هل المهر مقياس غلاة العروس عند أهل المعرس؟ شو رايك؟

ما اعتقد انه قدر العروس ينقاس بالمهر
و الغاليه معروف انه اقلهن مهرا اكثرهن بركه
بس الزياده تكون يمكن بمقدرة المعرس يعني يكون عنده خير فيزيد المهر بس مب تنقاس بالقدر

وشو الفايده من انه بعض العوايل تطلب ارقام خياليه و يحتاس المعرس لين ما يدبرهن و اخر شي العروس ما بتعيش حياه عدله لانه الديون مب مخلتنهم في حالهم

ولا له دعوة المهر بالقدر عزيزتي..


وانتي ممكن ترفعين من قدرج مع اهل زوجج بأخلاقج الطيبة... واسلوبج الراقي..
وحسن التعامل مع والدته..... وخواته..


بعدين انتي قستي بالمهر.. يعني تشوفين نفسج ممكن تتثمنين بالفلوووس؟؟

عزيزتي......... ثمني نفسج بالاخلاق الطيبة..

والله يوفقج دنيا و آخره..........

مشكورات على الرد خواتي
بردتوا على قلبي لأن في بنات يفكرون بهاي الطريقة
مجتمعنا صار وايد مادي
والعرسان يردونهم عشان المهر القليل
أعرف وحدة عمرها فوق الثلاثين تقدم لها واحد ممتاز بس ما قبلت بالمهر إللي هو 250 ألف درهم
أنا والله انصدمت
سبحان الله
الله ما يبارك في المهر الغالي
راح الولد واتقدم حق ناس طيبين وابو العروسة ما طلب مهر أبدا وقال خذوا بنتنا بثيابها
والله سوالها أحلى عرس في أحلى قاعات لمدة 3 أيام

المشكلة انه البنات ما يشوفون في الزواج إلا يوم العرس والفخفخة والمظاهر
ياما ناس طلقوا من أول شهر والسبب مادي

الله يعوض شبابنا و يستر عليهم يا رب

انا مش معاك في عذا المهر مش قيمه العروس لان الانسان مهما كان لا يتقدر بمال ولاكن هي علي حسب مستوي العروس والمعرس الاجتماعي ومادياتهم المتاحه :shy: كمان لو حسبنها بالطريقه دي يبقي الشبكه قيمه العروس ايضا لا حبيبتي معني هذا ان المعرسين محتاجين مال الدنيا كله ليقيموا عرايسهم لان اي واحده فين بخلقها واهلها ودينها فوق كل ذلك طبعا لا تقدر بمال

لا طبعا


وقيمة العروس باخلاقها وحسن تعاملها وطيبتها مع الكل

اقلهن مهرا اكثرهن بركة .....


والانسان لايثمن بفلوس او باي شئ آخر ,,, تقدريها باخلاقها الطيبه ودينها .. وطيبتها مع اهل الزوج ... والمرأه عمرها مب بضاعه عشان تتساوم بكم ..

اقلهن مهرا اكثرهن بركه









ترا الوحده منا مب بضاعه للبيع عشان نتنافس في

رفع المهر .. انتي انسانه لج كرامه وكيان .. وماتنشرين بفلوس

والمهر حق من حقوق العروس....بس مب تطلب مبلغ خيالي

وبعدين شو الفايده من غلى المهر....ترا بيكون على ظهرها هي وريلها






والله يوفق الجميع

اختى مو فكرة مقياس لو سلعه تتقيم بسعر او زيادة مهر
ولكن الناس مستويات ولكل وحدة قدرها فمو معقولة وحدة كانت ببيت اهلها مثلا تلبس ذهب( على سبيل المثال ) فيجي زوجها يقدم لها فضة ومعروف اصلا ان الزوجة تطلع مو تنزل

وانا اشوف اذا الزوج كثر مهر زوجته فهو يغنيها ويقدرها ويحترمها ويرخص لها الغالي وقيمتها من قيمه خصوصا اذا كانت افضل من مثيلاتها

وانا اشوف اذا الزوج كثر مهر زوجته فهو يغنيها ويقدرها ويحترمها ويرخص لها الغالي وقيمتها من قيمه خصوصا اذا كانت افضل من مثيلاتها

انزين أنا عندي نفس السؤال بس غير شوي


اهتمام أهل الزوج في تقديم المهر هل تعبر عن اهتمامهم بالعروس ؟؟؟؟؟؟؟؟؟؟

السلام عليكم

تسلمين اختي ماريا ع ها الموضوع القيم والمهم الذي يستحق المناقشه

في نظري و من واقع خبره عشتها ...كلما قل مهر الفتاه كلما زاد قدرها ومنزلتها عند زوجها

وطبعا لا ننسى ما قاله نبينا الكريم عليه افضل الصلاة واتم التسليم " اقلهن مهراً أكثرهن بركة"

وكمثال على ذلك ..... أحد من معارفنا خطب وحده ومن كثر ما هو متعلق فيها قبل بأي شي عسب يخطبها واتصوروا جم طلبوا مهر..... نص مليون درهم ها غير الذهب والفستان الي ع الريال المسكين و القاعه الي كان في احلى القاعات .... بس في النهايه شو صار .... الحينه الاثنين يعانون لدفع الديون الي تراكمت ع الريال المسكين ... و ها النهايه ...

و السموحه ع الاطاله

انا وي الاخت حزينة للابد 99

وانا اشوف اذا الزوج كثر مهر زوجته فهو يغنيها ويقدرها ويحترمها ويرخص لها الغالي وقيمتها من قيمه خصوصا اذا كانت افضل من مثيلاتها

@صغيرونه@:
انزين أنا عندي نفس السؤال بس غير شوي


اهتمام أهل الزوج في تقديم المهر هل تعبر عن اهتمامهم بالعروس ؟؟؟؟؟؟؟؟؟؟

لا والله مااظن هالشيء

بس اهتمام اهل الزوج حسب حالتهم الماديه والاجتماعيه وطيبتهم في حسن تقديم الهدايا

بس بعض الناس تهتم بس علشان المظاهر وخقه وعلشان الناس ترمس عنهم

نوسة مشكورة على الرد حبيبتي

اصلا كل ماتساهلنا بالمهر كل ماكبرنا في عين المعرس زياده..

يعني الاهل اذا سهلوا على المعرس وماشرطوا عليه وايد وقالوله اللي تقدر عليه..

بيعز الاهل وبيعز البنت وياهم وبيستحي من طيبتهم وبيكرم البنت بعكس الريال اللي يتشرطون عليه ويكلفونه فوق طاقته بتحسينه كاره العرس وكاره الاهل غير جيه متحلف للبنت انه يظهر المهر والتكاليف من عيونها...

ولا ننسى قول الرسول..بما معناه.. اقلكن مهرا اكثركن بركه..

والله يبارك في اليميع..

===================

بالنسبه للي مهرها ب250 الف ورفضت... ماعرف شو اقول.

.. 250 ا لف وتقول قليل والله بطره...

الله يهديهاا

صح لسانكم

مشكووورات عالردوووود

بالنسبة لي مهري كان 100 ألف وكل شيء كان علي، يعني القاعة والكوشة وكلللللل شيء كان من ضمن هال 100 ألف

أصلا أبوي ما رضا بأكثر وعصب علينا

وقال إذا خاطرج في شيء أنا بعطيج وهو ما قصر مووول

والعرس كان روعة بأحلى قاعة

وبعد العرس خذني حبيبي بالليموزين لين أبراج الإمارات لقضاء ليلة العمر‘ حسيت عمري ملكة :shy:

بس الحمد لله، الله بارك في مهري وزاد منه 2000 خليتهم عندي ذكرى

والحمدلله وااااااايد كبرت في عيون أبو وأم زوجي وقالوا ما اتوقعنا المهر يكون جذي قليل

والحمد لله لا ديون ولا قروض وعايشة ألحين في فيلا صممناها أنا وحبيبي ويا بعض

وداااايما يذكر سالفة المهر وإني ما ثجلت عليه

وتوتة توتة خلصت الحدوتة

حلوة ولا فتفوتة؟؟

المهر بحد ذاته يا أختي عز و قدر للعروس هذي إللي تعلمناه و ربينا عليه من يوم و أحنا صغار ، يعني يبين للعروس قدرها عند زوجها و أهله ، بس بعد الزوجة إذا طلبت مهر عالي فلازم تعرف أن هالشي بيرد عليها بالعكس لأنها راح تحمل زوجها فوق طاقته و بتكسر ظهره و بعدين راح تعيش في مستوى أقل من المستوى إللي تتمناه و إللي توقعته ، فلأفضل أن الزوجة تشيم زوجها بالمهر و تجوف هي أشكثر راح يدفع لها و على أساسه راح تعرف قدرها عنده و عند أهله .....

المهر فقط للتجهيز وممكن الولد واهله شارين البنت لكن ماعنده غير اللي امجمعه

وانا اشووف بنات كثير يردون عشان المهر بس المهم مهما كان فالنهايه بيخلص وبيبقالج الزوج

فالمهر للتجهيز وماله داعي المبالغه