اراءكم لو سمحتوا بسرعة بسرعة بسرعة @@

السلام عليكم الغالية مرموم والغاليات رفيقات الدرب

خواتي بس حابة اعيد اقتراح الاخت شما المحيربي عن البازار اللي اذا كان في امكانية انا نعتمده مثلا كل سنة او كل 3 شهور مثلا في ركن التسوق لانه صدق يعني راح يكون حلو للتاجرات على اساس انه مثل حملة الترويج للمنتجات اللي تعرضها التاجرة وبعد للزباين على اساس انو تعرفون موسم اعراس ومناسبات واعياد يعني ما شا الله المناسبات ما تنقطع فلو مثلا دبرنالها الحين راح يكون مثل ماقلت فرصة للتاجرات وللزباين اللي راح يقدرون يشترون اشياء اكثر طبعا في موسم التنزيلات

فما ادري شو رايكم نبدأ مثلا من 15- 7 الى نهاية 7 يعني اسبوعين اعتقد انه مناسب او لين 15 - 8 اذا تحبون شهر :shy:

فنبدأ من الحين علشان تعرفون نستغل فرصة موسم الاعراس الحين ما شا الله

وانتوا لكم الشور طبعا بس اهم شي انه يتم تحديد اليوم وكل تاجرة تحدد هي شو تبا تعرض في موسم التخفيضات وبالضبط علشان نسوي مثلا مثل الموضوع ويكون مغلق طبعا لانه بس عبارة عن اعلان في اسماء التاجرات المشتركات في البازار والاغراض اللي يعلنونها وينحط في كل منتدى عروس علشان يكون اعلان للجميع

وما ادري تعرفون وااااااااايد افكار اكيد موجودة بس والله واااايد متلخبطة ما ادري شو رايكم وان شا الله تبدعون في طرح افكار اكثر وتنظيم احلى واحلى للفكرة

وشو رايكم نسمي اول بازار نسويه بازار شما لانها اول من طرح الفكرة :shy:

والله يوفق الجميع وييسر الخير للجميع ان شا الله دنيا واخره

والسموحة على اي قصور او على اي ازعاج اسببه لكم

@ اختكم في الله @