على ما اعتقد

نصيحه : دام شعرج مموج ومو خشن حرام تحرقينه بالتمليس
في ماسكات وكريمات شعر من لوريال تنعم الشعرر وايد وتخليه حلو
او اذا كنتي ملزمه ع التمليس استخدمي أخف نوع وهو ( الاكس تنسو ) من لوريال
ولا تسأليني في وين لأني دخت وانا ادوره عندنا في قطر .. <<< والبحث مستمر

عيشي بــ شعر احيان ناعم واحيان كشه
احسن من انج تبقين على شعره (( بسم الله عليج ))


الله يهنيج

مرحبا اختي

مثلا ما قالت اختنا التمليس مهب زين حق الشعر يحرقه


بس يمدحون تمليس صالون جاك :)

اختي
انا سمعت عنه وايد اليوكو وترا بالعكس الويوكر يفيد مايضير لان طريقته كلها تعيد حيويه الشعر وكله جلسات عليه
اختي في الدوحه مانصحج لان ولامره احد قالي عن اليوكو في الدوحه وقالوا بس بصراحه خفت
شوفي البحرين وايد وايد شطار لان سمعت يسوون في البحرين

مدار قطر

مشكوورة يابعدهم على الرد ,,

بصراحه انا سمعت عن اليوكو وقلت اجرب اذا اوكي

و افتك من سالفه الاستشوار

الا صبعي محترق والا شوط من الرطوووبه وخبرج

جونااا وصيفنااا احلى << شعار مهرجان ؟ خخخخخ

بخصوص الاكس تنسو << خخ شكلي بشتري دربيل وبلبس بالطوو وبقعد ادور معاااج لووووووووول



fdet_qatar

مشكوورة يا غلاااي على الرد :)


bntqtr

تسلمين فديتج على الرد وانا فعلا سويت بحث عن اليوكو وسمعت انه يعالج الشعر المصبووغ والمقصف ......... الخ

بس المشكله وين المكان اللي اقدر اسوي شعري فيه وماخاف اني اطلع من عندهم واروح السوق اشتري باروكه ؟؟

انا بقولكم

وحده قالت لي ان رفيجتها مسويه شعرها يوكو عند صالون هيلدا وتقول طلع اوكي؟؟

ووحده قالت لي ان مسويه عند صالون دونا اعتقد في السد صوب المطاعم فينيسا وتقول بعد اوووكي


وانا احتتترت والله والمشكله ماقدر اروح البحرين لان عندي سفره الحين قريب

وابي اسوي شعري قبل لا اسافر,,

سااعدووني يا بنااات علشاااان اسافر ان شاء الله

وفي وقت التفتيش ما يحصلون عندي استشوار خخخخخخخخ شدخل

عاد بسندر الأمة بسوي دعايه سانسيلك عقب خخخخ

جنجونه يا عسل

مثل ما قالت الأخت فيه ناس يقولون ان اليوكو تقنيه لتغذية الشعر وتحسينه
وفيه بعد التمليس بالبروتين والكيراتين وهالسوالف

انا سألت لج وحده معاي في الشغل شعرها من مكسر الى شوي خشن
وجات ذاك اليوم الدوام ولابسه شيله خفيفه وشعرها يبين ...فارقه الشعر على جنب
والشعر تبارك الله خط واحد وناعم وفيه لمعه
كان يجنن
سألتها تقول مسويه فرد اسمه (( ريبيندا )) في ( صالون السد )
هي وأختها وطلع عليهم يجنن

لكن

صديقتهم تساقط شعرها بشكل كبير
هنيه ارجع واقول يعتمد على نوع الشعر
ناس فروتهم تتحمل وناس لا..
فــــ يا قمر نصيحه : روحي احد هالصالونات واتفقي معاهم بأسلوب مقنع أنج ملستي شعرج من قبل وتساقط
طبعاً هذا كذب <<<<< استغفر الله
وانج حابــّــه تجربين على جزء من شعرج على اساس تعرفين اذا كان يصلح والا لا..
واختاري من اسفل الشعر مو القذله .....!!! :)
وسألي اكثر
بس انا لو حق نفسي بسوي ( الأكس تنسو ) لأن ضرره قليل وخفيف ع الراس


بالتوفيق يا ام شعر حلو





مدار قطر

سمعت عن الريلاكس نفس نتايج اليوكو بس اخف منه بوايد

بس مو من اول مرة لازم مرتين يعني بين المرة الاولى والثانيه 3 شهور

بيصير شعرج ناعم بس مو حرير

هلا خواتي
الأكستنسو تسويه مدام تونس اللي في صالون جون ايبل اللي بالسد , اظن بعد ما تسوينه ما تقدرين تسوين هايلايت بس ممكن تصبغين شعرج
ان شاء الله اكون افدتكم خواتي

انا انصحج لاتخاطرين بشعرج بشى مب متاكدة منه مليووووووووووووون بالميه

مشكوووووووووووووووره نعومة قطر على هالمعلومه ما تدرين صار لي اشكثر وانا ادور في الدوحه
qtr221 الريلاكس من وجهة نظر شخصيه كلش موب شي اعرف 3 سووه حق شعرهم ولا كأنج حاطه تمليس
والشعر يصير سيده ( مستقيم) بس ما فيه نعومه


جنجووونه .... اهتمي بشعرج وعليج بحمامات الزيت وكريمات لوريال اللي تنعم ابرك لج من التمليس واذا ملزمــّــه
سوي الخطه اللي قلت لج عنها


مدار قطر

مدار قطر الله قلتي لي فــــ يا قمر هههههههههههههه << لحد يتسخف

تسلمين والله انتي القمر (f)



qtr221 ,, نعووومة قطر ,, الحلم الهادىء

تسلممووون يا بعد طووايفي على الرد



سووري ترى توني اشووفه

المهم خل اقولكم وش صاااار




الاربعاء قلت انا ورفيجتي في الشغل نبي نروح نسوي

هي كانت حاجزه عند صالون هيلداا

الساعه 3 ونص العصر

كنا نبي نشرد من الشغل بس المدير صادنا خخخخ << بس جنجوونة بتقولين قصه حياتج

المهم اقولكم رحنا ويوم شافت شعري فيه هاي لايت

قالت نوو نوو نووو شوي وتغص

قلت لها انا من قبل شهر صابغته عادي

قالت ايه عادي بس لانه فيه هاي لايت مايصير

قالتي لي وحدي لون شعرج عقب اسبوعين ويفضل شهر تعالي

الحين ماسويه لان الهاي لايت بيصير لونه ابيض :qaq:

فجمعت مابقي لي من كرامه وقعدت على جنب

خفت اكثر بالكلام وتطردني خخخخخخخخخ

المهم بنات سوته حق رفيجتي

هي شعرها حبته ناعمه بس يصير منفوووش عقب ماتسبح

انا قعدت معاها شووي بصراحه تمللت لاشغله ولا مشغله

رجعت البيت وقلت بشوفه ثاني يوم في الشغل

وكنت احاتيها والله اقول شلون بيصير وليكون يطيح شعرها

المهم طرشت لي مسج كاتبه كلو تمام

ثاني يوم بنات يوم جات ترويني شعرهاااااااااااا


شنووووووووووووووووووووووو رررررررررررررررررررررررررررهيب

والله نااااااااااااعم يجنن وفيه لمعه

اي شعر فلبينيات الا شعر يابانيااات من حلاااته

انا بصراحه ماتوقعته جذي بيصير كنه ناااعم طبيعي والله

واللمعه الحلوووه اللي فيه مشااااء الله << لايطيح شعر البنت من عينج خخخخ

لا بس جد رهيب وانا قلت خل احلل الصبغه اللي في شعري وعقب بوحد اللون وبسووويه وانا مغمضه

طبعا هي قالت حق رفيجتي 3 ايام ماتغسلين راسج

يعني انا شفت شعرها قبل الغسيل

مايندرى شلون بيصير عقب ماتسبح :think:

رفيجتي تقول انه عقب ما غسلت شعرها من اليوكو بس سوت لها ستشوار هووااا

وجذي ناعم :eek:

الله يهنيها وعقبااالي ياااارب

بسويه قبل عرسي << انتي انخطبي قبل خخخخخخخخخ

وشووو بعد ايييه

سوته حق رفيجتي بـ 1200 هي شعرها تحت كتفها بحبتين

ومع الشامبوو وادوات العنااايه طلع كله عليها بـ 1500

وشكرن لكم على حسن استماعكم :salam:

كانت معكم (x) مراسلتكم جنجووونة

من صالوون هيلدا

مشكوووووووووووووووره نعومة قطر

بنات قطر اللي سألو عن الاكس تنسو يسوونه بالريجنسي عندنا بالبحرين

بالتوفيق للجميــــــــــــــــــــــــــــــــــــــــــــــــع

سمحيلي انا مب من قطر