الولادات...مع أو ضد

هلا حبيبتي
مشكووووووووووره ع الموضوع الحلو
بصراحه عن نفسي احب اضع فارق سن يعني (بين ولده والثانيه من 4 الى 5 سنوات)

لثلاثه اسباب:
1- عشان انا ارتاح وجسمي يرتاح
2- عشان اربي ولدي والا بنتي قبل مايجي النونو الثاني وانشغل عن الاول
3- واذا جبتهم ورا بعض انا راح اتعب معاهم

لا اكيد مع الفارق بسنوات

الفرق بين بنتي الاولى والثانية 2 سنتين
وبين الثانية وحملي اللحين 7 سنوات

والحمدلله مرتاحة وجسمي مرتاح
.

انا الحين حامل بأول طفل واتمنى يكون الفرق بين هذا الحمل والحمل الثاني سنتين
حتى تكون اعمارهم متقاربة وبعدين ارتاح كم سنه لين ما افكر بالثالث

حبيبتي
عن تجربة انا جبتهم وراء بعض الفرق بينهم حملة من غير تخطيط صحيح اني اتحطمت بالبداية ان كان اكثير تعب بس الصراحة الحين حاسة ان افضل حاجة عملتها اني جبتهم ورا بعض لأن عوار الراس واحد والتعب واحد واللي بتعبينة مع وحدة بينقسم علي ثنتين من اولد ماتولدين اول مولود لحد مايصير عمرة سنتين وانتي في حوسة وبعدها ترتاحين وبعدها سنتين مع بيبي جديد هذي اساسا بتمين 10 سنوات والا اكثر وتعالي ربي من اول وجديد انا الحين حامل بسلأني ضقت الراحة فمتحطمة ان من اول وجديد باجلس اربي وانا بعد مارتحت الا 3 سنوات ومستكبراها صراحة انا مع الأطفال ورا بعض كلها 4 سنوات اتصفصفين لك 4 اطفال وبعدين تهتمين بجسمك مرة وحدة وترتاحين مرة وحدة

هذي اول حمل لي...

وانا افضل يكونون ورا بعض من حيث التربيه وبعد حلو انهم يكبرون مع بعض

ويصرون ربع مع بعض وراحه حق الام وتقل الغيره من بينهم

انا مع الاطفال ورى بعض

يتربو سوى و تتعبي كام سنه و بعدين ترتاحين لما يكبرو مع بعض و كمان بيونسو بعض و بيلعبو سوى و ترتاحين مرة واحدة

[grade="FF4500 FF6347 008000 4B0082"][/grade]

والله انا ضد ومع

يعني اذا الوحده كانت 27 وفوق الافضل انها اتييب ورا بعض..

اما اذا كانت اقل يكون بينهم سنتين ..

انا حملت بعد ولادت ولدي محمد ب8 شهور ((بالصدفة ومن دون تخطيط )) مع اني كنت امفكرة اني احمل يوم ولدي يكمل السنتين .. بس الحمدلله الحمل هاي المرة مو متعبني ... وان شاء الله عقب ما اولد بالبنوته بمنع سنتين لاني بربي 2 ... ولدي بيكون عمرة سنه ونص يوم بولد

انا افضل يكون في فرق بس مش كبير يعني من سنتين لتلاتة
لان اذا ورا بعض مباشرة الطفل بينظلم و الام بتتعب واذا في فرق كبير راح
تكوني كبرتي وما صار الحمل منيح الك وما حلو يكون في فرق كبير بين اعمار الاخوة

انا افضل ان يكون الفرق مو وايد كبير يعني من سنة ونص الى سنتين حلووو

وماايد اللي يتركون ثلاث او اربع واكثر

انا افضل ان يكون فيه فرق بين كل طفل وطفل 3 سنوات
وهذا اللي انا سويته
اعطي بنتي حقها واعلمها تعتمد على نفسها شوي (تكرمون تتعلم عالحمام بروحها)وتعرف تتكلم وتشتكيلي اذا في شي ماتحبه او مضايقها..وتفهم معنى ان في بيبي جاي في الطريق مب تضربه ولا تسوي فيه شي..احس هذا العمر المناسب..
وفي نفس الوقت اعطي مجال حق جسمي يرجع واستانس فيه واكسب زوجي
وبعد اكون مشتاقه للحمل وتربية البيبي الجديد..

في ناس تقول تجيبين ورا بعض وتربينهم وبعدين يكبرون وترتحاين وتبتدين تشوفين نفسج افضل .. وفي ناس تقول تخلين فترة بينهم عشان جسمج يتراح وياخذ كل طفل حقه ..

وطبعا مثل قالوا البنات يعتمد على السن بعد يعني اذا كانت البنت كبيرة المفروض ما تخلي فرق كبير بين عيالها واذا كانت صغيرة خلها تتدلع وتمهل شوي :shy:

عني انا فأنا حملت من اول شهر في زواجي وكان عمري 19 سنة وولدت وانا عمري 20 سنة .. وبسبب دراستي ومسؤولية حسون غير عن اني اعتبر روحي صغيرونة :shy: قررت اني اتأخر على ولدي لمدة لا تقل عن 4 سنين يمكن حتى توصل ل5 او 6 سنين لكن قدر الله وما شاء الله فعل .. الحمد لله على كل حال ..حملت على ولدي في الشهر اللي يكمل فيه السنتين وبيكون عمر ولدي وقت ولادتي سنتين و8 اشهر ونص ..